પીળપ તણા ફૂટે ઝરા… . . . . . . . …….ગરમાળો, ૦૨ મે ૨૦૨૬
ઊનાળો એટલે ગરમાળાના ખીલવાની ઋતુ. જેમ જેમ સૂર્ય વધુ તપે, એમ એમ ગરમાળાના અંગાંગે પીળપના ઝરા ફૂટે… ગામ આખામાં ગરમાળા ખીલવા માંડ્યા હોય એવા સમયે બધા જ પાન ખેરવી દઈને ખાલી થઈ ગયેલ ગરમાળા સાથે કવિ જે વાતચીત કરે છે એ આપણે ગયા વખતે સાંભળી… આ વખતે ખાલી થઈ ગયેલ ગરમાળો કવિને શું જવાબ આપે છે એ સાંભળીએ…
ધીર ધર, કવિ! જરા, ગણે છે શું ખરંત પાન?
ધીર ધર, તું વાત માન.
*ઘણું ઘણુંક ભાંગવું, તું ઘણ ઉઠાવ, ઓ ભુજા!* *
ખરે નહીં પરણ જૂનાં, શી વિધ ઊગશે દૂજા?
આજ રિક્ત ડાળ ડાળ, કાલ ફેર આનબાન.
ધીર ધર, તું વાત માન.
શું સૂર્ય, સૂર્યનો પ્ર-તાપ? ડર નથી મને જરા,
પ્રજાળ અંગ અંગ, છો! પીળપ તણા ફૂટે ઝરા;
બોલ, સૂર્ય સાંખશે શું મુજ પીળવંત વાન?
ગણે છે શું ખરંત પાન?
– વિવેક મનહર ટેલર
(૧૨-૦૪-૨૦૨૬)
(* પુણ્યસ્મરણ: સુન્દરમ્ – ઘણુંક ઘણું ભાંગવું, ઘણ ઉઠાવ, મારી ભુજા!)
સહેજ પણ ઉષ્મા કદી વર્તાય ના નિગાહમાં, શબ્દનો ગરમાળો થઈ ખરતો રહું તુજ રાહમાં… ૦૨ મે ૨૦૨૬
વાહ વાહ વાહ
@આસિફખાન પઠાણઃ
ખૂબ ખૂબ આભાર
આ સંવાદ જાણે જીવનના સંદર્ભનો અરીસો હોય એવું લાગ્યું! ઉમદા!
@મીના છેડા:
સાચી વાત… સચોટ પ્રતિભાવ બદલ હૃદયપૂર્વક આભારી છું
ગરમાળો…. સુંદર રચના..
yellow – yellow..energetic ..
@રચના:
ખૂબ ખૂબ આભાર
મોટીવેશનલ રચના…. ખૂબ સુંદર
@જગદીપ:
રચના ગમી એનો આનંદ.. આભાર
સ – રસ રચના…..
@સંદીપ કોટેચા:
દિલથી આભાર
વાહ હકાર ભાવનું સરસ તરો તાજા ગીત
@દક્ષા સંઘવી:
સરસ પ્રતિભાવ આપવા બદલ સહૃદય આભાર
વાહ… બીજો બંધ સુંદર… ઝરા…કા જવાબ નહી..!!
@વ્રજેશ મિસ્ત્રી:
રચના ગમ્યાનો આનંદ… ખૂબ ખૂબ આભાર
વાહ..👌👌
@રેખાઃ
ખૂબ ખૂબ આભાર