હસ્તદાબ…. ….રાજા સીટ, કુર્ગ, 2023
શા માટે મધરાતે હૈયા પર વર્તાયો હળવોહળવો હસ્તદાબ?
ઓ સપના! તું દે ને જવાબ…
સદીઓથી ખાલીપો પગમાં પહેરી ચાલ્યે રાખ્યું એકાંત લઈ સાથમાં,
પગલાં કોઈના દે પગલામાં તાલ જાણે, હાથેય વર્તાય આજે હાથમાં;
નજરે ચડે ન એવા દેશમાંથી આવીને ઝાકળ જેમ ભીંજવે ગુલાબ..
હળવોહળવો હસ્તદાબ…
નક્કર આભાસ જાણે અણદીસતો કાચ, કદી નીકળી શકો ન આરપાર,
જીવતરનો બોજ સાવ હળવોફૂલ લાગે એવો છાતી પર વર્તાતો ભાર;
જિંદગી તો આવી છે રૂમઝૂમતી સામે પણ ચહેરા પર રાખી નકાબ…
ઓ સપના! તું દે ને જવાબ…
વણદીઠું, અણજાણ્યું, કોઈ તો છે જેના હોવાનો થ્યો છે વિશ્વાસ,
અડધી રાતેય મારા દીવડાની શગમાં કોઈ પૂરે છે તેલ જેવા શ્વાસ;
પલટાતાં પાસાંમાં નીંદર કચડાય તોય દિવસે તો અકબંધ રૂઆબ…
પણ જે કંઈ છે, છે લાજવાબ…
– વિવેક મનહર ટેલર
(૦૩-૧૧-૨૦૨૨)
વિસરાયેલી ધરોહર…. …હોયસાલેશ્વર (હાલેબીડુ), કર્ણાટક, 2023
વાહ વાહ વાહ
શગમાં કોઈ પૂરે છે તેલ જેવા શ્વાસ
આહા
વાહ.સરસ અભિવ્યક્તિ..
આભાર
આભાર પરબતભાઈ
ખાલીપો પગમાં પહેરી કે પછી…શગમાં કોઈ પૂરે છે તેલ જેવા શ્વાસ…
અદ્ભુત રચના અને એ.પણ સાતસોમી !
આખે આખી રચના સુંદર આલેખાઈ છે.
આટલી લાંબી મજલ સફળતાપૂર્વક આગળ ધપાવવી એ નાની સૂની વાત નથી….
અને આટલે લાંબે આવીને આવી રચના આપવી એ જ કવિની સફળતા જતાવે છે… સાતસો વાર અભિનંદન !!!!
આગળ પણ અનેક પ્રયોગ સાથેની અવનવી રચના માણવા માટે વાચકગણ આતુર રહેશે…
ખૂબ ખૂબ આભાર…
લાંબા સમય બાદ પ્રતિભાવ સાંપડ્યો… આનંદ થયો
ખુબ ખુબ અભિનંદન! 🙏
આભાર, અમી
સુંદર રચના. 👌
આભાર કિશોરભાઈ
ઉત્તમ કામ કવિ , અભિનંદન
આભાર, દર્શકભાઈ
સરસ.
અભિનંદન
આભાર, હર્ષદભાઈ
ખાલીપો પગમાં પહેરી ચાલે એકાંત.ક્યા બાત વિવેકભાઈ. સુંદર રચના.અભિનંદન.
ખૂબ ખૂબ આભાર, નીલાબેન
હાર્દીક વધામણી. ખૂબ અભિનંદન.
હાર્દિક વધામણી. ખૂબ અભિનંદન.
આભાર, પૃથા સોની
Congratulations on 700th post! Amazing journey so far, and wishing you many more of such milestones!!
ખૂબ ખૂબ આભાર, જયશ્રી…
તારો પ્રતિભાવ ગુજરાતીમાં ન હોવો જોઈએ?
Sunder
આભાર, રચના
ઉમદા રચના .
ખૂબ ખૂબ અભિનંદન 🌹
આભાર, કમલેશભાઈ
Very nice post.
આભાર, ઉમેશભાઈ
700 પોસ્ટ ના માઈલ સ્ટોન ને ઉજાગર કરતી અદ્ભુત રચના.. ખૂબ ખૂબ અભિનંદન સર
આભાર, દિલીપકુમાર…
વાહ.. ખૂબ સરસ
આભાર, વારિજભાઈ
ખુબ સરસ કવિતા સાહેબ , અભિનંદન ને પ્રણામ .
સાથે મુકેલ ચિત્ર જાણે આ કવિતા માટે જ હલેબીડ માં મૂક્યું હશે સદીઓ પહેલા એમ લાગણી થઇ . અસ્તુ
સાચી વાત…
ખૂબ ખૂબ આભાર, બારીનભાઈ…
આખું ગીત બહુ જ સરસ,,
નક્કર આભાસ જાણે અણદીસતો કાચ
કદી નીકળી શકો ન આરપાર,,વાહ કવિ,, અદ્ભૂત
કવિકર્મ,,આપની કાવ્ય સફર ને ખુબ ખુબ અભિનંદન..
આભાર
ગીતોની સાથે ખુબ સરસ તસ્વીરો માણવાનો પણ અમને લાભ મળે છે.. ધન્યવાદ…
આપનો આનંદ એ મારો આનંદ, તનુજી
જોરદાર ભાવાવેગનુ ઝરણું વહી નીકળ્યું હોય એવું હ્દય સ્પર્શી આલેખન.
રચના નું શીર્ષક ‘ હસ્તદાબ ‘ અને શબ્દોનું સાયુજ્ય હૃદય ભાવને તાદૃશ વર્ણન કરે છે. મધરાતેય કોઈ માનસપટ પર આવી હૃદયને દ્વારે હળવો હસ્તદાબ આપી જગાડી જતું હોય એવું અનુભવાય છે.
આપની સંવેદનશીલ કલ્પના શક્તિ ને વંદન કરું છું.
ખૂબ ખૂબ આભાર મીતા…
આવા પ્રોત્સાહક પ્રતિભાવો જ ખરું ચાલકબળ છે
વાહ, ખૂબ સરસ રચના. ખૂબ ખૂબ અભિનંદન. શ્વાસની જેમ જ શબ્દ સાધના અસ્ખલિત વહે એવી શુભેચ્છાઓ
ખૂબ ખૂબ આભાર, નેહલ
વાહ બહુજ સુંદર હૃદયસ્પર્શી શબ્દ રચના
જે હૈયે વ્હાલ ને પ્રેમ ના પુષ્પ મહેંક મહેંકાવે
ને સંબંધ જ નહીં બસ જાણે એ વિશ્વાસ ને
શ્વાસ બની ધબકાર બની રહ્યાં તેવું ઉત્તમ
ને શ્રેષ્ઠ આલેખન કર્યું છે 👌🌹✍️
Frome Nitesh
@નીતેશ:
ખૂબ ખૂબ આભાર