ખીલે બંધાઈ ગયેલી ગાયની ગઝલ


(કાયમી સહેવાસ…        …લીલો પતરંગો, ખીજડિયા, ૦૩-૦૨-૨૦૧૨)

*

કાયમી સહેવાસનો જે ભ્રમ હતો, ભાંગી ગયો,
સો ટકા વિશ્વાસનો જે ભ્રમ હતો, ભાંગી ગયો.

જે ઘડીએ વાસ્તવિક્તાઓ મને ઘેરી વળી,
શાશ્વતી અજવાસનો જે ભ્રમ હતો, ભાંગી ગયો.

એક જૂની ખીલી ડંખી સાથના ચપ્પલમાં જ્યાં,
બેયને ઉલ્લાસનો જે ભ્રમ હતો, ભાંગી ગયો.

સાતની વાત જ નથી, બસ, બે જ પગલાંની ભીતર
હું જ તારી ખાસનો જે ભ્રમ હતો, ભાંગી ગયો.

ભીંત ચારે બાજુથી એવી ધસી કે છાતીમાં
બે’ક ખુલ્લા શ્વાસનો જે ભ્રમ હતો, ભાંગી ગયો.

-વિવેક મનહર ટેલર
(૦૩-૦૪-૨૦૧૨)

*


(હમ સાથ સાથ હૈ…            ….પેલિકન, લાખોટા તળાવ પાસે, જામનગર, ૦૫-૦૨-૧૨)

  1. Rina’s avatar

    એક જૂની ખીલી ડંખી સાથના ચપ્પલમાં જ્યાં,
    બેયને ઉલ્લાસનો જે ભ્રમ હતો, ભાંગી ગયો.

    ભીંત ચારે બાજુથી એવી ધસી કે છાતીમાં
    બે’ક ખુલ્લા શ્વાસનો જે ભ્રમ હતો, ભાંગી ગયો.

    awesome

    Reply

  2. milind gadhavi’s avatar

    chello sher to jamavat thayo che.. Aapan ne ‘gaay’ kari de aevo..
    Wah..

    Reply

  3. Pancham Shukla’s avatar

    ભ્રમના ભાંગવાની ઘડીને વધાવવાની જ હોય. આખરી શેરની ભીંસ સ્પર્શી જાય છે.

    Reply

  4. સંદીપ ભાટિયા’s avatar

    ભીંત ચારે બાજુથી એવી ધસી કે છાતીમાં
    બે’ક ખુલ્લા શ્વાસનો જે ભ્રમ હતો, ભાંગી ગયો.

    ક્યા બાત હૈ…..

    Reply

  5. dilip’s avatar

    સાતની વાત જ નથી, બસ, બે જ પગલાંની ભીતર
    હું જ તારી ખાસનો જે ભ્રમ હતો, ભાંગી ગયો.
    ખૂબ જ સુંદર ગઝલ….

    Reply

  6. Anila Amin’s avatar

    ચન્દ્ર્કાંત શહે તેમના “અર્થ છે ખરો” કાવ્યમા કહ્યુ છે તેમ સાત પગલાના સખ્યમા ચૂચવેછે ચોર્યાસી
    લાખના ચક્કર–

    Reply

  7. Rekha shukla(Chicago)’s avatar

    સળવળાટ કરતી લાગણીઓ સ્પર્શી ગઈ આ છેલ્લી વાતમાં…ભીંત ચારે બાજુથી એવી ધસી કે છાતીમાં
    બે’ક ખુલ્લા શ્વાસનો જે ભ્રમ હતો, ભાંગી ગયો….એક ચીલો જ અહીં ચાલે છે..તમે થ્ંભી જાવ કે થાકી જાવ..!!

    Reply

  8. મીના છેડા’s avatar

    કાયમી સહેવાસનો જે ભ્રમ હતો, ભાંગી ગયો,
    સો ટકા વિશ્વાસનો જે ભ્રમ હતો, ભાંગી ગયો.

    જે ઘડીએ વાસ્તવિક્તાઓ મને ઘેરી વળી,
    શાશ્વતી અજવાસનો જે ભ્રમ હતો, ભાંગી ગયો.

