દિવાળીની સફાઈ

October 17, 2009 by વિવેક | 41 comments

Suryachakra
(દિપાવલી…                                                        …ઑક્ટોબર-૨૦૦૬)

*

સહુ વાચકમિત્રોને દિવાળીની શુભેચ્છા અને તન-દુરસ્ત મન-દુરસ્ત નૂતન વર્ષની મંગલ કામનાઓ…

*

માથે-મોઢે
રૂમાલ બાંધીને
દિવાળીની સફાઈ કરવા
હું માળિયામાં પેસી.
કરોળિયાના જાળાઓમાં
શિકાર થઈ ગયેલાં
મારા ગઈકાલનાં વર્ષોનાં કંકાલ ઝૂલી રહ્યાં હતાં.
એક પલવડી
ધ્યાનભંગ થઈ અને ભાગી ગઈ,
મારાં સ્વપ્નોનાં કટાઈ ગયેલાં વાસણોનાં ઢગલા પાછળ.
મારી પિયરની નેઇમ-પ્લેટ પર
તૂટી ગયેલાં જહાજોનાં દિશાહીન ભંગારનો ભૂકો ફરી વળ્યો હતો.
કરચલીઓનાં કાટમાળ પછવાડેથી
જડી આવ્યું એક આલબમ.
એને ખંખેરતાં જ
પડળ પર પડળ થઈ ચડી ગયેલાં સંબંધોએ
આખા માળિયાને તરબતર કરી દીધું…
અંતરસના અવાવરૂ કૂવા
મારી ભીતર જોરશોરથી
ફાટી ગયેલા અવાજોના જિન્ન સમા
પડઘાવા માંડ્યા
અને
નાની-શી તિરાડમાંથી
બિલ્લીપગલે ઘૂસી આવેલ તડકાનો  રૂમાલ
અચાનક મારામાંથી ઓગળીને
આલબમ પર પડેલ એક ટીપાનેલૂછવા માંડ્યો.
આલબમના પહેલાં જ પાનાં પર
અમારા હનીમૂનનો ફોટો ચોંસઠ દાંત ઊઘાડીને બેઠો હતો.

-વિવેક મનહર ટેલર
(૧૫-૧૦-૨૦૦૯)

  1. Hitesh Kapadia’s avatar

    Hitesh Kapadia on October 17, 2009 at 1:34 am

    ખુબ સુન્દર્ અભિવ્યક્તિ દિવાળીની સફાઈ!! આપ ને દિવાળીની શુભેચ્છા અને સાલ મુબારક.

  2. ramesh bhatt’s avatar

    ramesh bhatt on October 17, 2009 at 3:32 am

    પ્પ્ય ડિઇવલિ & રિઘ્ત ણેવે અર્

  3. indravadan g vyas’s avatar

    indravadan g vyas on October 17, 2009 at 4:25 am

    સરસ રચના,પ્રત્યેક વાચક્ને પોતની ભીતર્ ઝાંકવા મઝ્બુર કરે છે.દરેક ને એક રુડો/કુડો ભુતકાળ
    માળીયાના આલ્બમમા ધરબાયેલો હોય છે.
    બધા બ્લોગ વાચકોને અન્તરના નુતન વર્ષાભિનંદન્….

  4. sudhir patel’s avatar

    sudhir patel on October 17, 2009 at 6:03 am

    સરસ કાવ્ય!
    આપ સૌને દિવાળીની શુભેચ્છાઓ અને નૂતન વર્ષાભિનંદન!
    સુધીર પટેલ.

  5. kanti vachhani’s avatar

    kanti vachhani on October 17, 2009 at 8:42 am

    અતિ સુંદર……..
    આપને તથા દરેક વાચકમિત્રો ને દિવાળીની શુભેચ્છાઓ અને નૂતન વર્ષાભિનંદન!

  6. paresh balar johnson & johnson ltd’s avatar

    paresh balar johnson & johnson ltd on October 17, 2009 at 8:57 am

    happy diwali and happy new year sir

  7. himanshu patel’s avatar

    himanshu patel on October 17, 2009 at 9:21 am

    સરસ. કાવ્ય… મોઢે રુમાલ બાંધીને નહી પણ ચોસઠ દાત ઊઘાડીને સૌને સાલમુબારક!!

