ચોટ

P1012822
(પાંદડે ડાઘ…          ….ગિરા ધોધ, વઘઈ, ૧૧-૦૮-૨૦૧૨)

*

(સૉનેટ – શાર્દૂલવિક્રીડિત)
(ગાગાગા લલગા લગા લલલગા | ગાગાલગા ગાલગા)

*

“તૂટે નક્કી જ એરણે સમયની, મોતી યદિ ખોટું છે,
સોનું જો નકલી હશે, ચમક ના લાંબી ટકે”, કીધું મેં:
“એની જેમ જ આપણો પ્રણય જે સાચો નથી લાગતો,
પંજો કેમ સહી શકે, પ્રિય ! કહે, એ કારમા કાળનો?

“ખોટો સાવ હતો નહીં, પ્રિય ! છતાં સંબંધ આ આપણો,
થોડું ભાગ્ય, જરા પ્રયત્ન પણ તો ટૂંકો પડ્યો બેઉનો;
સાથે રે’વું સદા છતાંય કમને, એ દુઃખની ખાતરી,
છૂટા યોગ્ય પળે થવું, અગર હો સાચી દિલે લાગણી.

“રે’શે એ દિવસો સદા સ્મરણમાં જે જે ગયા સાથમાં,
રે’શે કાયમ ગાઢ તોય પણ જો, આ આપણી મિત્રતા;
મારો નિર્ણય આપણા હિત અને સારાઈ માટે જ છે,
માને છે તું શું, બોલ, બોલ પ્રિય, તું ! આ વાત તો યોગ્ય છે.”

કાવ્યાંતે જ્યમ ચોટ ધારી કરતું સોનેટ હો એ રીતે
આ છેલ્લી ક્ષણમાં ઊઠાવી નયનો તેં જોયું સામે અને…

– વિવેક મનહર ટેલર
(૧૭-૦૭-૨૦૧૨)

*

P1012839
(નજરોનું સોનું…          ….ગિરા ધોધ, વઘઈ, ૧૧-૦૮-૨૦૧૨)

  1. Rina’s avatar

    Beautiful….

    Reply

  2. Rajen’s avatar

    આ બહુજઆનન્દ નિ વાત , now in English I am very very proud of you . You are doing exalant job .

    Reply

  3. jjugalkishor’s avatar

    અંતનો ‘અને’ ચોટને લંબાવી દેનારો બનીને શીર્ષકને વધુ સાર્થક અને કાવ્યને વધુ રમ્ય બનાવી દે છે. ઘણા સમયે તમારા શબ્દસ્વાસો અનુભવ્યા ! આનંદ.

    Reply

  4. Rekha shukla(Chicago)’s avatar

    સદા હરિયાળિ કવિતા ને આજે ચોટ ધારી કરતું સોનેટ…..વાહ ઘનુ સુન્દર …શ્રી જુગલ કિશોર ભાઈ યે કહયુ તેમ શબ્દશ્વાસો અનુભવ્યા…!!

    Reply

  5. Dhruti Modi.’s avatar

    સરસ સોનેટ.

    Reply

  6. મીના છેડા’s avatar

    આ ચોટ… પછી એવો કોઈ શબ્દ નથી જડતો જે આના માટે આહ કે વાહ કહેવા સમક્ષ થઈ શકે… !

    આ સોનેટ નહીં ભૂલાય…

    Reply

  7. Harikrishna’s avatar

    બહુ સ્ર્સ મ્ઝાની સોનેટ ધ્ન્યવાદ ત્મોને

    Reply

  8. kartika desai’s avatar

    ચોટ્…એક ઉદગાર!! સોનેટ…હિ શબ્દ રિક્ત્!! તમે લખો એમા બે મત હોય જ નહિ!!
    આપ્નો આજ્નો દિન ખુશરન્ગ હો.

    Reply

  9. Kaushik Nakum’s avatar

    🙂

    Reply

  10. DINESH GOGARI’s avatar

    “રે’શે એ દિવસો સદા સ્મરણમાં જે જે ગયા સાથમાં,
    રે’શે કાયમ ગાઢ તોય પણ જો, આ આપણી મિત્રતા;

    Reply

  11. Darshana Bhatt’s avatar

    Chadobadhh sonnet and each word is very expressive.
    A beautiful Kavy.

    Reply

  12. Maheshchandra Naik’s avatar

    કવિશ્રી ડો. વિવેકભાઈ, સરસ સોનેટ…………
    અભિનદન……………………..

    Reply

  13. pragnaju’s avatar

    કાવ્યાંતે જ્યમ ચોટ ધારી કરતું સોનેટ હો એ રીતે
    આ છેલ્લી ક્ષણમાં ઊઠાવી નયનો તેં જોયું સામે અને…
    વાહ

    Reply

Reply

Your email address will not be published. Required fields are marked *