વરસાદ ક્યાંથી લાવું ?


(કોઈમાં હું, કોઈ મારામાં ખૂલે…   ..જહાજ મહેલ, માંડુ, નવે-05)

*

આંખોમાં આવણાંના અવસાદ ક્યાંથી લાવું ?
દિલથી જ ગઈ નથી તો તુજ યાદ ક્યાંથી લાવું ?

ટિટોડીએ તો ઈંડા મૂક્યાં છે આડા આ સાલ,
ઇચ્છાઓ સૌ ફળે એ વરસાદ ક્યાંથી લાવું ?

તારા નગરમાં શેનો ઢંઢેરો હું પીટાવું ?
પોલું છે ઢોલ, એમાં ઉન્માદ ક્યાંથી લાવું ?

વર્તુળ પેઠે તારી ચોમેર વીંટળાયો,
આરંભ ક્યાંથી લાવું ? અવસાદ ક્યાંથી લાવું ?

ખોદીને પહાડ દૂધની લાવું નદી હું ક્યાંથી ?
જીવંત છું, કથા સમ ફરહાદ ક્યાંથી લાવું ?

ઇચ્છાના પગ લઈને ચાલ્યા કરો જીવનભર,
કાંટા વગરનો રસ્તો આબાદ ક્યાંથી લાવું ?

શબ્દોને છે ચટાકા તમતમતાં ભોજનોનાં,
કાવ્યોમાં મીઠા સુખના તો સ્વાદ ક્યાંથી લાવું?

-વિવેક મનહર ટેલર

(અવસાદ = અંત)

22 thoughts on “વરસાદ ક્યાંથી લાવું ?

  1. Su aje pan pc chaltu nathi?photo kem nathi? k pachi koi ucchit photo magaj ma na betho?

    Iccha o no koi aant nathi.

  2. ” દિલથી જ ગઈ નથી,તો તુજ યાદ ક્યાંથી લાવું?”
    અસરકારક પંક્તિઓ છે !શબ્દોમાં શ્વાસ સંભળાય છે.

  3. આંખોમાં આવણાંના અવસાદ ક્યાંથી લાવું ?
    દિલથી જ ગઈ નથી તો તુજ યાદ ક્યાંથી લાવું?

    very touchy!!

  4. શબ્દોને છે ચટાકા તમતમતાં ભોજનોનાં,
    કાવ્યોમાં મીઠાં સુખનાં તો સ્વાદ ક્યાંથી લાવું?

    તમે સુરતી હવે ખરા – સુરતનું જમણ હવે દેખાયું !!

    આવણાં એટલે શું ?

  5. સુરેશકાકા

    આવણાં નો અર્થ થાય :અવર-જવર, આવન-જાવન

    અને આપની વાત સાથે હુ સહમત છુ ,ડોક્ટર સાહેબના શબ્દોમાં પણ સુરત ઝળકે છે અને સ્વભાવમાં પણ

  6. આવણાંનો એક બીજો લાક્ષણિક અર્થ પણ છે : ભવાઈમાં જ્યારે મુખ્ય પાત્રનો પ્રવેશ થાય છે ત્યારે એના આગમનનું સૂચન કરતું જે ગીત ગાવામાં આવે છે એને આવણું કહે છે. અને પહેલો સહજ અર્થ છે: આગમન.

  7. Hey Beautiful Photograph..!!

    I think u posted this later on. before time it was not there. When i saw just impressed.

    Excellent work

  8. પુન:શ્ચ!…માંડુ નો જહાજ મહેલ તો મેં પણ
    જોયો છે.માંડુનો ઇતિહાસ જાણવો છે.ડૉ. સાહેબ,
    મદદ થાય તેમ છે કે ?

  9. આંખોમાં આવણાંના અવસાદ ક્યાંથી લાવું ?
    દિલથી જ ગઈ નથી તો તુજ યાદ ક્યાંથી લાવું?

    સરસ !!!

  10. ઈચ્છાના પગ લઈને ચાલ્યા કરો જીવનભર,
    કાંટા વગરનો રસ્તો આબાદ ક્યાંથી લાવું ?

  11. ઈચ્છાના પગ લઈને ચાલ્યા કરો જીવનભર,
    કાંટા વગરનો રસ્તો આબાદ ક્યાંથી લાવું ?

  12. આંખોમાં આવણાંના અવસાદ ક્યાંથી લાવું ?
    દિલથી જ ગઈ નથી તો તુજ યાદ ક્યાંથી લાવું ?

    ઇચ્છાના પગ લઈને ચાલ્યા કરો જીવનભર,
    કાંટા વગરનો રસ્તો આબાદ ક્યાંથી લાવું ?……

    વાહહ…..

  13. વર્તુળ પેઠે તારી ચોમેર વીંટળાયો,
    આરંભ ક્યાંથી લાવું ? અવસાદ ક્યાંથી લાવું ? વાહ!!!

  14. ઇચ્છાના પગ લઈને ચાલ્યા કરો જીવનભર,
    કાંટા વગરનો રસ્તો આબાદ ક્યાંથી લાવું ?….ખૂબ સરસ… અર્થસભર..ગઝલ…!

  15. વર્તુળ પેઠે તારી ચોમેર વીંટળાયો,
    આરંભ ક્યાંથી લાવું ? અવસાદ ક્યાંથી લાવું ?

    એક એક શેર સરસ છે..!!!

  16. કાલિદાસના સમ આપું , યક્ષના કસમ આપું, આપું હું પ્રેમના કિનખાબી કોલ
    મેઘા મૂઆ ,ક્યારે તું આવવાનો બોલ !!

Leave a Reply

Your email address will not be published. Required fields are marked *