  8. pragnaju’s avatar

    pragnaju on October 17, 2009 at 10:26 am

    મઝાની અભિવ્યક્તી

    મારી પિયરની …
    સામાન્ય રીતે સ્રીઓ પિતાના ઘર માટે શબ્દ પ્રયોગ કરે
    તે તમારે માટે કર્યો તે ગમ્યું
    અને જાતે સફાઈ કરો છો તે ગમ્યું
    બાકી આવી સુંદર તસ્વિર તો…

    દિલકે આયનેમેં રખતે હૈ તસ્વિરેયાર
    જબ જરા ગરદન ઝુકાઈ દેખ લી
    રોજ મંગલ કામનાઓ કરીએ જ છીએ
    આજે પર્યાવરણ મિત્ર જીવનની એક વધુ મંગલ કામના

  9. વિવેક’s avatar

    વિવેક on October 17, 2009 at 10:35 am

    આદરણીય પ્રજ્ઞાબેન,

    આપે કવિતા વાંચવામાં થોડી ઉતાવળ કરી દીધી હોય એમ લાગે છે. આ કવિતા એક સ્ત્રીની જ સ્વગતોક્તિ છે. કવિતાની શરૂઆતમાં આ વાત સ્પષ્ટ કરી જ દીધી છે. જુઓ,

    માથે-મોઢે
    રૂમાલ બાંધીને
    દિવાળીની સફાઈ કરવા
    હું માળિયામાં પેસી.

    - અને બીજી વાત.. કવિતા કવિની આત્મકથા હોય એ જરૂરી નથી. શા માટે આ કવિતામાંથી આપે એવો અર્થ તારવ્યો કે હું દિવાળીની સફાઈ કરું છું? મારા અંગત જીવનમાં હું સફાઈ કરતો પણ હોઉં.. પણ એ કવિતામાં વ્યક્ત કરવું જરૂરી તો નથી ને?

    દિવાળીની શુભકામનાઓ…

  10. pragnaju’s avatar

    pragnaju on October 17, 2009 at 10:47 am

    અમારી વાત વાંચો છો તેનો વધુ આનંદ થયો
    બાકી પશ્ચાત જર જર ભવતી દેહે… કોઈ વાત સાંભળવા પણ રાજી નથી!
    હવે તો થાય કે રોજ ભૂલ કરુ અને
    રોજ બધાનું ધ્યાન દોરાય અને
    તમારા જેવાનો મીઠો મીઠો સુધારો…
    દિવાળી મધુરી થઈ ગઈઈઈઈઈઈઈઈઈઈઈઈઈ

  11. વિવેક’s avatar

    વિવેક on October 17, 2009 at 10:50 am

    અરે અરે પ્રજ્ઞાબેન,

    આ શું કહ્યું?!

    મિત્રો દિલથી પ્રતિભાવ આપે એ વાંચીએ પણ નહીં, એમ? એવું તે હોતું હશે?

    આપની લાગણીઓ સિર-આંખો પર… આપે મારી વાતનું માટઃઉં ન લગાડ્યું એથી મારી દિવાળી પણ સુધરી ગઈ… આભાર!

  12. MARKAND DAVE’s avatar

    MARKAND DAVE on October 17, 2009 at 11:02 am

    આદરણીય શ્રીવિવેકભાઇસાહેબ,

    નવા વર્ષની હાર્દિક શુભેચ્છા.
    માળિયાં સાફ કરતાં હનીમૂન જડે!

    સાચેજ આખુંય જીવન જ ક્યાક ખોવાયું છે.

    આનંદ આવ્યો.અભિનંદન.
    માર્કંડ દવે.

  13. girish dave’s avatar

    girish dave on October 17, 2009 at 11:09 am

    સુન્દર રચના happy diwali&happy new year
    Girish dave

  14. Bankim’s avatar

    Bankim on October 17, 2009 at 11:32 am

    Very nice poem.
    Wish u and all a very happy diwali and a prosperous NY.

  15. bhargav jani’s avatar

    bhargav jani on October 17, 2009 at 2:15 pm

    સરસ આલેખન
    નવા વર્ષની હાર્દિક શુભેચ્છા

    ભાર્ગવ જાની

  16. ડૉ.મહેશ રાવલ’s avatar

    ડૉ.મહેશ રાવલ on October 17, 2009 at 3:43 pm

    વાહ વિવેકભાઈ!
    દીવાળીની સફાઈના માધ્યમે બહુ જ નાજુક વિષયને સાંકળ્યો અને અંતિમબંધ સુધી પલકારો પણ મારી ન શકીએ એટલી એકાગ્રતાથી વાંચવી પડે એમ નિભાવ્યો એ કાબિલ-એ-દાદ ગુંથણી થઈ છે અભિવ્યક્તિની.
    કેટલાં ય વાંચકો ભૂતકાળને વાગોળવામાં વ્યસ્ત થઈ ગયા હશે……..!
    -દીવાળીની સફાઈ અને દીવાળીની શુભકામનાઓ સાથે, બધાને નૂતન વર્ષ મુબારક.

