પથ્થર નકામા

 IMG_3859

(માર્બલ રોક્સ, ભેડાઘાટ, જબલપુર, જુન, ૨૦૧૫)

*

અગર શોધશો તો એ મળશે બધામાં,
નહિતર ગણી લેજો પથ્થર નકામા.

ફરી એનો એ તંત ઊઠ્યો સભામાં,
ન આરંભ-ના અંત જેનો કશામાં.

આ રાતોને ધોળો કલર ઘોળવામાં,
સવારોના ડિલ પર પડ્યા છે ચકામા.

જીવનભર જે દર્દોને રાખ્યા નનામા,
કરે એ જ આજે ગઝલમાં ઉધામા.

શું પ્યારું, શું પોતીકું – સઘળું ગુમાવ્યું,
સિલકમાં જે આંસુ બચ્યાં તે નફામાં.

ટૂંકુંટચ હતું “સો”થી “રી”નું આ અંતર,
જીવન તોય ટૂકું પડ્યું કાપવામાં.

– વિવેક મનહર ટેલર
(૦૧-૦૪-૨૦૧૬)

*

IMG_3884

(માર્બલ રોક્સ, ભેડાઘાટ, જબલપુર, જુન, ૨૦૧૫)

15 thoughts on “પથ્થર નકામા

  1. જીવનભર જે દર્દોને રાખ્યા નનામા,
    કરે એ જ આજે ગઝલમાં ઉધામા.

    ટૂંકુંટચ હતું “સો”થી “રી”નું આ અંતર,
    જીવન તોય ટૂકું પડ્યું કાપવામાં.

    Waahhhh

  2. શું પ્યારું, શું પોતીકું – સઘળું ગુમાવ્યું,
    સિલકમાં જે આંસુ બચ્યાં તે નફામાં.

    …………….

  3. સુંદર ગઝલ
    મત્લા સૌથી વધુ ગમ્યો
    ભેડાઘાટના પથ્થરોય એટલા જ સુંદર
    એમને કચકડે કંડારનારની દૃષ્ટિની સુંદરતાનો એઓ ખ્યાલ આપ

    ને પથ્થરો આટલા સુંદર હોય તો એમાં બીજું કશું શોધવાનું શી જરૂર?

  4. “શું પ્યારું, શું પોતીકું – સઘળું ગુમાવ્યું,
    સિલકમાં જે આંસુ બચ્યાં તે નફામાં.”

    સુંદર ગઝલ.

  5. એમનેી સામેજ તો ઉભો હતો,
    શોધતા રહ્યા મને એ નકશામાઁ

    “ફરી એનો એ તંત ઊઠ્યો સભામાં,
    ન આરંભ-ના અંત જેનો કશામાં.”…. વાહ સુઁદર્

Leave a Reply

Your email address will not be published. Required fields are marked *