તારા વગર તો હું એવી છું, વહાલમ, જેમ બારણાં વિનાની બારસાખ,
હોવાનો અર્થ જ હું ખોઈ બેસું સાવ જ એ પહેલાં તું આવવાનું રાખ.
કિલ્લાએ પહેરેલી સદીઓની હવ્વડ આ ઇંતજારી રાખી કબૂલ,
જોજે તું, કાળથીય પહેલાં ન થઈ જાયે રાંગ તણી ઈંટ ઈંટ ધૂળ;
આડેધડ ઊગેલાં બાવળિયાં વચ્ચે પણ ખીલ્યું છે એક વનફૂલ,
ખરી ખરી ફરી ફરી મ્હોરે છે એમ જાણી આ ભણી કરશે તું આંખ.
વહાલમ! વેળાસર આવવાનું રાખ.
એક પછી એક ઋતુ બદલાતી જાય, મારી બારમાસી મોસમ છે તું,
આવે ને જાય કંઈ કેટલુંય અંદર પણ અણછૂઈ અણોસરી છું હું;
એક તારી ચડાઈમાં મારી વડાઈ, બીજા સઘળામાં જૌહરની લૂ,
તારે ખાતર હું ઇતિ-હાસ થઈ પથરાઈ, છે તને વાંચવાની ધાખ?
વહાલમ! એકદા તો આવવાનું રાખ.
– વિવેક મનહર ટેલર
(૨૨-૦૯-૨૦૨૦)
વનફૂલ… .સોનગઢનો કિલ્લો, ૨૦૨૦
સરસ ગીત
વાહ વનફૂલ
🥀🥀
હોવાનો અર્થ જ ખોઈ બેસું….વાહહ સરસ મજાનું ઊર્મીઓથી છલોછલ ગીત
વાહ અફલાતૂન
ઊર્મીઓથી સભર ગીત
Saras bahuj mithu vahlu….geet
સરસ ગીત
બારણાં વિનાની બારસાખ અને એના ઉપર “વળી” રાખ
👌💐
વિગ્રહમાં નાયિકાનાં હ્રદયની ખંડેર મનઃસ્થિતિ નું સચોટ ગીત, અભિનંદન
ખૂબ સરસ ગીત…
વાહ, સરસ ગીત.
વિગ્રહમાં નાયિકાનાં હ્રદયની ખંડેર મનઃસ્થિતિ નું સચોટ ગીત, અભિનંદન
*વિરહમાં નાયિકાનાં હ્રદયની ખંડેર મનઃસ્થિતિ નું સચોટ ગીત, અભિનંદન
તારે ખાતર હું ઇતિ-હાસ થઈ પથરાઈ, છે તને વાંચવાની ધાખ?
વહાલમ! એકદા તો આવવાનું રાખ.
– વિવેક મનહર ટેલર – Kya baat…
મજાન ગેીત્
આડોધડ બાવળની વચ્ચે ખીલેલુ વનફુલ.મઝાનુ ગીત.
ઉર્મિસભર સરસ ગીત, ડોવિવેક્ભાઈ,
અભિનદન….
આભાર….
Khub j sundar..!! Kharekhar nayika ni manosthiti ne Sundar rite darshavi chhe.
Kyarek koi Nayak pan aa rite raah joto hoy ena mate pan lakhi hoy to pls. Laystaro par mukjo.