ત્રિપદી – તસ્બી

evening by Vivek Tailor
(સાંજનું વાતાવરણ….                  ….આલ્બર્ટ હૉલ, જયપુર, ૨૦૧૪)

*

જિંદગી ! આ કેવી ક્ષણ છે !
સાંજનું વાતાવરણ છે,
તું નથી, તારાં સ્મરણ છે…

ના રહ્યો રસ્તામાં રસ્તો,
ભીંત થઈને સામું હસતો,
એક ‘ના’ કેવી ભીષણ છે !

રાહના ખૂટ્યાં છે અંજળ,
આંસુ નામે ફક્ત મૃગજળ,
આંખ નામે કોરું રણ છે.

કાચ છોડી સાચમાં જો,
થોડું થોડું જાતમાં જો,
આ જ સાચું ધ્યાન પણ છે.

લાખ ના પણ ત્યાં જ દોડે,
ત્યાં જ જઈ જઈ માથાં ફોડે,
શું ચરણનું આચરણ છે ?!

આભમાં આઘા ભમો તો,
ગીધડાં ! બે પળ ખમો તો..
તાજું સગપણનું મરણ છે.

શું હવા, પાણી કે ખોરાક ?
આ જ મારા રક્તકણ છે
તું નથી, તારાં સ્મરણ છે.

– વિવેક મનહર ટેલર
(૨૨-૦૯-૨૦૧૫)

*

sunset by Vivek Tailor
(સૂર્યોદય…..                                              ….પુષ્કર, ૨૦૧૪)

  1. Rina’s avatar

    લાખ ના પણ ત્યાં જ દોડે,
    ત્યાં જ જઈ જઈ માથાં ફોડે,
    શું ચરણનું આચરણ છે ?!

    Waahhh

  2. falguni patel’s avatar

    Very nice….

  3. kiran patel’s avatar

    ઉતમ

  4. મીના છેડા’s avatar

    લાખ ના પણ ત્યાં જ દોડે,
    ત્યાં જ જઈ જઈ માથાં ફોડે,
    શું ચરણનું આચરણ છે ?!

    …. મનનું આચરણ…

  5. kanaiya patel’s avatar

    વેરેી નાઇસ

  6. Rekha Shukla’s avatar

    રાહના ખૂટ્યાં છે અંજલ,
    આંસુ નામે ફક્ત મૃગજળ,
    આંખ નામે કોરું રણ છે.

  7. સુનીલ શાહ’s avatar

    સુંદર અભિવ્યક્તિ

Reply

Your email address will not be published. Required fields are marked *