મા

Monkeys by Vivek Tailor
(ઊભુ રહે… ક્યાં ભાગે છે તું?..                       …..કૌસાની, મે-૨૦૧૭)

*

મા વિશે લખવા માટે મારી પાસે કંઈ જ નવું નથી.
અય મા! તેરી સૂરત સે અલગ…
जननी जन्मभूमि श्च..
મા તે મા….
માવતર કમાવતર…
જનનીની જોડ સખી!
જે કર ઝુલાવે પારણું….
-આ બધું તો ઑલરેડી લખાઈ ગયેલું છે.
મા માટે કવિતા લખવા માટે મને કોઈ ગીત-ગઝલ સૂઝતાં નથી
કેમ કે મા સાથેના મારા સંબંધો બિલકુલ નિયમિત નથી.
મને બહુ મોડું થાય તો મા મારી રાહ જોઈને બેસી રહેતી નથી.
એ સૂઈ જાય છે.
માને કંઈ દુર્ગાની જેમ દસ હાથ નથી.
રસોઈ મીનાક્ષીબેન બનાવી જાય છે.
કચરા-પોતું, વાસણ-કપડાં પણ એણે કરવા પડતાં નથી.
ટેક્સ્ટબુકમાં છપાયેલું હોય કે ફિલ્મોમાં બતાવે
એવું કંઈ ખાસ એણે કરવાનું આવ્યું નથી.
પ્રેક્ટિકલી મા પાસે એવું કંઈ કરવા જેવું છે જ નહીં જેની કવિતા કરી શકાય.
હું ડ્રૉઇંગરૂમમાં વધારે બેસતો નથી;
મા સાથે તો જવલ્લે જ.
એની સાથે વાત કરવા જેવું મારી પાસે કશું હોતું નથી,
તો પછી કવિતા શેની કરવાની?
પણ એય માણસ છે, માણસ… ભગવાન તો નથી જ ને?
મારા વર્તનથી એને દુઃખ પણ થતું જ હશે,
કેમકે એના ચહેરા પર મારા વડે થતી અવહેલના ક્યારેક જોઈ શકાય છે.
મા મરી જશે તો શું મને તકલીફ થશે ખરી?
શું હું ત્યારે મા વિશે કવિતા લખીશ?
ખબર નહીં.
હું એને ભગવાન ગણતો નથી.
મેં ભગવાનને જોયો પણ નથી ને હું ભગવાનમાં માનતો પણ નથી.
પણ ગઈકાલે જ્યારે મારા દીકરા પર ગુસ્સામાં મારો હાથ ઊંચો થઈ ગયો
ને મારા દીકરાની માએ
ફક્ત એની આંખો વડે મારા હાથને હવામાં જ પકડી લીધો
ત્યારે…
બસ ત્યારે, મને થયું કે મા મને થોડી થોડી સમજાય છે.

– વિવેક મનહર ટેલર
(૦૫-૦૫-૨૦૧૭)

 

Francolins by Vivek Tailor
(તીતર કે દો આગે તીતર                  …..કોર્બેટ, મે-૨૦૧૭)

15 comments

  1. Devang Naik’s avatar

    . અવાસ્તવિક,કાલ્પનિક માં સ્તુતિ કરતા આ વાસ્તવિક,યથાર્થ સત્ય વાંચવાની મજા પડી મહદઅંશે સૌની આજ મનોસ્થિતિ હશે…

  2. Jignasa Oza’s avatar

    હ્રદયના કોટરે લોહી નથી, છે લાગણી, મા છે,
    સમજને સૂઝકાથી ગૃહસ્થી લે સાંકળી, મા છે.

    નયન નેહે નિતરતાં કર મહીં આશિષ વહે જેના,
    સદા કાળે વરસતી શીશુ કાજે, વાદળી, મા છે.

    ન દુઃખોને ફરકવા દે જરી બાળક સમીપે એ,
    વજ્ર, બખ્તર, લગામો, ઢાલ, બનતી સારથી, મા છે.

    વહાલપથી છલોછલ ઝરણ, હેલી મમત ટપકે,
    બગીચો જીંદગી નો એ ખિલાવે, ફાગણી, મા છે.

    ડગર ભટકે, છટકે સાથી, વળી વાંકુ થતું ભાગ્ય,
    સફરને તરબતર કરતી, સુહાની રાગણી, મા છે.
    ડો. જિજ્ઞાસા

  3. હરીશ વ્યાસ’s avatar

    મારે મા હતી ત્યારે મા વિષે ની કવિતા ઓ કે લેખો કે
    નહોતા થતાંકે લખાતાં આજે જયારે એનાથી
    આ બધું વાંચીને હું મારા અશ્રુઓને રોકી નથી શકતો.
    માના ઞયાં પછી જ મા ની ખુબ યાદ આવે છે.
    હરીશ વ્યાસ.

