એકસાથે જે ડાળે ઝૂલ્યાં

OLYMPUS DIGITAL CAMERA
(નિષ્પ્રાણ….                                           અંદમાન, નવે, ૨૦૧૩)

*

એક સાથે જે ડાળ ઝૂલ્યાં એ આખેઆખું ઝાડ જ ગુમ ?
છતાંયે ઊઠી ન એકે બૂમ ?!

એક સાથે જ્યાં કોડીઓના ખિસ્સામાં સપનાં ભર્યાં’તાં,
લખોટીઓના ઢાળે બેસી ભેરુતાના પાઠ ભણ્યા’તા;
સંતાકૂકડી, ચલક ચલાણું, લંગડી, ખો-ખો, ઘર-ઘર, ઢગલી,
એક સાથે લઈ હાથ હાથમાં ભરી આપણે પા પા પગલી,
એ પાદર, એ વડલો, કૂવો આજ કેમ મારી ગ્યાં સૂમ ?
ગયું ક્યાં ગામ દબાવી દૂમ ?

એક સાથેનું ઘણું બધું બદલાઈ ગયું છે, હવે તો વહાલી,
હું મારા રસ્તે ચાલ્યો ને જ્યાં તું તારા રસ્તે ચાલી;
ઊંધા માથે પટકાયા છે જીવતરના સઘળા સરવાળા,
એક તણખલું, એક-એક કરતાં ગયા ઉઝડતા સઘળા માળા,
“આપણ”ના અમિયલ અભરખા થઈ ગયા અંતે ‘હમ-તુમ’,
હવે બસ, એકલતાને ચૂમ.

– વિવેક મનહર ટેલર
(૨૪-૧૧-૨૦૧૫)

*

OLYMPUS DIGITAL CAMERA
(સ્થિતિ….                                          …અંદમાન, નવે, ૨૦૧૩)

13 thoughts on “એકસાથે જે ડાળે ઝૂલ્યાં

  1. એક સાથે જે ડાળ ઝૂલ્યાં એ આખેઆખું ઝાડ જ ગુમ ?
    છતાંયે ઊઠી ન એકે બૂમ ?!

    Waahhhh

  2. adbhut….nadi ni ret ma ramtu aa nagar made na made…jevi….chhek andar sudhi sparshi jay evi anubhuti.

  3. ખુબ સુન્દર રચના…હવે બસ એકલતાને ચુમ…વાહ્.

  4. ઊંધા માથે પટકાયા છે જીવતરના સઘળા સરવાળા,
    ……..

    Nicest Post from Dr. Vivekbhai Tailor.

    With Thanks and warm regard,

    vinod

  5. Sachi vaat kahi amuk varsado dubadva j aavta hoy chhe khaas kari ne ankh ma thi varsado varsad

Comments are closed.