  17. P Shah’s avatar

    P Shah on October 17, 2009 at 5:36 pm

    ભૂતકાળ વાગોળતું એક સુંદર કાવ્ય !
    અભિનંદન !
    નવા વર્ષની હાર્દિક શુભેચ્છાઓ !

  18. દક્ષેશ કોન્ટ્રાકટર’s avatar

    દક્ષેશ કોન્ટ્રાકટર on October 17, 2009 at 7:34 pm

    વિવેકભાઈ,
    શુભ દિપાવલી અને નૂતન વર્ષાભિનંદન.
    આવનાર દિવસોનો તડકો આપણા યંત્રવત્ જીવનને ઓગાળી આપણા મુખ પર ફરી ચોસઠ દાંત ખોલાવે તેવું હાસ્ય રેલે એ શુભેચ્છા …

  19. kishore modi’s avatar

    kishore modi on October 17, 2009 at 7:55 pm

    નખશિખ સુંદર અછાંદસ.હેપી દીવાળી અને નૂતન વર્ષાભિનન્દન

  20. Praful Thar’s avatar

    Praful Thar on October 17, 2009 at 8:14 pm

    ડૉ.શ્રી વિવેકભાઇ,
    અરે ! મજા આવી ગઇ.

    નાની-શી તિરાડમાંથી
    બિલ્લીપગલે ઘૂસી આવેલ તડકાનો રૂમાલ
    અચાનક મારામાંથી ઓગળીને
    આલબમ પર પડેલ એક ટીપાનેલૂછવા માંડ્યો.
    આલબમના પહેલાં જ પાનાં પર
    અમારા હનીમૂનનો ફોટો ચોંસઠ દાંત ઊઘાડીને બેઠો હતો.

    ખરેખર દૂનિયામાં જે છે તે યાદોં જ છે કે જે કદી હસાવે છે અને કદી રડાવી નાખેં છે.
    ખુબજ સુંદર રચના

    લી. પ્રફુલ ઠાર

  21. sapana’s avatar

    sapana on October 17, 2009 at 8:23 pm

    સુંદર અછાંદસ.યાદના મોતી સાફ કરવા અઘરા છે..સૂરજનું એક કિરણ આવે એ કલ્પના દિલમા ઘર કરી ગઈ…આ વાંચી મને મારૂ કાવ્ય” યાદના મોતી “યાદ આવ્યુ.
    સપના

  22. urvashi parekh’s avatar

    urvashi parekh on October 17, 2009 at 8:54 pm

    નુતન વર્ષાભીનંદન્..
    સરસ રચના,વાસ્તવીક્તા ડોકાઈ રહી છે.
    ઘણા આગળ વધતા રહો,ભગવાન તમારી બધી ઇછાઓ પુરી કરે તેવી પ્રભુ પાસે પ્રાર્થના.

  23. BB’s avatar

    BB on October 17, 2009 at 9:42 pm

    Vivekbhai and all readers Happy Diwali and a Happy New Year. Vivekbhai very nice lyrics. It is full of feelings. Pragnaben I enjoy reading the comments and this makes us like one family , this way we all one. Vivekbhai keep giving us more like this.

  24. sujata’s avatar

    sujata on October 18, 2009 at 8:51 am

    દ ર વ ખ તે બ ત્રી સ લ ક્ષ ણા કા વ્ય રુ જૂ ક રો છો………..મો લ ના ક લ્ચ ર્ માં મેળા અને માળિયા અને ચોંસઠ દાંત …………બ હુ જ ગમ્યુ………

  26. chetan Framewala’s avatar

    chetan Framewala on October 18, 2009 at 5:15 pm

    નવ વર્ષ-નવી રોશની-નવ ઉલ્લાસ અને નવ સર્જન માટે હાર્દિક શુભકામનાઓ.
    જય ગુર્જરી,
    ચેતન ફ્રેમવાલા

  27. Pancham Shukla’s avatar

    Pancham Shukla on October 18, 2009 at 8:33 pm

    એક પછી એક પ્રતીકોની સાંકળમાં સળંગાતું માવજત ભર્યું કવિકર્મ.

    It is very difficult to open up multiple dimensions in an event based poetry. But this poem/poet does this effectively.

