શબ્દોનું સાલિયાણું


(પુણ્યસલિલા તાપી….                                       ….જુન-2006)

*

શબ્દોનું શ્વાસ હોવું, આભાસ છે, હું જાણું,
સાચો ગણીને તો પણ એવું જીવન હું માણું.

રાતોના કાગળોમાં શબ્દોનો કરવા અજવાસ,
મથતો રહું છું શાને ? ઉકલે નહીં ઉખાણું.

શબ્દો અને તું – બંને આવ્યાં છો એકસાથે,
જાકારો દેવા કોને હું નાકલીટી તાણું ?

શ્વાસોના તન ઉપર છે શબ્દો કવચ ને કુંડળ,
ન હો જો એ તો પૈંડું રણમાં નકી ગુડાણું.

કાયાના રાજ્યમાં મુજ શ્વાસોનો એવો રાજા,
માંગે કશું બીજું ના, શબ્દોનું સાલિયાણું.

– વિવેક મનહર ટેલર

ગુડાણું = છુપાવું (અહીં જમીનની અંદર દટાવાના-છુપાવાના અર્થમાં વપરાયું છે)
સાલિયાણું = વાર્ષિક વેતન

  1. manvant’s avatar

    કાયાના રાજ્યમાં મુજ શ્વાસોનો એવો રાજા:
    માગે કશું બીજું ના…શબ્દોનું સાલિયાણું.
    તથાસ્તુ !લિ.એક ગરાસદાર.

  2. Jayshree’s avatar

    વાહ…!!

    શબ્દોનું શ્વાસ હોવું, આભાસ છે, હું જાણું,
    સાચો ગણીને તો પણ એવું જીવન હું માણું.

    આ ગઝલની નીચે તમારુ નામ ના લખ્યું હોય, તો પણ તમારા ચાહકો આસાનીથી ઓળખી શકે, કે આ શ્બ્દો તો તમારા જ હોય.

  3. Dee’s avatar

    ભલે તમારા શ્વાસોનો રાજા શબ્દોનું સાલિયાણું માંગતો હોય..
    એને ખબર નથી કે અમારા વિવેકભાઈ શબ્દોના અખિલ બ્રહ્માંડનું ઐશ્વર્ય ધરાવ છે…
    ફક્ત સાલિયાણું જ નહીં, એક એક ક્ષણનો કર માંગશે તોયે વિવેકભાઈ ચૂકવશે… એ ક્ષણોમાં જીવનારા કવિ છે..!!!
    ધર્મેશ

  4. paresh balar’s avatar

    just to say only on thing…..wah wah wah and so nice

  5. paresh balar’s avatar

    Ja Rahe Ho, Phir Se Mujhe Rula Rahe Ho
    Sapne Deekha K, Deep Bujha Rahe Ho
    Kyun Suna Rahe Ho, Aur Ab Kyun Tarpa Rahe Ho
    Hamari Zindagi Le K Kahan Jaa Rahe Ho
    Sagar Toh Hai Meri Zindagi Bhi,
    Ab Kisko Sagar Bana Rahe Ho
    Pass Ana Hai Mushkil Gar Tera
    Mujhe Phir Kyun Nahi Bula Rahe Ho
    Main Pass Ana Chati Houn Tere
    Mujhe Kyun Doori Ka Ehsas Dila Rahe Ho
    Kyun Door Jaa Rahe Ho
    Kiya Khush Ho Tum Bhi, Ya
    Meri Tarah Ansoon Baha Rahe Ho
    Dil Main Kya Hai Tere, Yeh Janti Houn Main Bhi
    Jhooti Hansi Phir Kyun Sab Ko dekha Rahe ho
    Pyar Hai Hamari Zindagi, Yeh Jante Ho Tum Bhi
    Phir Kyun Aisay Tum Sab Se Chupa Rahe Ho
    Aa Jana Jaldi Se ,Yeh Dil Kahin Lagta Nahi Hai
    Hamein Udaas Kar K Tum, Yeh Kaha Ja Rahe Ho
    Pyar Toh Hai Magar Is Piyar Ko Chupa Rahe Ho

  6. Suresh’s avatar

    “શ્વાસોના તન ઉપર છે શબ્દો કવચ ને કુંડળ,
    ન હો જો એ તો પૈંડું રણમાં નકી ગુડાણું.”

    કર્ણ અને મહાભારતના યુધ્ધમાં અંતે ખૂંપી ગયેલા તેના રથના પૈડા તરફનો આ અંગુલીનિર્દેશ બહુ જ ગમ્યો.
    શબ્દ ન હોય તો શ્વાસ પણ કર્ણની જેમ ગુડાય.
    વાહ! તમારી શબ્દપ્રીતને લાખો સલામ.

  7. અમિત’s avatar

    સુંદર રચના વિવેકભાઇ !!!

  8. ઊર્મિસાગર’s avatar

    …..

    પ્રિય વિવેકભાઇ, તમારી રચનાને સરાહવા માટે તમારા જ શબ્દોનાં થોડાં શ્વાસો હવે તો તમારી પાસે જ ઉધાર લેવા પડશે શું?!! …કારણકે અમે તો એકદમ કંગાળ થઇ ગયા છે !!

    “ઊર્મિસાગર”
    http://www.urmi.wordpress.com

  9. sana’s avatar

    Jena smaran matra thi Pawan thai jawai avi “TAPI”‘
    Jena sabda matra thi Prabhavit thai jawai ava “TAME”.

  10. ધવલ’s avatar

    સરસ ગઝલ… છેલ્લાં બે શેર સૌથી વધુ ગમ્યા. ગુડાણું અને સાલિયાણું બન્ને શબ્દો સરસ અસર આપે છે. રાતોના કાગળોમાં… શેર પણ ગમ્યો.

    તાપીનો ફોટો જોઈને એક વાર ભર વરસાદમાં હોપપુલ પર ઊભા રહેવાનો (રેઈનકોટ વગર) પ્રયોગ કરેલો એ યાદ આવી ગયું.

  11. Rina’s avatar

    aawweesoommee….

  12. મીના છેડા’s avatar

    શ્વાસોના તન ઉપર છે શબ્દો કવચ ને કુંડળ,
    ન હો જો એ તો પૈંડું રણમાં નકી ગુડાણું.

    વાહ!

  13. nehal’s avatar

    રાતોના કાગળોમાં શબ્દોનો કરવા અજવાસ,
    મથતો રહું છું શાને ? ઉકલે નહીં ઉખાણું

    શબ્દો અને તું – બંને આવ્યાં છો એકસાથે,
    જાકારો દેવા કોને હું નાકલીટી તાણું ?.

    ……..

Reply

Your email address will not be published. Required fields are marked *