આવીને કોણ પાછું ગયું છદ્મવેશમાં ?

*

આવીને કોણ પાછું ગયું છદ્મવેશમાં ?
આંખો સ્થગિત થઈ ગઈ મારી રવેશમાં.

ફંફોસતો રહ્યો હું જીવનભર અહીં-તહીં,
ખોલ્યાં નયન, હતી તું મારા સંનિવેશમાં.

અંદર જે છે તે આખરે તો આવશે બહાર,
છૂપાઈ શકશે ક્યાં લગી કો’ પહેરવેશમાં ?

જો મૂલ્ય જાણવું હો કોઈનું તો સૌપ્રથમ,
રહેવું પડે બે-ચાર દિ’ શૂન્યોના દેશમાં.

શબ્દોના સૌ શિખર થશે સર ત્યારે શ્વાસની
બાંધીશ છેલ્લી ગાંઠ હું મારા આ કેશમાં.

-વિવેક મનહર ટેલર

  1. sana’s avatar

    One more marvelous writing……..

    Reply

  2. Dhaval’s avatar

    plz write glossary of hard terms used. thanks

    Reply

  3. manvant’s avatar

    માથામાં ગાંઠ બાંધવી છે ? ઘરમાં પૂછ્યું છે ?

    Reply

  4. વિવેક’s avatar

    શ્રી મનવંતભાઈ,

    શબ્દોના સૌ શિખર થશે સર ત્યારે શ્વાસની
    બાંધીશ છેલ્લી ગાંઠ હું મારા આ કેશમાં.

    -ગઝલના આ મક્તામાં એક ઐતિહાસિક સંદર્ભને સાંકળવાની મારી કોશિશ હતી, પણ લાગે છે કે હું એમાં વિફળ નીવડ્યો છું. એટલું મારું કવિકર્મ કાચું જ સ્તો. નંદરાજા દ્વારા અપમાનિત થયા બાદ ચાણક્યે પ્રતિજ્ઞા લીધી હતી કે જ્યાં સુધી નંદવંશનું નિકંદન ન કાઢી નાંખું ત્યાં સુધી મારા કેશ હું ખુલ્લા જ રાખીશ અને ત્યારબાદ જ હું મારા વાળમાં ગાંઠ વાળીશ.

    આ શેર વડે મારે કદાચ કહેવું હતું કે મારા જીવનનું અંતિમ લક્ષ્ય શબ્દ અને કેવળ શબ્દ જ છે અને જે ક્ષણે હું શબ્દનો સાક્ષાત્કાર કરી લઈશ તે ઘડી એ હું આખરી શ્વાસ લઈ મૃત્યુની ગોદમાં સૂઈ જવાનું પસંદ કરીશ…

    મારી વાત મારા વાંચક સુધી યોગ્ય સ્વરૂપે ન પહોંચાડી શકવા બદલ દિલગીરી અને દુઃખ અનુભવું છું…

    Reply

  5. manvant’s avatar

    મેં આજે લખેલી કોમેંટ ક્યાં સંતાઈ ગઈ ?
    ચાલો ફરીથી લખી દઉં…. મારી મિઠી મજાકને
    ગંભીર ગણવા બદલ ક્ષમાયાચના !આપના કાવ્યનું
    હાર્દ તો બિલકુલ સ્પષ્ટ છે.તમારી વાત તમારા
    વાચક સમક્ષ યોગ્ય રીતે જ મુકાઈ છે ભાઈ !

    Reply

  6. manvant’s avatar

    ઉપરની મારી કોમેંટમાં “મિઠી” ને બદલે “મીઠી “વાંચવા વિનંતી છે.મનવંત.

    Reply

  7. Rina’s avatar

    અંદર જે છે તે આખરે તો આવશે બહાર,
    છૂપાઈ શકશે ક્યાં લગી કો’ પહેરવેશમાં ?

    જો મૂલ્ય જાણવું હો કોઈનું તો સૌપ્રથમ,
    રહેવું પડે બે-ચાર દિ’ શૂન્યોના દેશમાં.

    શબ્દોના સૌ શિખર થશે સર ત્યારે શ્વાસની
    બાંધીશ છેલ્લી ગાંઠ હું મારા આ કેશમાં…..
    wwaaah

    Reply

  8. Kavita Maurya’s avatar

    સુંદર ગઝલ !!!

    Reply

  9. raksha shukla’s avatar

    વાહ!

    Reply

  10. sujata’s avatar

    જો મૂલ્ય જાણવું હો કોઈનું તો સૌપ્રથમ,
    રહેવું પડે બે-ચાર દિ’ શૂન્યોના દેશમાં………….જિયો

    Reply

  11. મીના છેડા’s avatar

    આવીને કોણ પાછું ગયું છદ્મવેશમાં ?
    આંખો સ્થગિત થઈ ગઈ મારી રવેશમાં.

    Reply

Reply

Your email address will not be published. Required fields are marked *