સ્મિત ખચિત…. …મોનાલિસા, લુવ સંગ્રહાલય, પેરિસ, મે-2023
બાર વરસના અબોલડા ને તેર વરસની પ્રીત*
કેવી રીતે ગાવાં મારે, કહો! પ્રીતનાં ગીત?
નથી ઇચ્છતું કરવા સહેજે કોઈ કોઈને દુઃખી
પણ એક સ્વભાવે રાતરાણી છે, એક છે સૂરજમુખી
દિલના દરિયાના તળિયામાં બંને મારે ડૂબકી
પણ હાથ શું આવ્યું કહેવા બાબત બંને સેવે ચૂપકી
મોતી ગોતી હાથમાં દેવા કે કરવા સંચિત?
સંધિકાળે રાત દિવસ લઈ હાથ, હાથમાં ઝૂમે
ક્ષિતિજ પર વળી લળીલળીને ગગન ધરાને ચૂમે
તાપ અથરો થાય ભલે ને, સાથ ન છોડે છાંય,
પણ આપણને બંનેને આ વાત ન કેમ સમજાય
કે અળગાં રહીને જોડાવું એ પ્રીતની સાચી રીત?
વિવેક મનહર ટેલર
(૩૦-૦૯-૨૦૨૩)
(*પુણ્ય સ્મરણ: જગદીશ જોષી
તેર વરસના અબોલડા ને બાર વરસની પ્રીત)
અડીખમ ઈરાદાઓની કવિતા…. એફિલ ટાવર, મે-2023
Very nice
@કિરણ જોગીદાસ
આભાર
👌👌
@માધવી
આભાર
Wah
@રચના:
આભાર
I think અળગાં રહીને જોડાવું એ પ્રીતની સાચી રીત
@ભરત ત્રિવેદી:
સાચી વાત… ગીતમાં પણ એ જ કહ્યું છે.
ખૂબ ખૂબ આભાર
ખૂબ સરસ
@પ્રવીણ ઠુમર:
આભાર
બાર વરસના અબોલડા ને તેર વરસની પ્રીત*
કેવી રીતે ગાવાં મારે, કહો! પ્રીતનાં ગીત?
વાહ,
નહી ગાવ તો ચાલશે આવા ગીત લખતા રહેજો હોં..
મજાની કૃતિ
@દિલીપકુમાર ચાવડા:
હાહાહા… ફિકર ન કરો… ગાવા તો નહીં જ બેસું…
ખૂબ ખૂબ આભાર
‘એક સ્વભાવે રાતરાણી છે,એક છે સૂરજમુખી..
વાહ, બહુ સરસ…
@તનુ પટેલ
ખૂબ ખૂબ આભાર