તું સુરજ શાને ફરી પગ આ ધરામાં બોળતો
સુપ્ત છારી ઢંઢને પાછો રખે ઢંઢોળતો ..

એવું લાગે કે જાણે
પીળુ ટીશર્ટ અને કેસરી જીન્સ પહેરીને શ્વેતવર્ણી સુર્ય આવી પહોંચ્યો હોય ક્ષિતિજે પાર્ટી કરવા…

કે પછી,
આખો દિવસ કાળઝાળ તપ્યા પછી ચડેલા સોજા ઉતારવા..પોતાની એક માત્ર અને પાણીદાર પુત્રી પૃથ્વીના ઘેર આવી પાણીમાં પગ રાખી આરામ ફરમાવતો હોય..!!

ભરબપોરે ધોમધખતા સુર્યને
સાંજના સોજા નીકળશે શી ખબર !

કે પછી એ સુરજ નથી..
પણ,
કોઇ મોક્ષમાર્ગી ડાયનોસોરનું દૈવી ઇંડુ ધરાએથી આપોઆપ બહાર આવ્યું છે ??

જો કે સંબંધો તો આપણે આ જ જીવનમાં જીવી લેવાના હોય છે,
એમાં કોઈ આવતીકાલની પેઢી આવતી નથી એટલે…