મને ફરીથી હસતી કર

a_rituparna sen
(હસતી કર….      …રિતુપર્ણોસેન ગુપ્તા, કોલકત્તા, ૨૦૧૫)

*

હું મારામાં ઉજડી ગઈ છું, મને મારામાં વસતી કર,
મને ફરીથી હસતી કર.

મારી આજ સાવ તૂટી ચૂકી છે ગઈકાલના ભારણથી,
વધુ નથી બચ્યું કારણમાં, એક બિસ્માર તારણથી;
ઝેરમાં જાતે મરવા પડ્યું છે, કેમ બચાશે મારણથી ?
ભીંતની જેમ જ નથી ખુલાતું શક્યતાના બારણથી,
તું જ કહી દે આંસુઓને, ચાલ, અહીંથી વસ્તી કર.
મને ફરીથી હસતી કર.

તૂટ્યું ફરી સંધાશે પાછું ? જીવ્યું ફરી જીવાશે પાછું ?
ભારઝલ્લી આ આજથી ક્યારેક હળવાફૂલ બનાશે પાછું ?
એ નાદાન, હસીન જીવનના વળાંક ભેગા થવાશે પાછું ?
‘હું’ ને ‘તું’ ના ટુકડાઓથી ‘આપણ’ ફરી રચાશે પાછું?
તારામાં જ વહી/અટકી છું, તું જ ફરી ધસમસતી કર.
મને ફરીથી હસતી કર.

– વિવેક મનહર ટેલર
(૧૯-૦૫-૨૦૧૫)

*

a_tree
(વેરાન….                                              ….રાજસ્થાન, ૨૦૧૪)

  1. MAheshchandra Naik ( Canada )’s avatar

    સરસ વાત કહી, ભુતકાળને ફરીથી ભવિષ્યકાળ નથી બનાવી શકાતો,શું કરી શકાય્?
    સરસ રજુઆત અભિનદન ડો.વિવેક્ભાઈ…….ફોટોગ્રાફસ પણ કાબિલેદાદ………

    Reply

  2. Ketan’s avatar

    This is cruel. Nicely said but I don’t see the need to spell/spread out the obvious. And why this dependency? But may be this is my take.

    Reply

  3. Chetna Bhatt’s avatar

    Wah.. mne farithi hasti kar.. 👌👌
    Ketan Bhai.. Strio ne dependant rehvu gmtu hoy chhe.. .. etle j to e stri chhe.. no doubt independent rahi sake chhe.. pn ahi to bharobhar.. fariyad ane Vedna chhe..!!

    Reply

  4. nehal’s avatar

    ‘હું’ ને ‘તું’ ના ટુકડાઓથી ‘આપણ’ ફરી રચાશે પાછું?
    તારામાં જ વહી/અટકી છું, તું જ ફરી ધસમસતી કર.

    Waah. ..

    Reply

  5. Tanvi shah’s avatar

    આહા , મસ્ત ..હ્રદય સુધિ સ્પર્શ અનુભવાયો.

    Reply

  6. neerja Parikh’s avatar

    Beautiful poem… Can it be “zer jaate marva padyu chhe” instead of “zer ma jaate?”

    Reply

  7. amisha’s avatar

    સુંદર કહેવું પડે!

    Reply

  8. વિવેક’s avatar

    @ કેતનભાઈ :

    આપ શું કહેવા માંગો છો એ સાફ સમજાયું નહીં…

    Reply

  9. વિવેક’s avatar

    @ નીરજા :

    વિચારવાયોગ્ય… મને અભિપ્રેત એ હતું કે ઝેરનું મારણ પોતે જ ઝેરમાં મરવા પડ્યું છે… પણ તેં સૂચવેલો વિકલ્પ પણ યથાર્થ છે….

    Reply

  10. સુનીલ શાહ’s avatar

    મને ફરીથી હસતી કર
    વાહ…સુંદર ગીત

    Reply

  11. મીના છેડા’s avatar

    વાહ! ખૂબ મજાનું ગીત…

    Reply

  12. lata hirani’s avatar

    હૃદયની આરપાર ઉતરી જાય એવું… read

    Reply

  13. વિવેક’s avatar

    પ્રતિભાવ આપનાર સહુ મિત્રોનો હૃદયપૂર્વક આભાર…

    Reply

Reply

Your email address will not be published. Required fields are marked *