સપનામાં આવી ગઈ છે તું, પાછાં જવાય નહિ,
કોશિશ છે મારી, આંખ હવે ખૂલી જાય નહિ.
ભૂલોનો છેદ કાઢીને માંડો નવું ગણિત,
એ રીતે તો આ દાખલો પાછો ગણાય નહિ.
જીવનની કબ્ર તંગ રહી છે સદૈવ, દોસ્ત!
મનફાવે ત્યારે લાશથી પડખું ફરાય નહિ.
જીવનમાં એક પળ કદી એવી ય આવશે,
પાછાં જવાય નહિ અને આગળ વધાય નહિ.
દિનરાત મેં વલૂરીને નાસૂર કીધાં છે,
એવા આ દર્દનો હવે કોઈ ઉપાય નહિ.
પડઘાંની સાથે ખેંચીને લઈ આવે જે તને,
એવા પહાડ કંઠમાં સંઘરી રખાય નહિ.
મુજ શબ્દદ્વાર ખુલ્લાં છે, તું કાવ્ય થઈને આવ,
અંતિમ છે શ્વાસ, મરતાંને કંઈ ના પડાય નહિ.
ડૉ. વિવેક મનહર ટેલર
Happy Valentine’s Day ! Very appropriate for V.D. !
“સપનામાં આવી ગઈ છે તું, પાછાં જવાય નહિ,
કોશિશ છે મારી, આંખ હવે ખૂલી જાય નહિ.”
Very nice…!! Wishing you a very happy Valentine’s day.
Foram
This post has been removed by the author.
Mitr vivek,
mrutyu maara darvaja par
dastak aapi rahyu chhe..
tu aene naa paadae sakee
aevu have nathhi rahyu.
આખી ગઝલ સારી છે, ના ખુબ સારી છે… very nice.
beautiful ghazal. .
જીવનની કબ્ર તંગ રહી છે સદૈવ, દોસ્ત!
મનફાવે ત્યારે લાશથી પડખું ફરાય નહિ.
જીવનમાં એક પળ કદી એવી ય આવશે,
પાછાં જવાય નહિ અને આગળ વધાય નહિ.
દિનરાત મેં વલૂરીને નાસૂર કીધાં છે,
એવા આ દર્દનો હવે કોઈ ઉપાય નહિ.
beautiful…..awesome…
વાહ વિવેક અન્કલ……..આ વાંચ્યા પછી પ્રેરાયને લખેલી ગઝલ….
છે યુધ્ધ એવું કે હારવાનું મન થાય નહીં,
ને જીતવા જો જઈએ તો એ જીતાય નહીં.
મ્રુગજળ સમી તું,જો આવું છું તારી પાસે,
તો આંખોને દૂર સુધી કઈં દેખાય નહીં.
અહીં છે જ આંખોની ભાષા એવી દોસ્તો,
જલદીથી એની વાતો સૌને સમજાય નહીં
મજબૂરી તો મજબૂરીમાં એ જીવ્યા કરોને,
એ વિધાતાના અક્ષરોને કાંઈ ભૂસાય નહીં.
દર્દ એટ્લું જ રહ્યું છે આ ‘મન’ને પ્રિયે,
તમારા વિના એનાથી જીવાય કે મરાય નહીં…….મનન દેસાઈ
આભાર, મિત્રો !
@ મનન: સરસ અભિવ્યક્તિ થઈ છે…
પડઘાંની સાથે ખેંચીને લઈ આવે જે તને,
એવા પહાડ કંઠમાં સંઘરી રખાય નહિ.
મુજ શબ્દદ્વાર ખુલ્લાં છે, તું કાવ્ય થઈને આવ,
અંતિમ છે શ્વાસ, મરતાંને કંઈ ના પડાય નહિ.
vaah ….
આભાર વિવેક અન્કલ…