જીવન એક પરપોટો….
*
આ વખતે કંઈક નવું કરીએ… પ્રસ્તુત ગઝલમાં એક શેરમાં બે શ્લેષ અલંકાર વાપર્યા છે… જોઈએ, વાચકમિત્રો એ પકડી શકે છે કે કેમ?
*
જ્યારે ભ્રમ હયાતીનો બુદબુદાનો ભાંગશે,
થઈ જશે હવા હવા, પાણી પાણી થઈ જશે.
જિંદગીમાં એક ક્ષણ, દોસ્ત! એવી આવશે,
સરખું લાગશે બધું – છે, હતા, નથી, હશે !
માર્ગ લઈ નવો તું જો ચાલ ચાલ રાખશે
ચાલ પડશે એ રીતે, જગ પછીતે ચાલશે
ના, કશું જ નહીં થશે, ના દિવસ થશે, ના રાત
જે ઘડીએ તું મને ‘આવજો’ કહી જશે…
‘તું નથી’ની ટ્રેન તું, ખાલી પ્લેટફૉર્મ હું:
શું ફરક પડે પછી, થોભે કે ન થોભશે?
શું કરું, ખબર નથી; ક્યાં જવું, ફિકર નથી,
શબ્દનું શરણ લીધું, રહીશું જેમ રાખશે.
-વિવેક મનહર ટેલર
(૧૯-૧૦-૨૦૧૭)
‘તું નથી’ની ટ્રેન તું, ખાલી પ્લેટફૉર્મ હું:
શું ફરક પડે પછી, થોભે કે ન થોભશે?
– વિવેક મનહર ટેલર – ક્યા બાત…
આભાર…
Khushiiup143@gmail.com
વાહ.
જગ પછી તે ચાલશે
Waah khub saras gazal
જિંદગીમાં એક ક્ષણ, દોસ્ત! એવી આવશે,
સરખું લાગશે બધું – છે, હતા, નથી, હશે !
Waah khub sundar sher
વાહ!સરસ રચના.
માર્ગ લઈ નવો તું જો ચાલ ચાલ રાખશે
ચાલ પડશે એ રીતે, જગ પછીતે ચાલશે
શુ ચાલ ચાલી છે, ખૂબ જ સુંદર…..
માર્ગ લઈ નવો તું જો ચાલ ચાલ રાખશે
ચાલ પડશે એ રીતે, જગ પછીતે ચાલશે
વાહ શ્લેષ અલંકારની ખૂબી! સરસ ગઝલ.
હવા હવા પાણી પાણી થઈ જશે ક્યાં બાત ખૂબ સુંદર ગઝલ
ખુબ જ સરસ