એ તકલીફ છે…

P6042464
(રણ મહીં ખીલ્યો છું…..                    ….નુબ્રા વેલી, લદાખ, જુન-૨૦૧૩)

*

સહુ મિત્રોને દિવાળીની શુભકામનાઓ તથા નૂતન વર્ષની હાર્દિક વધાઈ….

*

સ્હેજ ખરડાયો છું એ તકલીફ છે ?
ખૂબ પંકાયો છું એ તકલીફ છે.

રણ મહીં ખીલ્યો છું એ તકલીફ છે,
સાવ વણમાંગ્યો છું એ તકલીફ છે.

હું કશું સમજ્યો નથી એવું નથી,
હું બધું સમજ્યો છું એ તકલીફ છે.

તેં ગુમાવ્યાની છે તકલીફ કે પછી,
હું બધું પામ્યો છું એ તકલીફ છે ?

ધર્મ તારો, કર્મ એનું, તે છતાં
હું જ શસ્ત્રાયો છું એ તકલીફ છે.

રાત્રે તારામાં ભળું છું, ના ગમ્યું ?
તારો પડછાયો છું એ તકલીફ છે ?

યાદ ખર્ચી ખર્ચીને જીવવા જતાં
હું જ ખર્ચાયો છું એ તકલીફ છે.

– વિવેક મનહર ટેલર
(૨૪-૦૮-૨૦૧૪)

*

IMG_1131
(ખારપાટ…..                           ….ભાવનગર હાઇ-વે, એપ્રિલ, ૨૦૧૪)

  1. nehal’s avatar

    Waah. .Sunder

    Reply

  2. Dhaval Shah’s avatar

    હું કશું સમજ્યો નથી એવું નથી,
    હું બધું સમજ્યો છું એ તકલીફ છે.

    સરસ !

    Reply

  3. neha’s avatar

    Sundar

    Taklif chhe… navi radif.. waah kavi!!

    Reply

  4. pankaj vakharia’s avatar

    one of the best gazal of Vivek Tailor.

    Reply

  5. Abdulhamid’s avatar

    વાહ્, વાહ્, શુ સુન્દર ગઝલ રચના !

    Reply

Reply

Your email address will not be published. Required fields are marked *