બોધિવૃક્ષ

OLYMPUS DIGITAL CAMERA
(તન્હા…             …શબરીધામ, આહવા, ૧૫-૦૮-૨૦૦૯)

*

ચશ્માં કાઢીને
વાળ કપાવવા બેઠો
ત્યારે
અચાનક જ ખ્યાલ આવ્યો :
બસ ! હવે બહુ થયું.
હું કહી શકું છું, મને ખબર છે
હું કહી દઈશ
મારે કહેવું જ પડશે
આજે જ.
હા, આજે જ.
આ જ સમય છે યુ-ટર્ન લેવા માટેનો.
બસ ! બહુ થયું હવે.
જે જે કહેવાયું નથી,
કહેવાતું નથી,
કહેવાવાનું નહોતું,
કહી દેવું જોઈતું હતું
એ બધું જ…
હવે તો બહુ થયું, બસ…
બહુ થયું…
આ આંખની નીચે
આ કાળાં કુંડાળાં ?!

– વિવેક મનહર ટેલર
(૦૫-૦૯-૨૦૦૯)

  1. Himanshu’s avatar

    વાહ વિવેક… psychoanalysis ની કિતાબ લખી દિધી.

    Reply

  2. શાહ પ્રવીણચંદ્ર કસ્તુરચંદ’s avatar

    ‘હું કહી દઈશ
    મારે કહેવું જ પડશે’

    કેમ વિવેકભાઈ,યુ ટર્ન લઈ લીધો?
    જીવનનો રાહ વાંકોચૂંકો ને છે સીધો.

    બાકી મજા આવી ગઈ.

    Reply

  3. BB’s avatar

    ખુબ સુન્દર રચના , વિવેક્ભાઇ .

    Reply

  4. pragnaju’s avatar

    ઘાંયજો એટલે શરીરના-મનનાં ઘા રુઝવે.તે સર્જનનું કામ પણ કરે.કદાચ પૂછતા પહેલા કહી દે તમારી આંખ નીચે મેલામાઇન વધારે માત્રામાં એકઠું થાય છે.વિવિધ કારણોની ચર્ચા કરી-કાકડી મૂકવાથી માંડી સ્પેશિયલ અલ્ટ્રાસોનિક મશીનની પણ વાત કરશે…અરે અમારા જંગલના હજામે કાળા ડાઘ કેન્સરનાં છે તેમ કહેલું ત્યારે કેન્સર નિષ્ણાતે જલદી નિદાન કરવા માટે અભિનંદન પણ આપેલા !
    હવે તો બહુ થયું, બસ…
    બહુ થયું…
    આ આંખની નીચે
    આ કાળાં કુંડાળાં ?!
    મારી બ્યુટી-પાર્લરવાળીને ત્યાં આવો અનુભવ થયેલો!મેં કહ્યું-૭૧મે હવે કાંઈ વાંધો નહીં તો તેણે
    સારવાર માટે આગ્રહ રાખેલો

    Reply

  5. Sapan’s avatar

    વાહ વિવેકભાઈ… ખુબ સરસ…

    Reply

  6. Kirtikant Purohit’s avatar

    ડો.નું આંતર્મુખ થવું ગમ્યું.

    Reply

  7. kanchankumari parmar’s avatar

    જોઇ જોઇ ને આઈનામા ચહેરો તો ઘસાઈ ગ્યો….પણ આઈને ઘસર્કો એકેય નથી…….

    Reply

  8. sudhir patel’s avatar

    સરસ અછાંદસ! અભિનંદન, વિવેકભાઈ!
    સુધીર પટેલ.

    Reply

  9. Pancham Shukla’s avatar

    આધુનિક બોધિસત્વ !

    Reply

  10. વિવેક’s avatar

    દિવાળી વેકેશન નિમિત્તે નવ દિવસ કચ્છ જવાનું થયું… નેટ પર આજે જ ફરી આવવાનું થયું છે…

    સહુ મિત્રોને નવા વર્ષની શુભકામનાઓ…

    Reply

  11. Mukund Desai 'MADAD'’s avatar

    સુન્દર

    Reply

  12. Pinki’s avatar

    બોધિવૃક્ષ તળે જ ગ્યાન મળે ?!!

