*
X આઇ લવ યૂ બોલે,
કે તરત Y પણ આઇ લવ યૂ બોલે.
X ડાબે જાય તો Y પણ ડાબે જાય,
ને X જમણે તો Y પણ જમણે.
જાણે પડછાયો જ.
હરદમ સાથે ને સાથે.
એકવાર દુનિયાએ ધોબીવાળી કરી,
ત્યારે
X એ પાછળ ફરી જોયું
તો Y સાથે મળે નહીં.
X કહે-
આ જબરું.
તડકામાં પડછાયો ગાયબ?
Y કહે-
દુનિયા બોલે બુરા તો ગોલી મારો.
X કહે, સામી છાતીએ સાથે ઊભાં કેમ ન રહીએ?
Y કહે, ગોલી મારો.
કહે- આપણે સાથે છીએ એ જ આપણો જવાબ.
X એ રિવર્સ રામવાળી કરી.
એણે જાતે જ જંગલનો રસ્તો લઈ લીધો.
X બને Ex
તો Y કહે, Why?
X એ કહ્યું-
સાથે રહેવું
અને
સાથે ઉભા રહેવું
આ બે વચ્ચે આમ તો
બે જ અક્ષરનો ભેદ છે.
પણ આ બે અક્ષર જિંદગીના બે પગ જેવા છે.
બંને પગ કાપી નાખ્યા હોય તો
જિંદગી શી રીતે ઊભી રહી શકે
પોતાના પગ પર?
કહો તો…
– વિવેક મનહર ટેલર
(૧૧-૧૭/૦૯/૨૦૨૨)
*
સંવાદ પદ્ધતિ વડે વિષય ખૂબ સુંદર રીતે પ્રસ્તુત થયો છે.ખરેખર સાથે રહો નહીં તો ચાલે પણ સાથે હોવ એનુ મૂલ્ય અનેકગણું વધારે છે.
@મીતા રાઠોડ:
સાવ સાચી વાત… ખૂબ ખૂબ આભાર…
X ના બે પગ અને Y નો એક પગ જૈ કાપે મારગ
આ ત્રણ પગ નું સંતુલન અસલામતી નું કારક
@મનોજ શુક્લ:
ખૂબ ખૂબ આભાર…
Very well said sir ….
@દેવલ :
Thanks madam
કવિશ્રી હર્ષદ ચંદારાણાનો એક શેઅર યાદ આવે છે:
હાથમાંથી જો હાથ સરકે છે
વિશ્વ આખાનું કેન્દ્ર સરકે છે.
જિંદગીનાં બે પગ કહો કે જીવનરથના બે ચક્ર કહો, તેના વગર બધું ધરાશાયી થઈ જાય છે એ વાત X, Y નો પ્રતીકાત્મક ઉપયોગ કરીને તેમજ Z ને ગોપિત રાખીને પ્રયોગશીલ રચના આપવા માટે અભિનંદન.
@હર્ષદ દવે:
મજાનો શેર અને સંતર્પક અભિવ્યક્તિ.
ખૂબ ખૂબ આભાર…
વાહ
નાવીન્યથી ભરપૂર અલગ પ્રકારની રચના,
મજા આવી ગઈ સર
@ દિલીપકુમાર ચાવડા:
ખૂબ ખૂબ આભાર…
આમ તો ગઝલ સિવાય ચાંચ ડૂબતી નથી
પણ
રચના ગમી
@ આસિફખાન:
તોય રચના ગમી એનો અદકેરો આનંદ.. આભાર
Wahhh 👌🏻👌🏻👌🏻
@ આરતી જોશી:
આભાર
કહો તો… ( Y )
– વિવેક મનહર ટેલર – Waah !
@પૂનમ
આભાર
અલગ પ્રકારની ગહન રચના 👌
@ પૂર્વી બ્રહ્મભટ્ટ:
ઓછા શબ્દોમાં પણ સરસ મૂલવણી કરવા બદલ આભાર…
અત્યંત પ્રવાહી કાવ્યપંક્તિની સરવાણી અને તેની ગહનતા પણ ખૂબ સરસ..મઝા પડી ગઈ..👌👌
@ રક્ષા શાહ:
ખૂબ ખૂબ આભાર…
વાહ… ખૂબ સરસ રચના
નાવીન્ય વાંચવા મળ્યું 😊💐💐💐
@ ઈશ્વરભાઈ:
આભાર