શબ્દો છે શ્વાસ મારા » હાઈકુ

બે હાઈકુ

વિવેક — Sat, 13 Mar 2010 05:29:25 +0000

(તીખી નજર…. …ઓસ્ટ્રેલિઅન સીગલ, ડિસે, ૨૦૦૮)

સાંજ ઢોળાણી
ટપ્ ટપ્ લોહી બનીને,
થૈ કોની હત્યા…?

વિસ્તરી ગળે
મેદાનની તિરાડો :
વાદળ સૂકાં !

-વિવેક મનહર ટેલર
(૧૯૮૬)

વિવેક — Sat, 20 Feb 2010 05:04:21 +0000

(મારી કોઈ ડાળખીમાં પાંદડાં નથી…. ….પંપા સરોવર, ડાંગ, ૦૭-૦૨-૨૦૧૦)

પાનખરમાં
ઝાડ લીલાં, પોપટ
બેઠાં ડાળખે !

મોટર ચાલી
હવા ગૂંગળાવતી
ગાડા પરથી

બપોરે કોણે
ગાયો સૂર્યમલ્હાર ?
રણ ઝળૂંબ્યું !

-વિવેક મનહર ટેલર
(૧૯૮૬)

વિવેક — Sat, 22 Dec 2007 04:27:43 +0000

(ફાંટું ભરીને સોનું સૂરજનું ભરો હવે… …જાલોરી પાસ, હિ.પ્ર., નવે.’૦૭)

ખાલી આભને
શ્રાવણનાં, બનાવું-
રણની હોડી !

અરીસો ફૂટે
કણ કણ થૈ જાઉં,
છાયા ન મીટે.

તડકાસળી
વીણીને માળો બાંધે
સમયપંખી.

-વિવેક મનહર ટેલર
(૧૯૮૬)

વિવેક — Sat, 07 Apr 2007 10:47:44 +0000

(ગોરંભો….. ….ભરતપુર, ૦૫-૧૨-૨૦૦૬)

તારા વરસે
ચોમાસે, આભ રાત્રે
કોરુંચટ્ટાક

* * *

પુષ્પનેત્રમાં
વસંતનું કાજળ,
ભમરો હસે.

* * *

કોયલ બેઠી
પર્ણઘટામાં; હવે
વૃક્ષ ટહુકે !!

-વિવેક મનહર ટેલર

વિવેક — Wed, 22 Nov 2006 23:14:00 +0000

(ઘાટે બંધાણી મારી હોડી વછોડી જા… સુરમ્યા તાપી, સપ્ટેમ્બર,2006)

ઝાકળચણ
ચણી જતાં પ્રભાતે
તડકાપંખી !

વ્યોમ વિધવા
સાંજટાણે ; લોપાયો
સૂરજચાંલ્લો !

- વિવેક મનહર ટેલર