    ના, સલૂનમાં પણ. 🙂

    Reply

  13. Lata Hirani’s avatar

    અભિનંદન…સારી છે પણ તમારા બરની નહીં…

    Reply

  14. DR.MANOJ L. JOSHI (JAMNAGAR)’s avatar

    વાહ…વિવેકભાઈ…સુંદર રચના…અંતરાત્મા જાગવા ને સ્થળ કે કાળ સાથે સંબંધ નથી હોતો…

    Reply

  15. નટવર મહેતા’s avatar

    દિવા તળે અંધારૂ અને આંખો નીચે કાળા કુંડાળા
    સમજી જવું જોઈએ શાનમાં, આવે જ્યારે બેતાળા.

    કાળા કાળા કેશમાં આવે થોડી ચાંદીની સફેદ ચમક
    કલપ ચોપડી ચોપડી લોકો શીદને બને તરગાળા??

    રોક્યો નથી રોકાતો સમય કોઈનો કે આજ રોકાશે
    વય, વ્યય અને સમયના કદી ન કરીએ સરવાળા??

    લો, આ તો આપે મને ય વિચારતો કરી દીધો.

    Reply

  16. डॉ. निशीथ ध्रुव’s avatar

    साथेना छायाचित्रमांना वृक्षनां पांदडां खरी गयां छे. जीवननो रस ऊडी गयो होय त्यारे बोधि मळे ते शा कामनी? प्रभुए कह्युं छे : पत्रं पुष्पं फलं तोयं यो मां भक्त्या प्रयच्छति…जीवनने लीला पान जेवुं बनावीए, फूल जेवुं बनावीने बधे एनो पमराट प्रसरावीए, कर्मोना फळने कृष्णार्पण करीए अने भावनाना नीरथी भीना थता रहीए ने बीजाने भीना राखीए तो अवश्य बोधि मळे. ‘तस्याहं सुलभः पार्थ!’ = हे पार्थ! हुं एमने सहेलाईथी मळुं छुं! … चश्मां काढ्यां ए खूब सूचक छे. मायानां पडळ ज जाणे! अने मायानी पेले पार ज तो सत्य लाधे. यू-टर्न लेवानी वात पण सूचक छे : Dust thou art – unto dust shalt thou return!
    विवेकनी रचनानो आस्वाद लेनारा आ वेब-स्थानना सहेलाणीओने मारा परिवार तर्फे नूतन वर्षनां अभिनन्दनो!

    Reply

  17. indravadan g vyas’s avatar

    વિવેકની રચના ખુબ સરસ્,પ્રગ્નાજુ અને ડૉ.ધ્રુવની ટીપ્પણી પણ ખુબ ગમે તેવી.રચના વધુ આસ્વાદ્ય બની.હેર ડ્રેસરની ખુરશી બોથિવ્રુક્ષના લાકડામાં થી તો નહીં બનાવી હોયને?નહીં તો આવું કેમ બને.
    ૧૯૬૯ ની સાલમા મને બુધ્ધગયામાં પેલા બોધિ વૃક્ષ હેઠે બેસવાનો અવસર મળેલો.આંખો મીંચીને ક્યાંય સુધી બેસી રહેલો,પણ કોઇ ઝબકારો થયેલ નહીં….કદાચ ડૉ,નિશિધભાઈની વાત મુજબ માયાના ચષ્મા ઉતર્યા નહી હોય્.

    Reply

  18. kishore modi’s avatar

    સરસ અછાંદસ રચના

    Reply

  19. P Shah’s avatar

    સુંદર રચના !

    અભિનંદન વિવેકભાઈ !

    Reply

  20. ભાવના શુક્લ’s avatar

    ખુબ સરસ !!!

