મવાલી નીકળે…

0_img_9926-copy(ખાલી…..                       ….સિંગાપોર, ૨૦૧૬)

*

સંગ્રહમાંથી પસાર થતી વખતે અચાનક ખ્યાલ આવ્યો કે આ રચના વેબસાઇટ પર તો મૂકી જ નહોતી…  એટલે આજે આ એક જૂની રચના નવેસરથી આપ સહુ માટે… )

*

પગ ત્યજીને પગલાં ચાલી નીકળે,
માર્ગ પણ કેવા મવાલી નીકળે !

કાંદા પેઠે પડ ઉતારે એક એક,
છેક અંદરથી એ ખાલી નીકળે.

હાથ કાળો મેંશ થઈ પાછો મળ્યો,
સગપણો શેની દલાલી નીકળે ?

હું લિસોટા હાથના જોયા કરું,
વારસામાં પાયમાલી નીકળે.

સ્વપ્નના પાંચીકડે રમતા રહો,
બાળપણ છે, દોસ્ત ! ચાલી નીકળે.

પીઠ દઈને આંસુ જ્યાં બેસી શકે,
ભીંત કોઈ તો રૂમાલી નીકળે.

માનવી વિકસિત છે એવો ખયાલ,
માનવીને મળ, ખયાલી નીકળે.

જ્યાં ડૂબ્યાં મુજ શ્વાસનાં બારે જહાજ,
શબ્દની જાહોજલાલી નીકળે.

(૧૭-૦૬-૨૦૦૭)

*

0_img_1788
(સાપેક્ષ……                          ….મરિના બે સેન્ડ્સ, સિંગાપોર, ૨૦૧૬)

  1. Jayshree’s avatar

    કાંદા પેઠે પડ ઉતારે એક એક,
    છેક અંદરથી એ ખાલી નીકળે.

    🙂

  2. Rina’s avatar

    કાંદા પેઠે પડ ઉતારે એક એક,
    છેક અંદરથી એ ખાલી નીકળે.

    હાથ કાળો મેંશ થઈ પાછો મળ્યો,
    સગપણો શેની દલાલી નીકળે ?

    Kya baat

  3. Vipul’s avatar

    ખૂબ સરસ ગઝલ

  4. Meena doshi’s avatar

    Khub sundar

  5. algotar ratnesh’s avatar

    વાહ સરસ

  6. રાકેશ રાઠોડ’s avatar

    ભીંત કોઈ રૂમાલી નીકળે
    શું વાત છે 👌👌👌

  7. Shivani shah’s avatar

    Waaaah !

  8. jay kantwala’s avatar

    Sunder gazal

  9. Nehal’s avatar

    પીઠ દઈને આંસુ જ્યાં બેસી શકે,
    ભીંત કોઈ તો રૂમાલી નીકળે.

    માનવી વિકસિત છે એવો ખયાલ,
    માનવીને મળ, ખયાલી નીકળે.
    વાહ! ખૂબ સુંદર રચના!

  10. Neha’s avatar

    Shabda ni jahojalali Mubarak!

  11. આસિફ્ખાન’s avatar

    વાહ
    ખયાલી નિકળે

    સરસ

  12. Poonam’s avatar

    જ્યાં ડૂબ્યાં મુજ શ્વાસનાં બારે જહાજ,
    શબ્દની જાહોજલાલી નીકળે….ા
    Waah !

  13. Ashok shah’s avatar

    Khooob saras ….

Reply

Your email address will not be published. Required fields are marked *