આવો

P1273177
(જરા આ પાંખને ઓછી પ્રસારીએ….            ….સીગલ, નળ સરોવર, ૨૭-૦૧-૨૦૦૭)

જરા આ પાંખને ઓછી પ્રસારીએ, આવો,
જગતનો વ્યાપ એ રીતે વધારીએ, આવો.

નવા પ્રકાશ વિશે હાક મારીએ, આવો,
ભીતરની રાતનું પહેલાં વિચારીએ, આવો.

ફરીથી કાળના પ્રારંભબિંદુ પર જઈને,
ફરી જીવન શરૂ કરવાનું ધારીએ, આવો.

થીજી ગયું છે જે આવી સમયની આંખોમાં,
કદી એ આંસુની સૂની અટારીએ આવો.

આ પીળચટ્ટી પ્રતીક્ષાના તોરણો લઈને,
કમાન ખાલી પડેલી સંવારીએ, આવો.

અમારું ભીંતપણું, છતપણું ત્યજીને અમે,
ખુલાપટાક થઈ બેઠાં બારીએ, આવો.

સ્મરણ છુપાયાં છે બે-ચાર મનના કાતરિયે,
પડે જો મેળ તો સાથે ઉતારીએ, આવો.

તમે ન આવો ભલે, જિંદગી જીવી લઈશું,
અસંભવિત કશું આવુંય ધારીએ, આવો.

-વિવેક મનહર ટેલર
(૧૮-૦૯-૨૦૦૮)

છંદ વિધાન: લગાલગા લલગાગા લગાલગા લલગા (ગાગા)

આ ગઝલ જે તરહી મુશાયરામાં સર્વપ્રથમ રજૂ કરી હતી એનો સચિત્ર અહેવાલ લયસ્તરો (કડી:૧, કડી:૨) પર આપ માણી શકો છો અને આ ગઝલ ગનીચાચાની જે પંક્તિના આધારે લખાઈ છે એ મૂળ ગઝલ અને આ ગઝલ વિશે રઈશ મનીઆરનો અભિપ્રાય ટહુકો.કોમ પર માણી શકો છો.)

(રવિવારે, તા. 28-09-2008ના રોજ ‘માય એફ.એમ 94.3’ પર પ્રસારિત થયેલા ગનીચાચાવિશેષ સ્વરગુર્જરી કાર્યક્રમમાં આ ગઝલ રજૂ થઈ હતી જે આપ ટહુકો પર સાંભળી શકો છો.)

  1. Dr Pankaj Gandhi’s avatar

    સરસ

    થીજી ગયું છે જે આવી સમયની આંખોમાં,
    કદી એ આંસુની સૂની અટારીએ આવો.

    આ ગમ}

    Reply

  2. Jayshree’s avatar

    આખી જ ગઝલ ગમી જાય એવી છે… પણ મક્તાનો શેર તો.. વાહ… વાહ…

    તમે ન આવો ભલે, જિંદગી જીવી લઈશું,
    અસંભવિત કશું આવુંય ધારીએ, આવો.

    અને હા, ટહુકો પર આ ગઝલ સાથે બીજું એક બોનસ પણ રાહ જુએ છે તમારા ચાહકોની… આજ ગઝલ તમારા પોતાના અવાજમાં. 🙂

    Reply

  3. Mehul Shrimali’s avatar

    Nice one…keep it up.

    Reply

  4. પંચમ શુક્લ’s avatar

    સુંદર ગઝલ.
    પાંખ ઓછી પ્રસારી (પસારી) જગતનો વ્યાપ વધારવાની અર્થ ગહન વાત ગમી.

    Reply

  5. Chetan Framewla’s avatar

    પરમને પામવાની અદભુત પ્રતિક્ષા…..

    બહોત અચ્છે…..

    જય ગુર્જરી,
    ચેતન ફ્રેમવાલા

    Reply

  6. સુનિલ શાહ’s avatar

    જરા આ પાંખને ઓછી પ્રસારીએ, આવો,
    જગતનો વ્યાપ એ રીતે વધારીએ, આવો.

    સ્મરણ છુપાયાં છે બે-ચાર મનના કાતરિયે,
    પડે જો મેળ તો સાથે ઉતારીએ, આવો.