    આજે તો ભૈ કવિતા કરતા શીર્ષક વધુ ગમ્યુ.. બુદ્ધત્વને અને મનને હાથવેતનુ જ છેટુ હોય છે ફક્ત બોધિવૃક્ષ ની જ તલાશ કરવાની રહે છે. મનન અને મંથનથી મોટુ બોધિવૃક્ષ ક્યા હોય.. અહીતો જરુર છે આત્માને માત્ર જગાડવાની નહી પરંતુ ઢંઢોળી ઝંઝોળી નાખવાની અને પછી કવિતા કહે છે તેમ “હવે બહુ થયુ… હવે બસ…” આ “બસ….” જીવનમા બહુ મોટા યુ-ટર્ન લાવી મુકે છે.

    આનંદ થઈ રહ્યો..

    Reply

  21. Nikhil Joshi’s avatar

    બહુ સુન્દર કવિતા એક્દમ સરલ શબ્દો મા
    આનન્દ થયો
    –નિખિલ જોશિ

    Reply

  22. DR.MANOJ L. JOSHI (JAMNAGAR)’s avatar

    વિવેક્ભાઈ…કચ્છ સુધી આવ્યા હતા તો અમને(જામનગરને) પણ લાભ આપ્યો હોત તો….ખેર, હવે ગોઠવો….

    Reply

  23. Maheshchandra  Naik’s avatar

    જીવનમા જ્ઞાન પ્રાપ્ત કરવા માટે સલુન અને અન્ય જગા કોઈ રીતે નિમ્ન ક્ક્ષાની નથી, ચશ્મા ઉતારવાની જરુર હોય છે, ચશ્મા ઉતાર્યા પછી દ્રષ્ટી કેળવવાની, અન્દર ઝાંખવાની જરુર હોય છે, એ ડો.વિવેકભાઈ, ડો.નિશીથભાઈ, શ્રી પ્રગ્નાજુ અને અન્ય કવિમિત્રો અને સુજ્ઞ ભાવકો જ કેળવી શકે, સરસ અછાંદસ ડો. વિવેકભાઈ, અભિનદન, હવે ક્યારે કચ્છી માડુની રચનાઓ અને સરસ ફોટોગ્રાફ જોવા મળશે? રાહ જોઈએ છે, આભાર………………

    Reply

  24. Bankim’s avatar

    વાત ગમી ગઈ.
    સલૂનનો આયનો તમને પલટી નાખે.
    હેર ડ્રેસ્રર પણ તમને બદલી નાખે… ઍનુ કામકાજ ભેજાની આસપાસ જ છે ને !

    Reply

  25. Vijay Bhatt ( Los Angeles)’s avatar

    I had heard that Dada bhagwan ( a spiritual guru from Baroda) had GYAN on Surat Railway Station while waiting for a train.
    So it is very much likely and possible that you got it on a barber chair.

    Enlighten – has no – specifications or prerequisites with any Time, Space, or Mass. It is eternal!

    Now you are in SAT- CHIT-ANAND- state all the time!!

    We wish to get many more poetry from you (or from your enlightened self!!)

    Reply

  26. nishidh goradia’s avatar

    wah sir,
    maf karjo gujarati typing favtu nathi etle angreji ma gujrati javab aapu chhu…ckinic ma bethela doctor tarike tamne malvu jetlu game chhe ena kartay aa mulakat ghani saari lagi….have malta rahishu..abhinandan….

    Reply

  27. Abhijeet Pandya’s avatar

    ખુબ સ્ર્સ અછાંદ્સ સ્ચ્ના.

    Reply

  28. mrunalini’s avatar

    અછાંદસ સ રસ
    ટીપ્પણીઓ સ રસ

    Reply

  29. Malti’s avatar

    , ખુબ સરસ, જે જે કહેવાનુ” હતુ, જે કહેવાતુ” નહોતુ, કહી દેવુ જોયતુ હતુ, જે કહેવાવાનુ નથી. એવો અહેસાસ થાય ત્યારે કહી ના”ખવુ. નહી તો સમય ન મળે એવુ પણ થાય્

    Reply

  30. sagar rane’s avatar

    સરસ કાવ્ય્…….

    Reply

Reply

Your email address will not be published. Required fields are marked *