પપ્પાની પથારી…

PB043846
(બુંદ-બુંદમાં જીંદગી…                                 …સ્વયમ્, ગોવા, નવે., ૨૦૦૮)

*

{સપ્રેમ અર્પણ : મારા પપ્પાને એમની ત્રીજી પુણ્યતિથિ પર.  ( જુઓ,  આઈ લવ યુ, પપ્પા) }

*

પપ્પાની પથારી પોચી પોચી ને મજાની,
એના પર લંબાવવા એમની રજાય નહિ લેવાની.

પપ્પાની છાતીની હોડી
ઊંચીનીચી થાય;
અંદરથી પાછાં હૂ-હૂ-હૂ-હૂ
હાલરડાં સંભળાય.
ટપલી મારે, હાથ ફેરવે, સંભળાવે કહાની.
પપ્પાની પથારી પોચી પોચી ને મજાની.

“પપ્પા ! પપ્પા !! અંદર કોઈ
બોલે છે ધક્- ધક્”;
” એ તો મારું હાર્ટ છે, બુદ્ધુ”
– હસ્યા પપ્પા ખડખડ.
પણ મને આદત છે ‘ટીબુ’ ‘ટીબુ’ સાંભળવાની.
પપ્પાની પથારી પોચી પોચી ને મજાની

પપ્પા જેવું નરમ ગાદલું
એક્કેય ક્યાં છે ઘરમાં ?
પપ્પાની ગરમીમાં ડૂબી
હુંય વિચારું મનમાં:
મજા પડશે મોટા થઈને પથારી બનવાની !
પપ્પાની પથારી પોચી પોચી ને મજાની

– વિવેક મનહર ટેલર
(૧૫-૦૭-૨૦૦૯)

*

P8149478
(ધ્યાન…                                             …ચનખલ, આહવા, ૧૫-૦૮-૨૦૦૯)

  1. Jayshree’s avatar

    શું વાત છે દોસ્ત..
    ભવિષ્યમાં જઇ ને ફોટો લઇ આવ્યો?

    મજાનું બાળગીત.. મને ય બાળપણ યાદ આવી ગયું..!
    બોલે તો –
    સુંદર રચના… 🙂

    Reply

  2. Pancham Shukla’s avatar

    વાહ્ મજાનું બાળગીત.

    ‘ટીબ’ કે ‘ટીબુ’ એ સ્વયંનું લાડકું નામ છે?

    Reply

  3. Dhaval’s avatar

    મઝાનુ ગીત !

    Reply

  4. Dhaval Navaneet’s avatar

    પપ્પા જેવું નરમ ગાદલું
    એક્કેય ક્યાં છે ઘરમાં ?
    પપ્પાની ગરમીમાં ડૂબી
    હુંય વિચારું મનમાં:
    મજા પડશે મોટા થઈને પથારી બનવાની !
    પપ્પાની પથારી પોચી પોચી ને મજાની

    વિવેક ભાઈ મઝા આવી ગઈ ….

    Reply

  5. Siddharth’s avatar

    Very beautiful poem

    Siddharth

    Reply

  6. pragnaju’s avatar

    પપ્પાની ગરમીમાં ડૂબી
    હુંય વિચારું મનમાં:
    મજા પડશે મોટા થઈને પથારી બનવાની !
    પપ્પાની પથારી પોચી પોચી ને મજાની
    …કેવી પ્રસન્ન અભિવ્યક્તી!

    મો ટા થઈને આ જ પ્રસન્નતા લખાવશે…
    પપ્પા તરીકે તમે ખૂબ જ સુંવાળો નાતો જાળવી રાખ્યો છે. તમે શીખવવામાં, કશુંક બતાવવામાં, વાંચવામાં અને અમારી સાથે રમવામાં – બધામાં સાથે જ રહ્યા છો. આટલી જવાબદારીઓ સાથે પણ અમારા બાળપણને કોઈ ખોટ પડી નથી. તેમાંય મારી સાથે રમતાં મારા પપ્પાનો અવાજ હજુ પણ મને સંભળાય છે. ‘કાગડા કાગડા કઢી પીવા આ…..વજે.’ હજુ પણ યાદ છે. મને જે સંસ્કારો, જે શબ્દો, જે વ્યક્તિઓ અને જે માહોલ મળ્યો છે -જીવનમાં આવો તરબતર આનંદ અને આવી સુંદર પળો આપનાર પપ્પાને …
    જે ઈશ્વરે મને આવાં પપ્પા આપ્યાં છે તેનો હું આભાર માનું છું અને મારાં પપ્પાને બે હાથ અને મસ્તક નમાવીને વંદન કરું છું અને એથીય વિશેષ ઈશ્વરને પ્રણામ કરું છું, પુણ્ય સંયોગ માટે…