  28. manvant’s avatar

    manvant on October 18, 2009 at 11:32 pm

    સાહેબ ! એ ફોટો જોવાની તાલાવેલી જાગી છે …હવે તો !
    તમે સાઁભળ્યુઁ ને ?

  29. Maheshchandra Naik’s avatar

    Maheshchandra Naik on October 19, 2009 at 12:16 am

    સરસ કાવ્ય, ડો.વિવેકભાઈ, દિવાળીની સફાઈ અને લગ્ન-કુટુમ્બજીવનને સાન્કળી લીધુ, સુરતમા ઘરના માળીયામા મહેનત કરાવવામા આવતી પણ કાંઈ મળતુ ના હતુ એ બધુ યાદ કરાવવા બદલ આભાર, નુતનવરસની શુભકામનાઓ…..

  30. ભાવના શુક્લ’s avatar

    ભાવના શુક્લ on October 19, 2009 at 8:43 pm

    જીવનની કોઇ સંધ્યાએ ભીતરના વાસી થઈ ગયેલા મન-માળીયાને ઢંઢોળતી નારીને તરોતાજા કરી મુકતુ કાવ્ય. સંબંધોના ઢગ નીચે આમ કઈ જડ્યા જ કરે છે જ્યારે જ્યારે વિચારીએ ત્યારે…

    કાવ્યના શબ્દોએ ખરેખર ભુતકાળની ગલીઓમા ધીરે થી સેરવી દિધા.
    સરસ, ખરેખર સ-રસ રચના.

  31. dr.j.k.nanavatiq’s avatar

    dr.j.k.nanavatiq on October 20, 2009 at 12:35 am

    સુંદર….સફાઈદાર રચના……!!!!!
    ડો.નાણાવટી

  32. Lata Hirani’s avatar

    Lata Hirani on October 20, 2009 at 2:32 am

    હનીમૂનનો ફોટો ચોંસઠ દાંત ઊઘાડીને બેઠો હતો !!!!!

    ઓહ…

  33. સુનીલ શાહ’s avatar

    સુનીલ શાહ on October 21, 2009 at 6:35 am

    સુંદર..સરળ, ભાવવાહી શૈલીમાં સંસ્મરણોનું નિરૂપણ.

  34. kanchankumari parmar’s avatar

    kanchankumari parmar on October 21, 2009 at 2:10 pm

    જુનિ આલ્બમ જોતા નજરે પડે એ સુંદર ચ્હેરા ;જોઇ મન ભરાતુ ;શોધવા મારે ક્યા એ ચહેરા?થયા પુઠા મા કેદ કે પછિ બનિ યાદબેઠા એ ચહેરા???

  35. Tejal Jani’s avatar

    Tejal Jani on October 21, 2009 at 3:48 pm

    Khub sundar rachna..
    Abhinandan Dr.saheb…

  36. Tejal Jani’s avatar

    Tejal Jani on October 21, 2009 at 3:49 pm

    Khub sundar rachna…

  37. વિવેક’s avatar

    વિવેક on October 27, 2009 at 10:11 am

    દિવાળી વેકેશન નિમિત્તે નવ દિવસ કચ્છ જવાનું થયું…

    નૂતનવર્ષની શુભકામના પાઠવનાર અને કવિતા વિશે પ્રતિભાવ આપનાર સહુ વાચકમિત્રોનો ખૂબ ખૂબ આભાર…

  38. Pinki’s avatar

    Pinki on October 27, 2009 at 10:32 pm

    નૂતન વર્ષની મંગલ કામનાઓ…!!

    ખરે જ સરસ અભિવ્યક્તિ.

    જોકે, નવા ‘મકાનો’માં તો માળિયા પણ નથી હોતાં
    અને હોય તો પણ નાનાં … :)

  39. ઊર્મિ’s avatar

    ઊર્મિ on October 28, 2009 at 9:26 pm

    સ-રસ અભિવ્યક્તિ…

    મને તો વર્ષો પહેલાનું અમારા ઘરનું ‘કાતરીયું’ ખૂબ જ યાદ આવી ગયું… :-)

  40. મીના છેડા’s avatar

    મીના છેડા on October 30, 2009 at 8:32 am

    સરસ

  41. ALPESH PATEL’s avatar

    ALPESH PATEL on November 10, 2011 at 5:15 am

    MANE PARIS MA MARA JUNA GAR NI YADO AAVI GAYI KUBH SARESH DIL THI ABHINANDEN

  Show Keyboard

Powered By Indic IME