સુસ્ત-ચુસ્ત કાફિયાની મત્લા ગઝલ

(અપના કિનારા….                         ….ઉત્તરાખંડ, ૨૦૧૭)

*

સિમ્પલ છે, જોવા નહીં મળે તમને કશે
આ વારતામાં ‘પણ’, ‘યદિ’, ‘અથવા’, ‘અને’…

વર્ષા પછીના વૃક્ષ સમ તું છે, પ્રિયે!
થોડી હવા ચાલી ને તેં ભીંજ્વ્યો મને.

શું શબ્દ, તું તો શ્વાસ પણ માંગી શકે,
બસ, પ્રેમથી એકવાર કહી દે, ‘આપ ને’

સ્મિત દઈને પૂછ્યું ‘કેમ છો’ એ દૃષ્ટિએ,
ઉત્તર દીધો ચૂકી ગયેલી ધડકને.

એવું નથી કે ભાગ્ય બસ, ભાગ્યા કરે,
એવું બને, જાણ જ ન હો પણ હો કને.

આયામ દિલના નિતનવા ખૂલ્યા કરે,
બંનેમાં વારંવાર થાતી અનબને.

તકલીફ વહેતી રહે સતત એક છત તળે,
બે જણ કિનારા થઈ રહે એ પણ બને.

રહેવા દીધું ક્યાં અણદીઠું કંઈ ગૂગલે?
ઘટમાં તો બાકી લાખ ઘોડા થનગને.*

– વિવેક મનહર ટેલર
(૧૨/૧૩-૦૮-૨૦૧૭)

 

આખી ગઝલમાં બધા મત્લા જ છે. દરેક મત્લાના પહેલા (ઉલા) મિસરામાં સુસ્ત કાફિયા અને બીજા (સાની) મિસરામાં ચુસ્ત કાફિયા પ્રયોજ્યા છે. આપને આ પ્રયોગ કેવો લાગ્યો એ જણાવશો તો આનંદ.

(*= પુણ્યસ્મરણ : “ઘટમાં ઘોડા થનગને આતમ વીંઝે પાંખ, અણદીઠેલી ભોમ પર યૌવન માંડે આંખ” -ઝવેરચંદ મેઘાણી)

(ધુંઆ ધુંઆ સા હૈ શમા…                 …કૌસાની, ૨૦૧૭)

  1. Meena doshi’s avatar

    Adnhut…
    Tklif vaheti rahe satat…kya baat

    Reply

  2. algotar ratnesh’s avatar

    વાહ

    Reply

  3. Rasesh Adhvaryu’s avatar

    બે જણની, બે જણ વચ્ચેની, બે જણ માટેની, અંગત રીતે જાહેરમાં વંચાતી વાર્તા…એક પ્રયોગશીલ, કૈંક મુસલસલ બનતી ગઝલમાં! વાહ!

    Reply

  4. Poonam’s avatar

    સિમ્પલ છે, જોવા નહીં મળે તમને કશે
    આ વારતામાં ‘પણ’, ‘યદિ’, ‘અથવા’, ‘અને’
    Waah!

    Reply

  5. Divya R Modi’s avatar

    Waaah….. khoob sundar..

    Reply

  6. Kasimshaikh’s avatar

    આસ્વાધક સુંદર વાહ

    Reply

  7. Aasifkhan’s avatar

    Vaah
    सरस
    मज़ा आवि

    Reply

  8. Rajul’s avatar

    સુપર્બ!

    Reply

  9. pankaj Vakharia’s avatar

    ગઝલ સરસ , મજેદાર .
    પણ સુસ્ત કાફિયાને સુસ્ત કે મુક્ત કહેવાને બદલે હું ગુપ્ત કાફિયા કે છદ્મ કાફિયા કહેવાનું પસંદ કરીશ

    Reply

  10. Uma Parmar’s avatar

    Khub sundar..

    Reply

  11. Jigar’s avatar

    adbhut kruti Vivekbhai
    bijo sher to benamoon.

    Reply

  12. વિવેક’s avatar

    પ્રતિભાવ પાઠવનાર તમામ મિત્રોનો ખૂબ ખૂબ આભાર…

    Reply

Reply

Your email address will not be published. Required fields are marked *