વિવેક કહી મને બોલાવો છો, શું જાણ નથી?
હજી સુધી મને મારી જ ઓળખાણ નથી.
આ દેહ જેમાં હું રહું છું પચાસ વર્ષોથી,
સ્વયં મને હજી એની પૂરી પિછાણ નથી.
બધાની જેમ અજાણ જ છું હુંય સદીઓથી,
હું છું કે નહીં ને છું તો શું છું? કંઈ પ્રમાણ નથી.
ટુ બી કે નોટ ટુ બીના ભરમ ઉકેલો તમે જ,
હું અદનો આદમી છું, હું ચતુરસુજાણ નથી.
ઈમાન-કૂફ્રની વચ્ચે હતી જે ગાલિબને,
અધર્મ-ધર્મમાં મારે એ ખેંચતાણ નથી.
સ્વયં વિશે કશું કહેવું જ પડશે એમ કહી,
વળી કહો છો તમે, પ્રેમ છે દબાણ નથી.
તમારું સત્ય છે કે પ્રાણ શ્વાસ પર નિર્ભર,
અહીં તો શબ્દ જો લઈ લો તો પછી પ્રાણ નથી.
‘રમેશ’! ખુશ છે છે અક્ષરના નામથી જ ‘વિવેક’,
તો શું થયું એ તારા ઢીંચણસમાણ નથી!
– વિવેક મનહર ટેલર
(૧૮-૦૪-૨૦૨૬)
વાહ
@કૌશલ યાજ્ઞિક
આભાર
મસ્ત
@ મિતા ગોર મેવાડા:
ખૂબ ખૂબ આભાર
[email protected]
[email protected]
અફલાતૂન ગઝલ 👌
@ યોગેશ સામાણી:
ખૂબ ખૂબ આભાર
ખૂબ અર્થસભર, અનુભૂતિસભર અને અંતર્મુખ કરતી રચના…
જવાહર બક્ષીની રચના યાદ આવી ગઈ
ટોળાની શૂન્યતા છું, જવા દો કશું નથી,
મારા જીવનનો મર્મ છું, હું છું ને હું નથી.
આધ્યાત્મિક જગતથી લઈને આમ આદમી સુધી મૂંઝવતા પ્રશ્નો: હું કોણ?, તું કોણ? તે કોણ? માં ફરી ડૂબકી લગાવવાની તક મળી.
છ અક્ષરનું નામ ધરાવતા કવિ શ્રી વિવેક ટેલરને ખૂબ અભિનંદન
@ સ્નેહલ વૈદ્ય:
સરસ મજાનો પ્રતિભાવ પાઠવવા બદલ આપનો હૃદયપૂર્વક ખૂબ ખૂબ આભાર
ખૂબ સુંદર ગઝલ…
@ મયૂર કોલડિયા:
દિલથી ખૂબ ખૂબ આભાર
અદભુત શબ્દ સાધના
@ ડૉ. પંકજ ગાંધી:
દિલથી ખૂબ ખૂબ આભાર
વાહ વાહ સરસ ગઝલ
@ આસિફખાન આસિર:
ખૂબ ખૂબ આભાર
Waah super duper 😍 👌
@ અમીષા પારેખ :
ખૂબ ખૂબ આભાર
સુંદર ગઝલ, વિવેક ભાઈ. 👌
@ કિશોર બારોટ:
ખૂબ ખૂબ આભાર
Wah… Sundar..!!
@રચના શાહ:
ખૂબ ખૂબ આભાર