    કે

  4. viral lekhada’s avatar

    सरल, सहज और सुंदर

    यह लिखने के लिए वीरता और सदबुद्धि चाहिए
    जो आपमे है ही और वो आपकी मा के नाममे भी निहित है
    “वीरमती”

  5. algotar ratnesh’s avatar

    વાહ

  6. shreyas’s avatar

    વાસ્તવિકતાથી ભરપૂર

  7. Mayank Trivedi’s avatar

    Wah adbhut
    Abhinandan

  8. Gaurang Thaker’s avatar

    વાહ કવિ વાહ…

  9. Kiran Jogidas’s avatar

    લે !! બસ કરને !!.બા ; હવે !
    કશું જ સહન કરીશમાં ; હવે
    ચાલશે,ફાવશે અને ભાવશે એવા
    શબ્દોનું રટણ કરીશ ના હવે !

    શું શરીર તારું કદી થાકતું નથી?
    શુ તને કદી કોઈ દુ:ખ લાગતું નથી?
    જીવનભર જીવી તું અન્યને કાજ
    શું તારા માટે જીવવું તને ફાવતું નથી!!
    એ બધુ શીખી જાને !!બા ; હવે
    લે !! બસ કરને !!.બા ; હવે !

    તારુ ઘર એ જ તારું તીરથ ધામ
    તારી સેવા આગળ ભક્તિનું શું કામ?
    ઢળતી ઉંમરની ઓગળતી સાંજે
    તારે હજીયે કરવાના બાકી છે કામ
    હવે તો બેસ!! કહેતી નઈ ના હવે !
    લે !! બસ કરને !!.બા ; હવે !

    ઘરનો હિસાબ તારી આંગળીના ટેરવે
    કામની લાહ્યમાં કદી માળા ના ફેરવે
    નાનકડાં કામ સારું દોડતી રહેતી તું
    બે ઘડી પગને જમીને ના ઠેરવે
    પગનાં દુ:ખાવાને અવગણીશમાં હવે!!
    લે !! બસ કરને !!.બા ; હવે !

    ચિંતા અને ઉદાસીના હેંતકના ભારે
    આંખો બની ગઈ છે ખાડી
    ચામડીએ પડેલી એકએક કરચલી
    ખાય છે આખા જીવતરની ચાડી
    બસ!જરીયે અફસોસ કરીશ માં હવે
    લે !! બસ કરને !!.બા ; હવે !

    જાણુ છું બધુ સહેવાની તને
    આદત થઈ ગઈ છે હવે
    ડહાપણની બધીય વાતો તો
    નાહક થઈ ગઈ છે હવે
    પણ બદલાઈ જા ને !!બા..
    જરીયે મોડું કરીશમાં હવેેે
    લે !! બસ કરને !!.બા ; હવે !

    -“રોશન” કિરણ જોગીદાસ

  10. Aasifkhan’s avatar

    वाह
    सरस विवेकभाई

  11. Prakashsinh Chauhan’s avatar

    I am happy to cry little with many of you !!
    — Prakashsinh @ NY

  12. Rina Manek’s avatar

    Awesome…..

  13. lata hirani’s avatar

    સરસ. વાસ્તવિકતાનેી લગોલગ.

  14. Poonam’s avatar

    ત્યારે…. Aaha !
    Shabdo se pare hota
    kuch aesa bhi hota he…

  15. Sudhakar Harihar Bhatt’s avatar

    Sudhakar Harihar Bhatt ( I am son of Harihar Bhatt , who wrote very
    Famous Prayer , Ek J De Chingari Jayshriben
    Hereby I am presenting my Own Written Poetry about : MA
    June 5 , 2017 at 10:50 Am , New York
    Matruprem

    Prem tam Pujy Ba
    Jivanbhar bhulay na
    Dildarpanmahithi
    Kadi pan bhusay na !!

    Nayan premal tam ava
    Amiras Sukay na
    Premras am pava
    Nayan tam biday na !!

    Premsagar tam bhavya
    Kadi pan vilay na
    Dubi gayethi tema
    Jivan vyarth gay na !!

    Sukhi karava amne, tam
    Dukh ganya ganay na
    Matruprem avo tam
    Kadi pan visaray na !!

    Sudhakar Harihar Bhatt

Comments are now closed.