વિષમઘાત થઈ છે

OLYMPUS DIGITAL CAMERA
( Catch….                          …પહાડી બુલબુલ, કાશ્મીર, મે- ૨૦૧૨)

*

હજી માંડ થોડી રજૂઆત થઈ છે,
તમે કહો છો, સારી શરૂઆત થઈ છે. *

સ્મરણની ગલીઓ ઉજળિયાત થઈ છે,
ભલે સ્વપ્નમાં, પણ મુલાકાત થઈ છે.

તમે કેમ ચાલી નીકળ્યા અચાનક ?
તમે કેમ ધાર્યું કે એ વાત થઈ છે ?

અમે કંઈક કહીએ, અમે કંઈક કરીએ,
અમારે કશી ક્યાં કબૂલાત થઈ છે ?

રહી આર્દ્રતા હદમાં, તો લાગી સારી,
દડી આંખથી જ્યાં, વલોપાત થઈ છે.

કરી છે પ્રથમ પાળી-પોષીને મોટી,
પછી એજ ઇચ્છા હવાલાત થઈ છે.

મશક અહીંની અહીં રહી જવાની, છતાં પણ
એ ભરવાની મહેનત દિવસ-રાત થઈ છે.

અમે ઢાઈ આખરને પૂર્ણાંક લેખ્યા,
અમારી ગણતરી વિષમઘાત થઈ છે.

– વિવેક મનહર ટેલર
(૫/૬-૦૭-૨૦૧૨)

*

P5122169
(સપનાંઓ….                                           ….કાશ્મીર, મે- ૨૦૧૨)

(* “અમારી શરૂઆત સારી થઈ છે”- કવયિત્રી સંધ્યા ભટ્ટની પંક્તિ આધારિત)

  1. Rina’s avatar

    કરી છે પ્રથમ પાળી-પોષીને મોટી,
    પછી એજ ઇચ્છા હવાલાત થઈ છે.

    મશક અહીંની અહીં રહી જવાની, છતાં પણ
    એ ભરવાની મહેનત દિવસ-રાત થઈ છે.
    Waaah

  2. Rekha shukla(Chicago)’s avatar

    રહી આર્દ્રતા હદમાં, તો લાગી સારી,
    દડી આંખથી જ્યાં, વલોપાત થઈ છે…વિવેકભાઈ ખુબ મજાની કવિતા..!!

  3. kanaiya patel RADHE’s avatar

    ખુબ જ સુન્દર
    મશક અહીંની અહીં રહી જવાની, છતાં પણ
    એ ભરવાની મહેનત દિવસ-રાત થઈ છે.

  4. મીના છેડા’s avatar

    રહી આર્દ્રતા હદમાં, તો લાગી સારી,
    દડી આંખથી જ્યાં, વલોપાત થઈ છે.

    ક્યા બાત!!!

  5. kartika desai’s avatar

    જય શ્રેી ક્રિશન,,આપનો આજનો દિન શુભ હો.કવિતા લાજવાબ…તમારેી ગણ્તરેી મા સર્વ બેમિસાલ હોય
    છે…હા!ઠન્દેી વિશમઘાત હોય ખરેી…!!

  6. urvashi parekh’s avatar

    સરસ અને સુન્દર,
    આર્દ્રતા આંખથી દડી જ્યાં વલોપાત થઈ છે.
    વલોપાત શબ્દ સરસ છે. ઇચ્છાઓ નુ હવલાત થવુ પણ સરસ.

  7. Darshana bhatt’s avatar

    સુન્દર ગઝલ્.
    ગણ્તરિ અને હિસાબની વિશમતા ,વિશમાઘાત!!!!
    જીવન જ વિશમતા…

  8. Pancham Shukla’s avatar

    સરસ ગઝલ.
    મશક અહીંની અહીં રહી જવાની, છતાં પણ
    એ ભરવાની મહેનત દિવસ-રાત થઈ છે.

  9. sapana’s avatar

    વાહ મસ્ત ગઝલ થઈ છે
    રહી આર્દ્રતા હદમાં, તો લાગી સારી,
    દડી આંખથી જ્યાં, વલોપાત થઈ છે.
    સપના

  10. સુનીલ શાહ’s avatar

    સુંદર અભિવ્યક્તિ…

  11. Maheshchandra Naik’s avatar

    સરસ ગઝલ, અંતીમ શેરમા ઘણુ કહેવાય જાય છે, પ્રેમ શબ્દ દ્વારા જ વિષમઘાત થઈ છે દુખનુ કારણ પણ પ્રેમ જ હોય છે ને????

  12. pragnaju’s avatar

    મઝાની ગઝલ
    મશક અહીંની અહીં રહી જવાની, છતાં પણ
    એ ભરવાની મહેનત દિવસ-રાત થઈ છે.
    વાહ
    આ મશક પણ છિદ્રવાળી !ઝીણું છિદ્ર માનવીને દગો દઈ શકે તો આપણા ઝીણા ઝીણા દોષો શું આપણને દગો ન દઈ શકે? વર્ષો સુધી શાંત જણાતો માણસ કોઈ ભયંકર દુષ્કૃત્ય કરી બેસે છે તેનું કારણ આ ઝીણા ઝીણા દોષોનું લશ્કર તેના મનમાં એકઠું થઈ તેને ડૂબાડે છે.
    અમે ઢાઈ આખરને પૂર્ણાંક લેખ્યા,
    અમારી ગણતરી વિષમઘાત થઈ છે.
    યાદ
    લાગણીના કાન સરવા રાખ, તો
    ઢાઈ અક્ષરનો તને મંતર મળે.

  13. Jitendra Bhavsar’s avatar

    ખુબ સરસ પ્રભુ..

  14. Harikrishna Patel (Harik)’s avatar

    Excellent gazal Vivekbhai
    My most sincere congratulations to
    you

  15. dinesh’s avatar

    અમે ઢાઈ આખરને પૂર્ણાંક લેખ્યા,
    અમારી ગણતરી વિષમઘાત થઈ છે.

  16. Heena Parekh’s avatar

    સરસ ગઝલ.

  17. Indra adan.vyas’s avatar

    મશક અહીંની અહીં રહી જવાની, છતાં પણ
    એ ભરવાની મહેનત દિવસ-રાત થઈ છે.

    અમે ઢાઈ આખરને પૂર્ણાંક લેખ્યા,
    અમારી ગણતરી વિષમઘાત થઈ છે.
    બહોતખુબ!

  18. nilam doshi’s avatar

    vah… so beautiful..as always..like all shers..

  19. Harshad’s avatar

    Khub j saras. Like it!!

  20. p. p. mankad’s avatar

    Both poem and photographs very good.

  21. Sandip’s avatar

    રહી આર્દ્રતા હદમાં, તો લાગી સારી,
    દડી આંખથી જ્યાં, વલોપાત થઈ છે.
    *
    મશક અહીંની અહીં રહી જવાની, છતાં પણ
    એ ભરવાની મહેનત દિવસ-રાત થઈ છે.
    ખૂબ સુંદર શેર… વાહ !

    પહાડી બુલબુલ પણ છટાદાર છે. અભિનંદન !

Reply

Your email address will not be published. Required fields are marked *