પહેલી પીળી આંખડી….. ગરમાળો…
લીલા વીલા ચહેરે પહેલી પીળી આંખડી ખૂલી,
‘આવ ઉનાળા,’ કહી ગરમાળે લગરીક લીધું ઝૂલી.
ફરકી, ફરકી, ફરકી આજે પ્રથમ સેર જ્યાં ફરકી,
‘સૂર્યદેવનું પાવન પગલું,’ કહીને કોયલ મરકી;
ક્યાંક ભૂલથી તૂટી ન જાયે પીળું ફૂલ એકાદું
ખિસકોલી એ ધ્યાન રાખતી બીજી ડાળ પર સરકી;
દેવચકલી પણ બે પળ માટે ખાવું-ગાવું ભૂલી.
‘આવ ઉનાળા,’ કહી ગરમાળે લગરીક લીધું ઝૂલી.
હવે ભલેને ગ્રીષ્મના ડિલે ફૂટતી લૂની પાંખો,
હવે ભલેને સૂરજદાદો કાઢે કરડી આંખો;
હવે ભલેને તપતા રસ્તા બોલે, અમને સાંખો
હવે આ પીળો વાન થશે ન મોસમ સામે ઝાંખો,
ડગલે પગલે શહેરમાં ખૂલશે પીળી શીળી મઢૂલી.
‘આવ ઉનાળા,’ કહી ગરમાળે લગરીક લીધું ઝૂલી.
– વિવેક મનહર ટેલર
(૨૬-૦૩-૨૦૨૬)
શીળી મઢૂલિ….
વાહ વાહ.. ખૂબ સરસ ગીત
@દિના છેલાવડા:
ખૂબ ખૂબ આભાર
ખૂબ સરસ ગીત
@અમીન કંચન:
ખૂબ ખૂબ આભાર
વાહ ખુબસરસ ગીત
@ આસિફખાન આસિર:
ખૂબ ખૂબ આભાર
Vahh
@જિગીષા દેસાઈ:
ખૂબ ખૂબ આભાર
Waah waah.. bahu j saras geet.
@ નેહા પુરોહિત:
ખૂબ ખૂબ આભાર
લગરિક લીધું…wah
@વ્રજેશ મિસ્ત્રી:
ખૂબ ખૂબ આભાર
Wah..!!
@રચના:
ખૂબ ખૂબ આભાર
ખૂબ સરસ ગીત રચના , ઉનાળામાં ગરમાળાનો વૈભવ તન મન હદયની ગરમીને ઓછી કરી એનાં વૈભવમાં આપણને રસતરબોળ કરે છે . એ જ તો ઉનાળાની મજા છે . ખુદ ગરમાળો પણ ઉનાળાની મજા માણે –વાહહહહહ.
ખૂબ સરસ રચના.વિવેકભાઈ.
@ પ્રજ્ઞા વશી:
સમય ફાળવીને સરસ મજાનો પ્રતિભાવ પાઠવવા બદલ ખૂબ ખૂબ આભાર..
ખુબ જ સરસ!!
@મમતા પંડ્યાઃ
ખૂબ ખૂબ આભાર…
વિવેકભાઈ, મને પ્રકૃતિ વિશેના કાવ્ય ખૂબ જ ગમે છે, આ રચનામાં સહજ રીતે વહેતો લય, પ્રકૃતિ તત્વના રૂપક મનોહર અને મનભાવન છે. કાળજાળ આકારા ઉનાળામાં આવા ગુલમોર અને ગરમાળા વિશેના ગીતો હ્રદયમાં ભીનાશ પાથરી દે છે, મુખડું અને પ્રાસ તો ખુબ જ સુંદર છે, 🙏
@ભૂપેન્દ્ર કાંતિભાઈ રાઠોડ:
કેવો સરસ પ્રતિભાવ! ભાવક સમય ફાળવીને આવો પ્રતિભાવ આપે ત્યારે સર્જકને લખ્યું સાર્થક થયું અનુભવાય…
ખૂબ ખૂબ આભાર…
મિત્ર,
ગીત વાંચ્યું અને ફરી ફરી વાંચવું ગમતું રહ્યું… ઉનાળાની જે રાહ જુએ એ જ ગરમાળાની, પીળા રંગની કદર કરી જાણે… ફ્ક્ત આ જ રંગ નહીં પણ અસંખ્ય રંગોની બિછાત ઉનાળો પોતાની સાથે લઈ આવતો હોય છે… અને અહીં તો કવિએ આ ગીત દ્વારા ઉનાળાને જે રીતે આવકાર આપ્યો છે, ગરમાળાની લહેકને પણ શું શણગાર પહેરાવ્યા છે -ગરમાળે લગરીક લીધું ઝૂલી – વાહ!
વળી કોયલ, ખિસકોલી અને દેવચકલી પણ જે રીતે ‘આવ ઉનાળા’ કહી અહીં જે રીતે આમંત્રે છે..એ જોઈ વિચાર આવે છે, કવિની કલમ જ ઉનાળાને લઈ ન આવી હોય…
આ ગીત મને અને મારા જેવા ઘણાં વાચકોને દર ઉનાળે યાદ આવવાનું છે એ નક્કી… અને જો આ ગીત ગણગણતાં આવડી જશે તો રસ્તાને સાંખવો પડે છે એય વિસરાઈ જશે ને નજર ગરમાળે અને એવા કેટલાંય ઝાડ ને ફૂલો પર અટકી રહેશે… આભાર મિત્ર!
@મીના છેડા:
વાહ… આ જમાનામાં આટલો સમય કાઢીને મનોભાવ કોણ વ્યક્ત કરે જ છે? ખૂબ આનંદ થયો આ પ્રતિભાવ વાંચીને… ખૂબ ખૂબ આભાર
સરસ આલેખન. આભાર.
@ અપૂર્વ રુઘાણીઃ
ખૂબ ખૂબ આભાર
‘આવ ઉનાળા,’ કહી ગરમાળે લગરીક લીધું ઝૂલી. Aaha !
– વિવેક મનહર ટેલર
(૨૬-૦૩-૨૦૨૬)
Mastaan sir ji 😊
@ પૂનમ:
ખૂબ ખૂબ આભાર