    ખૂબ સુંદર..

    Reply

  7. vishwadeep’s avatar

    થીજી ગયું છે જે આવી સમયની આંખોમાં,
    કદી એ આંસુની સૂની અટારીએ આવો.

    ક્યાં બાત હૈ! સુંદર શે’ર છે..મન ભાવક,દિલ ભાવક…

    Reply

  8. pragnaju’s avatar

    સ્મરણ છુપાયાં છે બે-ચાર મનના કાતરિયે,
    પડે જો મેળ તો સાથે ઉતારીએ, આવો.

    તમે ન આવો ભલે, જિંદગી જીવી લઈશું,
    અસંભવિત કશું આવુંય ધારીએ, આવો.
    ખૂબ મઝાની પંક્તીઓ

    Reply

  9. Radhika’s avatar

    નવા પ્રકાશ વિશે હાક મારીએ, આવો,
    ભીતરની રાતનું પહેલાં વિચારીએ, આવો.

    ખુબ સરસ ….. આવનાર નુતન વર્ષ ને એડ્વાન્સ મા વધાવવાનુ આહ્વાન જાણે કે….

    Reply

  10. Chirag Patel’s avatar

    સીગલ એ જ વાબગલી?

    વીચારબીજ ગમ્યુઁ. જો પાઁખો ઓછી પ્રસારો તો ઉડવાની સાચે જ વધુવાર મઝા માણી શકાય.

    Reply

  11. ડો.મહેશ રાવલ’s avatar

    મને લાગે છે આ પંક્તિમાં……આવો- વધુ ઓગળીને ખુલ્લું થયું છે…!
    અમારું ભીંતપણું, છતપણું ત્યજીને અમે,
    ખુલાપટાક થઈ બેઠાં બારીએ, આવો.
    -સરવાળે,સુંદર ગઝલથઈ છે.અભિનંદન મીત્ર!

    Reply

  12. Rajiv’s avatar

    સરસ રચના…

    Reply

  13. હેમંત પુણેકર’s avatar

    વિવેકભાઈ,

    સુંદર ગઝલ! રદીફને વિવિધ અર્થમાં સરસ રીતે નિભાવ્યો છે. પહેલો, ચોથો અને છેલ્લો શેર સવિશેષ ગમ્યાં.

    Reply

  14. manvant’s avatar

    આવો કહેશો તો આવશુઁઃજાઓ કહેશો તો જશુઁ !

    Reply

  15. વીજેશ શુકલ’s avatar

    અમારું ભીંતપણું, છતપણું ત્યજીને અમે,
    ખુલાપટાક થઈ બેઠાં બારીએ, આવો.

    સ્મરણ છુપાયાં છે બે-ચાર મનના કાતરિયે,
    પડે જો મેળ તો સાથે ઉતારીએ, આવો.

    કયા બાત હૈ !બહુત બઢીયા બાત કહી હૈ આપને !

    Reply

  16. Hiral Thaker

    “નવા પ્રકાશ વિશે હાક મારીએ, આવો,
    ભીતરની રાતનું પહેલાં વિચારીએ, આવો.”

    ખુબ જ સરસ. લખતા રહો ને અમને પીરસતા રહો!

    Reply

  17. Snehal Patel

    “તમે ન આવો ભલે, જિંદગી જીવી લઈશું,
    અસંભવિત કશું આવુંય ધારીએ, આવો.”

    Awesome Lines…Keep Writing… 🙂

    Reply

  18. Pravin Shah’s avatar

    ખૂબ સુંદર ગઝલ
    બધા જ શેર સરસ થયા છે
    અભિનંદન, વિવેકભાઇ
    જગતનો વ્યાપ એ રીતે વધારીએ, આવો.

    Reply

  19. ઊર્મિ’s avatar

    અમારું ભીંતપણું, છતપણું ત્યજીને અમે,
    ખુલાપટાક થઈ બેઠાં બારીએ, આવો.

    સ્મરણ છુપાયાં છે બે-ચાર મનના કાતરિયે,
    પડે જો મેળ તો સાથે ઉતારીએ, આવો.

