જાણભેદુ

OLYMPUS DIGITAL CAMERA
(મહાભારત…                                    …કૈલાસ, ઈલોરા, ૦૬-૧૨-૨૦૧૧)

*

લાગણીએ ખુદ મને પાડ્યો ઉઘાડો, લાગણી કેવી તો કે’ કે જાણભેદુ,
આપણી જાત જ નડી છે, જાત પાછી આપણી કેવી તો કે’ કે જાણભેદુ.

જાણકારી હોય તો એવું નથી કે શોધવી પડતી નથી સંજીવની પણ
યોજનાઓ જ્યાં ઊંધી થઈ જઈ શકે એ છાવણી કેવી તો કે’ કે જાણભેદુ.

યુગયુગોથી એક ઇચ્છા માટે પંચેન્દ્રિય લાક્ષાગૃહમાં બળતી રહી છે,
ને વળી ઇન્દ્રિય પાછી સૌ અણીથી તે પણી કેવી તો કે’ કે જાણભેદુ.

મારી ભીતર લાખ ઘટનાઓ ઘટે છે હરપળે પણ હું અજાણ્યો ને અજાણ્યો,
ને ઉપરથી આ બધી ઘટનાઓ જે છે મા જણી, કેવી તો કે’ કે જાણભેદુ.

શું તમે પણ સાવ આમ જ નીકળ્યા બાંયો ચઢાવી કાળક્રમ સાથે ઝઘડવા ?
એ ન ઇચ્છે તો કશું ના થાય, જાત જ એ તણી કેવી તો કે’ કે જાણભેદુ.

– વિવેક મનહર ટેલર
(૦૫/૧૧-૦૮-૨૦૧૧)

*

OLYMPUS DIGITAL CAMERA
(નીકળ્યા બાંયો ચઢાવી….             …પેઇંટેડ સ્ટોર્ક્સ, ખીજડિયા, ૦૪-૦૨-૨૦૧૨)

  1. Fashion’s avatar

    યુગયુગોથી એક ઇચ્છા માટે પંચેન્દ્રિય લાક્ષાગૃહમાં બળતી રહી છે,
    ને વળી ઇન્દ્રિય પાછી સૌ અણીથી તે પણી કેવી તો કે’ કે જાણભેદુ.

    કહેવું પડે ! યુગોથી કહેવાતી આવેલી વાતને આમ એક પંક્તિમાં કહી દેવી …

  2. Fashion’s avatar

    મારી ભીતર લાખ ઘટનાઓ ઘટે છે હરપળે પણ હું અજાણ્યો ને અજાણ્યો,
    ને ઉપરથી આ બધી ઘટનાઓ જે છે મા જણી, કેવી તો કે’ કે જાણભેદુ.

    આ જાણકાર અજાણ્યો ને અજાણ્યો છે કે અજાણ્યો રહેવા માંગે છે…. ખૂબ સરસ – ભીતર ઘટતી ઘટનાઓની વાત અહીં શ્રેષ્ઠ પંક્તિ તરીકે પસંદ આવી.

  3. kartika desai’s avatar

    પ્રિય વિવેકભાઈ,જય શ્રેી ક્રિશ્ન.”જાન ભેદુ” ઉત્તમ.તમે તો સર્વ એક જ “શબ્દ”મા કહ્યુ! વાહ!

  4. Kirtikant Purohit’s avatar

    સુન્દર ગઝલ્ના કાફિઆ અને રદીફ બન્ને બહુજ સરસ નિભાવ્યા છે. વાહ્..

    ..લાગણીએ ખુદ મને પાડ્યો ઉઘાડો, લાગણી કેવી તો કે’ કે જાણભેદુ,
    આપણી જાત જ નડી છે, જાત પાછી આપણી કેવી તો કે’ કે જાણભેદુ.

  5. sweety’s avatar

    બહુજ સરસ્

  6. Sudhir Patel’s avatar

    કાફિયા અને રદીફની આવી સુંદર ગૂંથણી ગઝલના જાણભેદુ જ કરી શકે!
    અભિનંદન!!
    સુધીર પટેલ.

  7. pragnaju’s avatar

    ગઝલના જાણભેદુની સર્વાંગ સુંદર ગઝલ

    યુગયુગોથી એક ઇચ્છા માટે પંચેન્દ્રિય લાક્ષાગૃહમાં બળતી રહી છે,
    ને વળી ઇન્દ્રિય પાછી સૌ અણીથી તે પણી કેવી તો કે’ કે જાણભેદુ.

    મારી ભીતર લાખ ઘટનાઓ ઘટે છે હરપળે પણ હું અજાણ્યો ને અજાણ્યો,
    ને ઉપરથી આ બધી ઘટનાઓ જે છે મા જણી, કેવી તો કે’ કે જાણભેદુ.
    આ શેર વધુ ગમ્યા
    રાવણની હારમા જાણભેદુ વિભિષણ વધુ જવાબદાર છે !
    યાદકિરણની પંક્તીઓ
    અહીં પાણી પોતે થયા વ્હાણભેદુ,
    હશે એની સાથે કોઇ જાણભેદુ.
    પછી સુખ તો શું… સુખના વાવડ ન આવે,
    કે બેઠા હો જયાં કૈંક એંધાણભેદુ.
    તને જોઇને હૈયે હળવાશ વ્યાપી,
    કે તારું આ સાંનિધ્ય છે તાણભેદુ.

  8. Mukund Joshi’s avatar

    ખુબ સુન્દર રચના

  9. વિરલ’s avatar

    બ્લોગ પરનાં ચિત્રો ગમ્યા.

  10. Pancham Shukla’s avatar

    છંદપિપાસુઓ માટે ગાલગાગાના અસામાન્ય દીર્ઘ આવર્તનોની મઝા.

    “આપણી જાત જ નડી છે, જાત પાછી આપણી કેવી તો કે’ કે જાણભેદુ”.- બોલચાલની લઢણમાં પુનરુક્તિનો લયઉછાળ પણ રોમાંચક છે.

  11. Bharat Vaghela’s avatar

    તમે ખુબ ઉમદા શબદો નો ઉપયોગ કરિ ગઝલો લખો છો…જાણે
    કે નજર સામે નો બનાવ હોય.

Reply

Your email address will not be published. Required fields are marked *