પુસ્તક ઊઘાડતાં શું જૂનું ગુલાબ મહેકે?
ના, ફૂલ એ સૂકું નહિ, પણ યાદ એક ચહેકે.
યાદોનું કામ પાછું અદ્દલ શરાબ જેવું,
જે જેટલી જૂની લે, એ એટલું જ બહેકે.
યાદોના વનમાં એને શોધું તો કઈ રીતે હું?
જાઉં જો ત્યાં તો અહીં ને અહીં હોઉં તો ત્યાં ગહેકે.
બોલો, વધી વધીને એ શું બગાડી લેશે?
પણ યાદ અડકી લે તો કોઈ એનું એ જ રહે કે?
ના આગ કે ના તણખો, ના વીજ કે ના તડકો
યાદોમાં એવું શું છે કે રોમ-રોમ દહેકે?
મોસમને લાગે મહિના, યાદોનું એથી ઊલટું,
ચપટીમાં પાનખરના સ્થાને વસંત લહેકે.
-વિવેક મનહર ટેલર
(૧૦-૪/૦૧-૦૭-૨૦૧૮)
ખૂબ સરસ ગઝલ.
વાહ અદ્દલ શરાબ જેવું👌👌👌👌
વાહ, બહુ સરસ રચના. મઝા આવી ગઈ!
વાહ સુંદર ગઝલ
3rd ne chhelo sher mast
Wow sir
Tamari gazal vachine amaru rome rom mahke
Very nice sir
વાહ !
વાહ
ખૂબ સરસ યાદ 👏👏👏
આખું યાદ પુરાણ ખૂબ સરસ…
વિવેકભાઈ, ખૂબ સરસ ગઝલ.
અભિનંદન.
સુંદર 😊
kya baat
Khub sundar gazal chapti ma pankhar ne sthane vasant maheke wahh!!!
મોસમને લાગે મહિના, યાદોનું એથી ઊલટું,
ચપટીમાં પાનખરના સ્થાને વસંત લહેકે
મસ્ત ગઝલ.
બોલો, વધી વધીને એ શું બગાડી લેશે?
પણ યાદ અડકી લે તો કોઈ એનું એ જ રહે કે?
👍🏻
Nop…
સુંદર રચના
બીજો શેર તો હાંસિલ-એ-ગઝલ.
ખૂબ સુંદર રચના…
વાહ વાહ… 👌👌👍👍
યાદ તાજી કરી ગૈ
મસ્ત ગઝલ બહેકી બહેકી
પ્રતિભાવ પાઠવનાર તમામ મિત્રોનો અંતઃકરણપૂર્વક આભાર
મોસમને લાગે મહિના, યાદોનું એથી ઊલટું,
ચપટીમાં પાનખરના સ્થાને વસંત લહેકે.
બહુ સરસ શેર ….. યાદો ની વાદીઓ મા ફરવું ગમ્યું
ખૂબ ખૂબ આભાર…
વાહ મસ્ત