(બુદ્ધં શરણં ગચ્છામિ…… બૌદ્ધ સ્તુપ, સાંચી, M.P., નવે.-૦૫)
હોવાપણાંનો ભાર શું ત્યાગી શકાય ?
શું અર્થને અટકળ વડે ભાગી શકાય ?
હોવાપણાંના ભ્રમથી શું જાગી શકાય ?
મારા વગર મુજથી અગર ભાગી શકાય…
આ શ્વાસની ચોમેર વીંટળાયો છે ભ્રમ,
છેવટની પળથી પહેલાં શું ભાંગી શકાય ?
જોવાપણું, ખોવાપણું, રોવાપણું-
હોવાપણાંની બ્હાર જો દાગી શકાય !
હોવાપણાંની બહારની વાતો કરો,
આ પ્રાણ શું છે ? કાંચળી ! ત્યાગી શકાય.
જે છે ‘વિવેક’ એ શું છે ? શું હોવાપણું ?
…એક શ્વાસ જે શબ્દો કને માંગી શકાય.
ડૉ. વિવેક મનહર ટેલર
‘હોવાપણું’ ગઝલશૃંખલાની ત્રણ ગઝલમાંની આ બીજી ગઝલ છે. ગઝલના મક્તામાં પોતાનું નામ વાપરવાનો પ્રયોગ આ શૃંખલામાં સૌપ્રથમવાર કરી રહ્યો છું. આપનો અભિપ્રાય હંમેશની પેઠે આવકાર્ય છે.
11 comments
Comments feed for this article
Trackback link
http://vmtailor.com/archives/62/trackback/
July 19, 2006 at 5:55 pm
radhika
docter saheb
kon jane kem tamara shabdo na bandhani thai javu hash k kem ?
chhella 2-3 tran divas thi aapna blog ni mulakat na thai shaki, jayshree no tahuko na sambhdi shakayo , to lagtu jane aaje koi khas kam karvanu rahi gau na hoy !…!….!
pan aavi santakukadi pan kyarek rami lebi sari …. but
your absence should be long enough so that people misses you… but it should not be so long that people learns to live without you….
હોવાપણાના ભ્રમથી શું જાગી શકાય ?
મારા વગર મુજથી અગર ભાગી શકાય…
અને ગઝલ જયારે રચાય ને ત્યારે ગઝલકાર એે માટે ઘણુ ખર્ચતા હોય છે એટલે એ ગઝલનુ ગઝલકાર સાથે એકીકરણ થઇ જાય છે અને જે પોતાનો જ અંશ છે
એને નામ આપો તો ખોટુ શુ છે ?….?…?
July 20, 2006 at 7:54 pm
manvant
બુદ્ધં શરણં ગચ્છામિ…સંઘં શરણં ગચ્છામિ,
ધમ્મં શરણં ગચ્છામિ..
જે છે ‘વિવેક’ એ શું છે ?શું હોવાપણું ?
એક શ્વાસ જે શબ્દો કને માગી શકાય !
ઉમાશંકરના ‘ભોમિયા ‘તો નથી ને કવિ ?
July 20, 2006 at 9:55 pm
ઊર્મિ સાગર
હોવાપણાના ભ્રમથી શું જાગી શકાય ?
મારા વગર મુજથી અગર ભાગી શકાય…
…
શું અર્થને અટકળ વડે ભાગી શકાય ?
…
આ શ્વાસની ચોમેર વીંટળાયો છે ભ્રમ,
છેવટની પળથી પહેલાં શું ભાંગી શકાય ?
…
વિવેકભાઇ, ખૂબ જ સુંદર શબ્દો છે!!
બીજા બધાથી તો ઠીક પણ તમારા આવા સુંદર શબ્દોથી દૂર તો ભાગવું હોય તોયે ભાગી ના શકાય!!
“ઊર્મિ સાગર”
www.urmi.wordpress.com
July 20, 2006 at 11:05 pm
sana
Really Your words seems to be your breath…
3rd para is too good.
July 21, 2006 at 11:40 am
Jayshree
આ શ્વાસની ચોમેર વીંટળાયો છે ભ્રમ,
છેવટની પળથી પહેલાં શું ભાંગી શકાય ?
વિવેકભાઇ,
દરેક ભ્રમ ભાંગવા જરૂરી છે ?
કોઇ ભ્રમ ને લીધે જો અસ્તિત્વ ટકી રહ્યું હોય, તો એવા ભ્રમને છેવટની પળ સુધી અકબંધ રાખીએ, તો ના ચાલે ?
July 21, 2006 at 12:28 pm
Suresh
વાંચી વાંચીને વિચારે જ ચઢી ગયો. શું છે આ આપણું હોવાપણું? ભ્રમ હો તો ભ્રમ, પણ …
“જ્યાં હોઇએ ત્યાં જ રહીએ અમે.
હોઇએ ત્યાં જ ઝળહળીએ અમે.”
હજુ ઝળહળવા સુધી તો પહોંચાયું નથી - રાજેન્દ્ર શુકલની જેમ, પણ આનંદના પ્રદેશમાં આ હોવાપણું સતત નહીં તો ય વધારે વખત આપણને રહેવા દે તો પણ ઘણું.
આવી રચનાઓ વાંચીએ ત્યારે ચેતનાના આ પ્રદેશોમાં જ રમતા, હસતા, નાચતા, કૂદતા રહેવાની વૃત્તિને પોષણ મળે છે.
આભાર, વિવેક !
August 1, 2006 at 4:27 pm
Anonymous
nice one
August 13, 2006 at 11:30 pm
Veejansh
વિવેકભાઇ,
શબ્દોનો વિવેક તમે ઉત્તમ કર્યો છે! વિવેકમાં સરળતા હોય છે. વિવેકમાં આતમની સુગંધ હોય છે. વિવેકમાં હ્રદયસ્પર્શી આચાર હોય છે. તમારી કવિતા આ સર્વે ખૂબ વિવેકપૂર્ણ પ્રગટ થાય છે.
http://swaranjali.wordpress.com
August 25, 2006 at 10:13 pm
Neela Kadakia
વિવેકભાઈ,
આપના પિતાશ્રીનાં નિધન વિષે જાણ્યું, પ્રભુ તેમનાં આત્માને શાંતી આપે. અને આપના કુટુંબને આ આઘાત સહન કરવાની શક્તિ આપે.
નીલા કડકિઆ
October 10, 2006 at 4:50 pm
Anonymous
Hi,
I m staying in dubai, whenever i get time, i always read your kavitas. its too good.
Jay Jay Garvi Gujarat..
Kets..
December 8, 2006 at 5:45 pm
Dr. JImit
Hello Dr Vivek
I m from surat too,
nice Blog!