ઇતિહાસમાં જીવીશું!

કતારબંધ રંગો…. સફેદ રણ, ભૂરું તળાવ, હરિત કાંઠો, ગુલાબી સુરખાબ, ધોળાવીરા, 2022

અહેસાસમાં મરીશું, અહેસાસમાં જીવીશું,
હર શ્વાસમાં મરીશું, હર શ્વાસમાં જીવીશું.

સંપર્કના અષાઢો છો ને વહી ગયા પણ
આખું વરસ વિરહના મધુમાસમાં જીવીશું.

દુનિયાને કહી દો, વચ્ચે દરિયાઓ પાથરી દે,
આવ્યાં છીએ જે પીતાં, એ પ્યાસમાં જીવીશું.

એક બુંદ પણ બચે નહિ, જો જો, નકર અમે તો
એમાંથી થઈને પાછા સાજાસમા જીવીશું.

ઇતિ સમાપયેત્ – આ કહીને લખી છો વાળો,
રાખો લખીને આ પણ – ઇતિહાસમાં જીવીશું!

વિવેક મનહર ટેલર
(૨૯-૦૪-૨૦૨૨)

ઇતિહાસમાં જીવીશું….. …ફોસિલપાર્ક, ખડીર બેટ, કચ્છ, 2022

18 thoughts on “ઇતિહાસમાં જીવીશું!”

સરસ ગઝલ.👌

Sunder સરસ રચના.

ખૂબ સરસ ગઝલ કવિ

Beautiful બહુજ પ્રેમ થી ભરેલું!

મધુમાસમાં જીવીશું… વાહ સરસ ગઝલ

વાહ !! ખૂબ સુંદર ગઝલ 🥰

વાહ, સરસ રચના અને અદભુત ફોટોગ્રાફ!

‘કભી કિસીકો મુકમ્મલ જહાં નહીં મિલતા..
વાહ..ખુમારી ભર્યો મિજાજ વર્તાય છે ગઝલમાં.

ઇતિ સમાપયેત્ – આ કહીને લખી છો વાળો,
રાખો લખીને આ પણ – ઇતિહાસમાં જીવીશું! Je baat !
– વિવેક મનહર ટેલર –

શબ્દો છે શ્વાસ મારા