    સુંદર ગઝલ… હવે બરાબર જામી છે… મને તો ઘણા વખતે એક નવા જ છંદમાં કોઈ ગઝલ મળી એટલે એ રીતે માણવાનું વધુ ગમ્યું.

    Reply

  20. hitesh joshi’s avatar

    ખુબ સરસ ખાસ અભિનન્દન્
    ઉતમોતમ કાર્ય
    રચના ખુબ સરસ

    Reply

  21. payal raval’s avatar

    ખુબ સરસ ગઝલ
    આપનિ દરેક રચના ખુબ સરસ હોય

    Reply

  22. ભાવના શુક્લ’s avatar

    અમારું ભીંતપણું, છતપણું ત્યજીને અમે,
    ખુલાપટાક થઈ બેઠાં બારીએ, આવો.
    ……………………………………………
    “આવો” કહેતા જે કોમળ ઊર્મીઓ ધબકી જાય વિરાટ સાથે કશુ તાદામ્ય સાંધવા તેને શબ્દદેહ આપતો આ શેર તો બસ આહ!! અને વાહ!!!!

    Reply

  23. ભાવના શુક્લ’s avatar

    વેલ… ટહુકો પર સાંભળવીએ એટલીજ ગમી!

    Reply

  24. નિર્લેપ’s avatar

    ઘણા વખતે બહુ સરસ ગઝલ વાચી…આભાર.

    Reply

  25. Maheshchandra  Naik’s avatar

    JARA PANKHNE OCHHI PRASARIE
    JAGATNO VYAP E RITE VADHARIE, AAVO
    SMARAN CHHUPAYA CHE BE-CHAR MANNAKATARIYE
    PADE JO MEL TO SATHE UTARIE AAVO
    It is REALITY nicely presented Dr. Vivekbhai, and message for the presentday to be have SATISFECTION at one level for whatever you have. I red the newspaper Gujaratmitra Sunday edition and conveyed to you my feelings for MUSHAYAARO you enjoyed, GREAT!!!!!!!!!!!!!!!!!!!!

    Reply

  26. alpesh pathak 'pagal'’s avatar

    ગ્રેટ વિવેકભાઈ………………..

    Reply

  27. vinod gundrwala’s avatar

    સ્મરણ છુપાયાં છે બે-ચાર મનના કાતરિયે,
    પડે જો મેળ તો સાથે ઉતારીએ, આવો

    Its really great to read Gazals
    fine Dr Snehi Shri Vivekbhai

    with warm regards
    ca vinod gundarwala

    Reply

  28. દક્ષેશ’s avatar

    જરા આ પાંખને ઓછી પ્રસારીએ, આવો,
    જગતનો વ્યાપ એ રીતે વધારીએ, આવો.

    પાંખનો અર્થ અહં કરીએ તો ‘આ મારું’ અને ‘આ હું’ એવું ઓછું કરતાં જતાં ‘આ બધું આપણું’ અને ‘આ બધા મારા જ સ્વરૂપ’ એવો સુંદર ભાવાર્થ બીજી પંક્તિથી નીકળે … અને એ રીતે વ્યક્તિત્વનો વ્યાપ વધારી અનુભૂતિની દુનિયામાં પગ માંડી શકાય … એ વાત સ્પર્શી ગઈ. સુંદર.

    Reply

  29. kanchankumari parmar’s avatar

    પ્રસારિ પાંખો ઉડવાને ચાહું છુ જિયારે નાનુ પડે છે ઘણું ઍ આકાશ….

    Reply

  30. rekha’s avatar

    vivekbhai sundar rachana che ………….

    Reply

  31. મીના છેડા’s avatar

    આ પીળચટ્ટી પ્રતીક્ષાના તોરણો લઈને,
    કમાન ખાલી પડેલી સંવારીએ, આવો.

    પીળચટ્ટી પ્રતીક્ષા – પ્રતીક્ષા શબ્દ પોતે જ અસહ્ય ભાવ પ્રગટાવે છે… પણ પીળચટ્ટી શબ્દ આપીને અહીં જે રીતે પ્રતીક્ષા શબ્દને મલાવીને રજૂ કર્યો છે એ કમાલ છે.

    Reply

  32. Rina’s avatar

    beautiful……

    Reply

Reply

Your email address will not be published. Required fields are marked *