પ્રતીક્ષા…. ….સોમનાથ, નવેમ્બર 2023
ગયું એ આવતું નથી ફરી, ઉદાસ ના થા આમ,
પુરાણા ઘાવ હૈયે સાચવી ઉદાસ ના થા આમ.
ગયું એ આવતું નથી કદી, ઉદાસ ના થા આમ,
સ્મરણ બધું જ રાખે સાચવી, ઉદાસ ના થા આમ.
સમીપ હોય ના એ ના જ હોય એવું તો નથી,
નજર ન પહોંચે ત્યાં શું કઈં નથી? ઉદાસ ના થા આમ.
વહી ગયું એ પાછું ના ફરે એ સત્ય છે છતાં,
કદી શું જળ વિના રહે નદી? ઉદાસ ના થા આમ.
તું જેને ખોતર્યા કરીને તાજા રાખે છે સતત,
સમય એ ઘાવ પણ જશે ભરી, ઉદાસ ના થા આમ.
જરા તો ખ્યાલ કર, સ્વયં ઉદાસી થઈ જશે ઉદાસ,
તને સતત ઉદાસ નીરખી, ઉદાસ ના થા આમ.
– વિવેક મનહર ટેલર
(૧૧-૧૧-૨૦૨૨)
crucifixion by Andrea Mantegna, Louvre, Paris 2023
Wah… wah
આભાર જયંતભાઈ
Waah!
આભાર અમી
વાહ ખૂબ મજાની ગઝલ
આભાર બાપુ
છેલ્લો શેર વિશેષ ગમ્યો.
આભાર કિશોરભાઈ
વાહ વાહ મજબૂત ગઝલ
આભાર આસિફખાન
સરસ રચના.. સાથે બોલતી તસ્વીરો…
@તનુ પટેલ:
ખૂબ ખૂબ આભાર
“ગયું એ આવતું નથી કદી, ઉદાસ ના થા આમ,
સ્મરણ બધું જ રાખે સાચવી, ઉદાસ ના થા આમ.” Big Yes !
વિવેક મનહર ટેલર -((૧૧-૧૧-૨૦૨૨)