    Reply

  7. paresh balar   johnson & johnson ltd’s avatar

    soo nice

    Reply

  8. સુનીલ શાહ’s avatar

    મઝાનું બાળગીત. બાપ–દીકરા વચ્ચેના નરમ–મુલાયમ–હૂંફાળા સંબંધોને વાત સરસ, નાજૂક શબ્દોમાં કહી છે. અભિનંદન.

    Reply

  9. Tejal jani’s avatar

    Very nice poem…
    I like last two lines the most…
    Swayam is ur son?

    Reply

  10. વિવેક’s avatar

    જી… સ્વયમ્ મારો દીકરો છે, સાડા આઠ વર્ષનો… એને લાડથી ક્યારેક ‘ટીબુ’ કહીને બોલાવું છું… પણ કવિતામાં ‘ટીબુ’ કોઈપણ પપ્પાનો પ્રાણપ્યારો હોઈ શકે…

    Reply

  11. વિહંગ વ્યાસ’s avatar

    ખૂબ સુંદર ગીતે. તમારા પિતા-પુત્રના સ્નેહની છાલકમાં હું અહીં ભીંજાઉં છું. સ્વયંને ખૂબ વહાલ.

    – વિહંગ વ્યાસ

    Reply

  12. amitsompura’s avatar

    really nice poem.

    Reply

  13. Dr Pankaj Gandhi’s avatar

    simply suberb
    it has recalled memories of my “bittu”, when she use to play with me

    Reply

  14. ડૉ.મહેશ રાવલ’s avatar

    સુંદર,ભાવવાહી અને સુંવાળું બાળકલ્પનનું ગીત.

    Reply

  15. डॉ. निशीथ ध्रुव’s avatar

    अहीं तो स्वयम्‌नुं ध्यान छे! पप्पानो खोळो खूंदतो स्वयम् पण पप्पा थईने आवनारा स्वयम् जोडे आ रीते ज रमशे ने! आटली मीठी मजानी पथारी जेमने भाग्ये न लखाई होय एनो पण विचार आवे छे. आ बाळगीतथी जेने आनन्द थयो होय ते एकाद अनाथ भूलकाने आवी हूंफाळी गोद धरवा प्रेराय तो आ बाळगीतनुं विवेकप्रणीत थवुं सार्थक थशे!

    Reply

  16. rachna’s avatar

    કેવુ સરસ બાલગીત ! પપ્પા સાથેની જૂની યાદો તાજી કરાવવા બદલ આ ઇ લવ યુ. શિમોલી અને પ્રહર્ષ પણ વાંચીને ખુશ થઈ ગયા. .મમ્મી આજે ખૂબ જ યાદ આવે છે. બાળપણમાં લઈ જવ બદલ ખૂબ ખૂબ આભાર.

    Reply

  17. Chetan framewala’s avatar

    પિતા-પુત્રનાં પ્રેમની હુંફાળી રચના……………..
    આ પેઢી તો માણે છે…….. તમે આવનારી પેઢીને આ પ્રેમાળ હુંફની બાંયધરી આપી એ વિશેષ ગમ્યું…

    જય ગુર્જરી,
    ચેતન ફ્રેમવાલા

    Reply

  18. Chetan framewala’s avatar

    વાણી, વર્તન, વિચાર થકી, પરોક્ષ કે પ્રત્યક્ષ રુપે કોઈ પણ આત્માનું દિલ દુભાવ્યું હો, તો સવંત્સરી પ્રતીક્રમણ કરતાં પહેલા આપ સૌ ને ખમાવી મિચ્છામી દુક્કડમ માંગું છું.

