ઘર

house by Vivek Tailor
(એક માણસને કેટલી જમીન જોઈએ? …પહલગામ, કાશ્મીર, ૨૦૧૪)

*

પચાસ-સાંઠ વર્ષ લાંબી-પહોળી એક જમીન આપણને મળી.
(હવે લોકોએ આપણને આપી
કે આપણે જાતે એ મેળવી એ અહીં અગત્યનું નથી,
અહીં મહત્ત્વ છે જમીનનું)
આ જમીનમાં ભેગાં મળીને ઘર ઊગાડીએ
એમ
આપણે નક્કી કર્યું.
રોજ એક ઇંટ તું, એક ઇંટ હું
– એમ આપણે વાવતાં ગયાં.
થોડી જાત તું, થોડી હું એમ રેડતાં ગયાં.
તું થોડો સમય સીંચે, થોડો હું એમ નક્કી રાખ્યું.
ઘર તો સરસ મજાનું ઊગવા પણ માંડ્યું.
થોડું નિંદામણ પણ ઊગ્યું સ્તો !
ઘરની બધી દીવાલો પર જંગલી વેલી ચડી રહી હતી.
જંગલી સ્તો !
જાત રેડી રેડીને અમે અહીં ઘર ઊગાડીએ છીએ
ને તારે
વિશ્વાસના નામે સાવ મફતમાં ચડી બેસવાનું !?
પરોપજીવી સાલ્લી…
થોડું નિંદામણ તેં દૂર કર્યું, થોડું મેં
-એમ સફાઈ કરતાં ગયાં….
….હજી તો માંડ અડધી જમીન ખેડી શક્યાં છીએ.
અડધું પડધું જ ઘર હજી તો ઊગ્યું છે.
અત્યારે
આપણે બંને
ઘરની લીસ્સી દીવાલ પર
હાથ ફેરવી રહ્યાં છીએ,
પોતપોતાની તરફથી !

– વિવેક મનહર ટેલર
(૧૬-૦૭-૨૦૧૪)

*

Delhi by Vivek Tailor
(ઘર, ઘર, ઘર…                                      …દિલ્હી, ૨૦૧૪)

  1. Rachna shsh’s avatar

    Saras…rachna

    Reply

  2. nehal’s avatar

    Sunder. ..

    Reply

  3. મીના છેડા’s avatar

    આજનું અછાંદસ વાંચ્યું… વારંવાર વાંચ્યું. પહેલી નજરનો પ્રતિસાદ કહું તો અછાંદસના પ્રકારમાં એક તાજગી અનુભવાઈ.
    આમ જુઓ તો સંબંધની આ વાત સહજ સમજાઈ જાય… પણ એને જે માવજતથી મઠારી છે એ કાબિલેદાદ છે… રજુઆતની ઢબ અછાંદસની ગલીમાં એક નવા વળાંક કે નવા મકામના સ્પર્શ કરાવી ગઈ…

    Reply

  4. Chetna Bhatt’s avatar

    સરસ રચના…

    Reply

  5. Anil Chavda’s avatar

    અચ્છા હૈ વિવેકભાઈ… મજાનું અછાંદસ થયું છે.

    Reply

  6. Retd.prof.v.c.sheth’s avatar

    જિંદગીના ખેતરમાં,
    ઘર ઊગાડીયે,
    મહેનતના આસોપાલવથી,
    ઘરને સજાવીયે.

    ઘણા સમય પછી આવું સરસ અને નવલુ ગીત મળ્યુ.

    Reply

  7. chhaya’s avatar

    ઘર ઉગે , નવો વિચાર ,
    ketlo sundar !
    ane nindaaman ? nindaa to nahi ? adekhaaoni ?
    mahenat thi suwaali lisi bhit Wah

    Reply

  8. chhaya’s avatar

    શનિવારે તમારિ કવિતા નિ વાચ વા નિ ઉત્સુક્તા રહે ચ્હે

    Reply

  9. Maheshchandra Naik (Canada)’s avatar

    સરસ અછાંદસ ગીત….ઘર વિશે આપણે શું શું કરી છીએ એ આજે માણવા મળ્યુ…………………….

    Reply

  10. Dhaval Shah’s avatar

    નિંદામણને ય સાચવ્યું હોત તો ઘર જાતે આખી જમીનમાં વિસ્તરી જાત… કદાચ..

    Reply

  11. વિવેક’s avatar

    @ ધવલ શાહ:

    સાચી વાત…. કેટલાક નિંદામણ નિંદનીય નથી હોતા… ઘર પણ આખી જમીનમાં વિસ્તરી ગયું હોત અને આપણે પણ ભીંતની અલગ અલગ બાજુએ પહોંચી ગયા ન હોત….

    Reply

  12. pragnaju’s avatar

    એમ સફાઈ કરતાં ગયાં….
    ….હજી તો માંડ અડધી જમીન ખેડી શક્યાં છીએ.
    અડધું પડધું જ ઘર હજી તો ઊગ્યું છે.
    સ રસ
    હોય ક્યાંથી એમ તો જંગલ અહીં આ શ્હેરમાં ?
    કાષ્ટનો કટકો મને જંગલ ભણી લઇ જાય છે !
    સાથે ગાલીબની યાદ..તે જંગલમા ગયો.પરત આવી જુએ તો
    ઉગ રહા હૈ દરો દિવારપે સબ્જીયાં, ગાલીબ
    હમ બયાંબેમેં હૈ ઔર ઘરમેં બહાર આઈ હૈ! આનો જીન્સ શોધવો, થેલ કૈસ માથી, નાનકઙો નકામો જનેટીક કોઙ સરળતાથી જાણી શકાય જયારે આ જીન્સ કોષોમાં ઉમેરવામા આવ્યા કોષો વાતાવરણના અતિરેક જેવા કે વધુ મિઠૂં, દુકાળ, ઠંઙી, ગરમી સામે સામા્ન્ય કોષો કરતા વધૂ ટકી શકયા

    Reply

Reply

Your email address will not be published. Required fields are marked *