એક કાગળ જૂનો….

Goa by Vivek Tailor
(ડાઉન મેમરી લેન….     ….ગોવા, નવે., 2015)

*

કબાટના ખાનાં સાફ કરતી વખતે
એક જૂનો કાગળ
હાથ આવ્યો.
ગડીબંધ કાગળના રંગ-રૂપ જોઈને જ ઘણું ઘણું યાદ આવી ગયું.
સમયે પણ સમય જોઈને
કાંટા પર ફરવું પડતું મેલીને
મારી અંદર ઝંપલાવ્યું.
ઘસાવા આવેલ એ કાગળમાં શું હતું
એ આટલા વરસેય ભૂંસાયું નહોતું.
હાથના હળવા કંપને હૈયાથી ઝાલીને ગડી ઊઘાડી.
ક્યારેક લોહીમાં વહેતા એ કાગળમાંના ચિરપરિચિત અક્ષરો
ઘસાયેલા કાગળમાંથી ખડી પડી
મારી ચોકોર વીંટળાઈ વળ્યા.
મને…મને…મને…ની બૂમોથી હું આખો છલકાઈ ઊઠ્યો.
કોને તેડું ને કોને નહીંની અવઢવમાં
હું ત્યાં જ બેસી રહ્યો.
કેટલી વાર તે તો કેમ કહી શકાય ?
સમય તો કાંટા છોડીને…

છપાક્ કરતાંકને બે’ક અક્ષરોએ ભીંજાયા હોવાની બૂમો પાડી
ને હું સફાળો…
આંખમાંથી અદૃશ્ય થઈ ગયેલી દૃષ્ટિ ક્યાંકથી પાછી ફરી.
એક હળવા કંપ સાથે (હૈયા અને) કાગળની ગડી કરી ફરી ખાનામાં….
ગાલ લૂછ્યા
ને
ગળામાં હાડકાંની જેમ અટકી ગયેલો સમય
સમય વરતીને ફરી કાંટા પર ટંગાઈ ગયો,
નિરંતર ગોળ ગોળ ફરવા માટે.
મેં પણ ખાનું બંધ કર્યું
ને કામે લાગ્યો.

– વિવેક મનહર ટેલર
(૧૭-૧૨-૨૦૧૫)

*

sunset by Vivek Tailor
(સાંજનું સોનુ….           …ગોવા, નવે., 2015)

  1. હસિત હેમાણી’s avatar

    જીવન માં આવો અનુભવ સેંકડો વાર કોને નહિ થયો હોય ?

    Reply

  2. Dolly’s avatar

    બહુ જ સરસ ! અછાંદસ ગમ્યુ 🙂

    Reply

  3. nehal’s avatar

    Waah.. bhavnao nu hridaysparshi aalekhan!

    Reply

  4. Rina’s avatar

    સમયે પણ સમય જોઈને
    કાંટા પર ફરવું પડતું મેલીને
    મારી અંદર ઝંપલાવ્યું.

    Wahhhh

    એક હળવા કંપ સાથે (હૈયા અને) કાગળની ગડી કરી ફરી ખાનામાં….
    ગાલ લૂછ્યા
    ને
    ગળામાં હાડકાંની જેમ અટકી ગયેલો સમય
    સમય વરતીને ફરી કાંટા પર ટંગાઈ ગયો,

    Aahhaa

    Reply

  5. amisha’s avatar

    Wondrfull

    Reply

  6. Pankaj Vakharia’s avatar

    saras sajal achhandas..like it

    Reply

  7. jAYANT SHAH’s avatar

    જુના પત્રો તો ખજાનો !! મોટી ઉમ્મરમા વાગોળવાનો મોટો ખજાનો ! એ અદ ભુત
    સ્મરણ કરાવે .

    Reply

  8. nayana’s avatar

    વિવેક્ભઈ અતિસુદર..

    Reply

  9. Jit Chudasama’s avatar

    Kharekhar juna kagaloni duniya j anokhi hoy chhe…aape e anubhutine shabdoma dhali…Abhinandan…

    Reply

  10. વિવેક’s avatar

    સહુ મિત્રોનો ખૂબ ખૂબ આભાર

    Reply

  11. kalpana desai’s avatar

    વાહ . બહુ જ હૃદયસ્પર્શી. શબ્દે શબ્દે અલગ સંવેદન.
    આભાર.

    Reply

  12. મીના’s avatar

    અદ્ભૂત પ્રસ્તુતિ!

    Reply

  13. વિવેક’s avatar

    આભાર, મિત્રો….

    Reply

Reply

Your email address will not be published. Required fields are marked *