મોરપિચ્છની રજાઈ ઓઢો, બંધ કરી દ્યો આંખ્યું,*
અમે તમે પોઢો એ માટે મઢી વીંઝણે જાત્યું,
કાનજી! આ તો પ્રેમ, પ્રેમની વાત્યું!
સરજનહારની લીલા અપરંપારનું એ ઉખાણું,
પાઠ ભજવવા બેઠા એનો, તંઈ જઈને સમજાણું;
સકનભર્યા રે’ દન અમારા, સપનભરી રે’ રાત્યું-
એથી એણે કદી ન પોપચું વાખ્યું.
ચૌદ ભુવનના નાથનું આજે કરવા મળ્યું રખોપુ,
ઉજાગરા ભવભવના લઈને નીંદર બે પળ સોંપું;
હળવા-હળવા શ્વાસના દોરે સપનું આ એક કાંત્યું,
પ્રભુ! અમે પણ ધ્યાન જરા તો રાખ્યું!
– વિવેક મનહર ટેલર
(૦૬-૦૧-૨૦૨૦)
( *પુણ્ય સ્મરણ: શ્રી સુરેશ દલાલ: મોરપિચ્છની રજાઈ ઓઢી તમે સૂઓને શ્યામ, અમને થાય પછી આરામ…)
કાન્હા, મે-૨૦૧૭
સરસ રચના, કવિશ્રીને અભિનદન, આભાર….
મૂળ કૃતિની હારોહાર એવી સુંદર રચના. જલસો.
વાહ વિવેકભાઇ બળુકેી રચના
Waaahh
અમે પ્રેમ નગરના છીએ
તુજ પ્રેમ વગરના છીએ
અમે ભક્ત થૈ પોકારીએ
પ્રીત તણું પાનેતર ઓઢીએ
અરરરર એમ હાથ ન આલીએ…અમે પ્રેમ નગરના છીએ
હું તો મીઠાં જળ ની માછલી
હાથ નહીં લાગું ઝટ તારી
હેતની હેલી રોમે રોમમાં ભરીએ
પાણીકાં ફોરા ઉલાળતાં મળીએ….અમે પ્રેમ નગરના છીએ
રાત્યું ની વાતો થોડી સપનેય કરીએ
છેડાછેડી ટીખણ ટીપણી કદીક કરીએ
ભડવીર હો તો સામો પડકાર ફેંકીએ
સામો સાવજ હોય તો તેને શું કહીએ….અમે પ્રેમ નગરના છીએ
—- રેખા શુક્લ
ઉડી ફર ફર ફૂલોની રંગીલી રંગોળી
મૂળિયાં થઈને ઉગી ફરી ગઈ રંગોળી
ઓ હેલો પતંગિયા ઉભું તો રે’ જરાં
એના કેશ ની મહેંક સૂંધી લેને જરાં
અટકચાળો વાંકડિયા વાળે લટોમાં
ઉપરથી છેડતો છબીલો એક મૂંછાળો
લીંબુની ફાડ જેવી આંખુયે તાંકતો
મન લલચાવી મૂવો તન ને માંગતો
એક વાર સાવજ થૈ ફરતો નજરે ચડ્યો
દેવી કેમે ગાળુ ઇ અધરો ચૂમી ગયો
ખોંસી ગુલાબનું ફૂલ ચિતડું ચોરી ગયો
ચોળી મારી તંગતંગ અસવસ્થ ચોટી ગયો
આમને સામને દિલે રૂબરૂ જ થઈ ગયો
મુજને ચોરી મુજમાંથી લગોલગ થૈ ગયો
—- રેખા શુક્લ
આપની રચના ખૂબ સરસ છે વિવેક્ભાઈ.
Wah..sundar rachana😍
વાહ..ખૂબ સરસ..અભિનંદન
ઘણા વખતે આટલું સુંદર કાવ્ય મળ્યુ.. ધન્યવાદ અને અભિનંદન..
સુંદર રચના. અભિનંદન
ખૂબ જ સરસ… વાહ વાહ..
ચૌદ ભુવનના નાથનું આજે કરવા મળ્યું રખોપુ,
ઉજાગરા ભવભવના લઈને નીંદર બે પળ સોંપું;..
આ પંક્તિઓ ખૂબ જ ગમી
અતિ સુંદર.
કાનજી ! આ તો પ્રેમ પ્રેમની વાત્યું
વાહહહ …👌
પઠન કરવાની પણ મજા આવી
સરસ ગીત
હળવા-હળવા શ્વાસના દોરે સપનું આ એક કાંત્યું,
પ્રભુ! અમે પણ ધ્યાન જરા તો રાખ્યું! Najul ne namanu sundar 👌🏻
– વિવેક મનહર ટેલર –
ખૂબ સુંદર પ્રેમભક્તિભર્યું ગીત..Doc
અતિ સુંદર.
સુંદર ગીત.
વાહ ખૂબ સરસ રચના
સરસ મજાના પ્રતિભાવો ફાળવનાર તમામ મિત્રોનો હૃદયપૂર્વક આભાર…