ખુશી

જીવનમાં જ્યારે ચૌદિશે છલકાય છે ખુશી,
આંસુ બનીને આંખથી ઉભરાય છે ખુશી.

તું આવ કે ન આવ, કહી દે કે આવશે,
જો! કેવી આ તરફ પછી વળ ખાય છે ખુશી.

વિશ્વાસ એકમાત્ર છે આધાર આપણો,
તૂટી ગયો એ જ્યારથી, સંતાય છે ખુશી.

ગાંડી ! રડી નથી પડ્યો, તું વાત મારી માન,
જોઈ તને યુગો પછી મલકાય છે ખુશી.

સરનામું જ્યારથી તું આ દિલનું ત્યજી ગઈ,
આવીને પાછી ઘરથી વળી જાય છે ખુશી.

-વિવેક મનહર ટેલર

5 comments

  1. Indian 'Aashiq'’s avatar

    ગાંડી ! રડી નથી પડ્યો, તું વાત મારી માન,
    જોઈ તને યુગો પછી ઊભરાય છે ખુશી.

    Amazing.

  2. sagarika’s avatar

    nice word,

  3. hemant vaidya’s avatar

    nice gazal, after read this gazal i thenk there no word above “KHUSHI”

  4. nilesh’s avatar

    બહુ સુન્દર રચના વિવેકભૈયા………..

  5. મીના છેડા’s avatar

    તું આવ કે ન આવ, કહી દે કે આવશે,
    જો! કેવી આ તરફ પછી વળ ખાય છે ખુશી.

    વાહ!

Comments are now closed.