    જય ગુર્જરી,
    ચેતન ફ્રેમવાલા

    Reply

  19. P Shah’s avatar

    વાહ ! મઝાની રચના !

    Reply

  20. nilam doshi’s avatar

    એમાંયે પપ્પા ફાંદાળા હોય ત્યારે તો પથારે વધુ મજાની લાગે…છાતીની હોડી..ખૂબ મજાનો શબ્દ…ગઝલ સંગ્રહ માં જ બાળગીતોનો સમાવેશ કરશો કે પછી અલગ ?
    અનેક શુભેચ્છાઓ સાથે

    Reply

  21. DILIP CHEVLI’s avatar

    સરસ મઝાનું બાળગીત.

    Reply

  22. sapana’s avatar

    વિવિકભાઈ,
    પપ્પાને પુત્રની સરસ ભાવના!સ્વયમ કે પછી કોઈ પણ બાળક!મને યાદ છે મારાં પપ્પાના પગ ઉપર ચડીને ચાલતી પપ્પાનં પગ દબાતા ને અમને પપ્પાનાં પગ પર ચાલવાની મજા પડતી.
    સુંદર બાળગીત! મનને મોહી લે તેવું.
    સપના

    Reply

  23. sapana’s avatar

    સોરી વિવેકભાઈનો શબ્દ બરાબર નથી લખાયો.ઃ)
    સપના

    Reply

  24. Gaurang Thaker’s avatar

    સરસ ગીત…વાહ !!

    Reply

  25. mahesh dalal’s avatar

    સરસ બાળ્ ગીત .

    Reply

  26. Maheshchandra   Naik’s avatar

    સરસ બાળગીત અને મારા પિતાશ્રી સાથેનો મારો હુંફાળો સંબંધ યાદ આવી ગયો, સાથે સાથે વાડીફળિયા યાદ આવી ગયું, સ્ંસ્મરણો દ્વારા સૌ સ્નેહીજનો યાદ આવી ગયા અને ગીત જેમને અર્પણ કરેલ છે એ આપના પિતાશ્રી શ્રી મનહરભાઈને અમારી વિષેશ સ્મૂતીવંદના………સરસ ગીત માટે આપને અભિનદન્….

    Reply

  27. Govind Maru’s avatar

    સરસ મઝાનું બાળગીત..

    અભીનંદન…

    Reply

  28. Bankim’s avatar

    પિતા-પુત્રની Physical Intimacy આ ગીત્કાવ્યમા સરસ ઝીલાઈ.અભીનંદન.

    Reply

  29. Prashant Pandya’s avatar

    મઝા આવી ગઈ!વારંવાર વાંચવાનું મન થાય ..ખરેખર હળવા બની જવાય…

    Reply

  30. kirankumar chauhan’s avatar

    સુંદર કાવ્ય.

    Reply

  31. utsav’s avatar

    ખુબ સરસ રચના સર બચપન નિ યાદ આવિ ગઈ………………

    Reply

  32. kinjal’s avatar

    ખુબ જ સરસ …. બચપન્ યાદ આવિ ગયુ.

    Reply

  33. Prabhulal Tataria

    શ્રીવિવેકભાઇ
    હું એટલો નશીબદાર નથી મેં મારા પપ્પા મારા જન્મથી દોઢમાસ પહેલા જ ખોઇ નાખેલા.હા મારા બાળકો સાથે ગુજારેલી પળો યાદ આવે છે.મારા ત્રણે સંતાનોને એક જ વાર્તા સંભળાવતો”એક હતો કાગડો એને બહુ ભુખ લાગી હતી……”એ એટલી તો લડાવી લડાવીને કરતો કે,આખી વાર્તા સાંભળ્યા પહેલા જ ઊંઘમાં સરી પડતા.આજે પણ એ ઉમરલાયક થયેલા બાળકો યાદ કરીને હસે છે.
    આપની રચના વાંચીને ખુબ જ આનંદ થયો.
    અભિનંદન

    Reply

  34. hitesh’s avatar

    સરસ મઝાનું બાળગીત..

    અભીનંદન…

    વિવેકભાઇ

    HITESH BORAD
    TO: DERIPIPARIYA

    Reply

Reply

Your email address will not be published. Required fields are marked *