ઝાડ! તને આવું આવ્યું છે કદી જીવવાનું?

(હરિતબુંદ….                               …બિન્સર, ઉત્તરાખંડ, ૨૦૧૭)

*

મૂળિયાં વાઢીને જીવવાનું ને વળી ફૂલ પણ માથે ખીલવવાનું,
ઝાડ! તને આવું આવ્યું છે કદી જીવવાનું?

હાથો કુહાડીનો કાયામાં રાખી તું મોટું થાય, સાચી એ વાત છે;
ફળો ભેટ દેવાને માટે તું મૌન રહી પથરા ખાય, સાચી એ વાત છે,
પણ જાતની જ આરી બનાવીને જાતને પોતાના હાથે જ કાપવાનું?
બોલ, કદી આવું આવ્યું છે તારે જીવવાનું?

અંગારવાયુ પી પ્રાણવાયુ દેવાનું કામ, કહે લોક, ઘણું કપરું છે,
પણ અંગારા ખાઈનેય પ્રાણ પાથરવાથી વિશેષ, કહો, શું એ અઘરું છે?
હસતું મોં રાખીને સાવ લીલાં પાન સૌ એક પછી એક ખેરવવાનું,
હાય ! આ જીવવાનું કેમનું જીરવવાનું?
બોલ, કદી આવું આવ્યું છે તારે જીવવાનું?

-વિવેક મનહર ટેલર
(૨૩-૦૬-૨૦૧૫)


(ત્રિશૂલ….                       …બિન્સર, ૨૦૧૭)

15 comments

  1. ravi dave’s avatar

    વાહહહહ સર ખુબ રસ ગીત…

  2. DrRajal Sukhiyaji’s avatar

    Mast

  3. હરીશ વ્યાસ’s avatar

    ખુબ સુદર પરિકલ્પના

  4. algotar ratnesh’s avatar

    વાહ

  5. pankaj Vakharia’s avatar

    સટસ્ટ સરસ.પણ કાવ કવિ” હવે ઝાડનો જવાબ પણ લખો.

  6. Jigar’s avatar

    khub saras rachna

  7. પ્રતિમા શાહ.’s avatar

    ખૂબ ખૂબ ખૂબ સરસ રચના છે. વિવેક ભાઈ.અભિનંદન.

  8. પ્રતિમા શાહ.’s avatar

    ખૂબ સુંદર.

  9. પ્રતિમા શાહ.’s avatar

    સરસ રચના. લયબદ્ધ વાક્ય રચના છે. અભિનંદન

  10. જય કાંટવાલા’s avatar

    કયા બાત …..

  11. dharmeah bajari’s avatar

    શુ વાત છે સાહેબ વાહ વાહ

  12. Rina Manek’s avatar

    Waahh

  13. nayana’s avatar

    ઝાડ નિ વ્યથા સુન્દર અભિનદન.

  14. lata hirani’s avatar

    બોલો, કદેી આવડ્યુ છે કોઇને આવુ લખવાનુ ?

    બહુ સરસ્.

  15. વિવેક’s avatar

    સહુનો અંતઃકરણપૂર્વક આભાર…

Comments are now closed.