    કોઈ એક સમી સાંજે જિંદગીની એક ક્ષણ આ ભ્રમને સમક્ષ કરે પણ પછીય જો આ ભ્રમને જિંદગી માની ચાલે એવી વાસ્તવિકતાના અજવાસ કરતાં લાખ અંધારા ભલા !

    સાતની વાત જ નથી, બસ, બે જ પગલાંની ભીતર
    હું જ તારી ખાસનો જે ભ્રમ હતો, ભાંગી ગયો.

    અહીં ‘બે જ પગલાંની ભીતર’ સચોટ આપે છે…
    જે વિચાર -( હું જ તારી ખાસ) જિંદગીનાં શ્વાસ બની ગયા હોય એ ભ્રમ સાબિત થાય ત્યારે જે દુઃખ સ્પર્શે એને આટલા ઓછાં શબ્દોમાં કહી જવું … એ હાર્દ લાગ્યું.

    ભીંત ચારે બાજુથી એવી ધસી કે છાતીમાં
    બે’ક ખુલ્લા શ્વાસનો જે ભ્રમ હતો, ભાંગી ગયો

    ખીલે બંધાઈ ગયેલી ગાય – એક ખયાલને લઈને લખાયેલી આખી ગઝલ… એ ખયાલને ન માત્ર સ્પષ્ટ કરે છે પણ એ ખયાલ પર વિચાર કરવા મજબૂર પણ કરે છે… અહીંથી તરત હટી જવું શક્ય નથી…

    આયાસ – અનાયાસ જે પણ હોય પણ સરસ જ !

    Reply

  9. kirtkant purohit’s avatar

    ભીંત ચારે બાજુથી એવી ધસી કે છાતીમાં
    બે’ક ખુલ્લા શ્વાસનો જે ભ્રમ હતો, ભાંગી ગયો.

    અનોખી રીતે સ્પર્શી જતી ગઝલ.

    Reply

  10. મુકુન્દ દેસાઇ ''મદદ''’s avatar

    સુન્દર

    Reply

  11. Darshana bhatt’s avatar

    ૃVery touchy.bhram bhangava chata bandhai rahevanu dukh j chat ini bhis vadhare che.

    Reply

  12. Bhula Bhai’s avatar

    In This kavita It Talks About Reality, Of Course It Is when Love Become expectation , I Get In Lot Of Truble.
    Few Of us Were Lucky That we Married Through Arrange Marriage, Atleast We Can Be Be Off The Hook Certain Time……
    It Is Give And Take And Be Realistic ,

    Reply

  13. સુનીલ શાહ’s avatar

    શાશ્વતી અજવાસનો, ખુલ્લા શ્વાસનો ભ્રમ ભાગવાની વાત ગમી–સ્પર્શી ગઈ.

    Reply

  14. gaurang jani’s avatar

    જોરદાર છાતી ભિ સાવાનો ભા થયો

    Reply

  15. pragnaju’s avatar

    સ રસ
    ગઝલના આ શેર
    કાયમી સહેવાસનો જે ભ્રમ હતો, ભાંગી ગયો,
    સો ટકા વિશ્વાસનો જે ભ્રમ હતો, ભાંગી ગયો.
    વાહ્
    સુખ કે આનંદના ભ્રમથી જે અનુભવાતું હતુ તે ભ્રામક હતું
    તો તે ભ્રમ છુટી ગયો તો જે સુખ કે આનંદ ગયો તે પણ
    ભ્રામક સુખ કે ભ્રામક આનંદ જ ગયોને?
    વાસ્તવિકતામાં તો તેવું સુખ કે આનંદ હતો જ નહીં.
    ભ્રમ છે એમ સમજાઈ જાય પછી તેમાં મમત્વ રહે જ નહીં
    જે ઘડીએ વાસ્તવિક્તાઓ મને ઘેરી વળી,
    શાશ્વતી અજવાસનો જે ભ્રમ હતો, ભાંગી ગયો
    માણસના જીવનને તણખલાની સાથે સરખાવતા ફિલસૂફે મોટા મેદાનમાં પ્રવેશ કર્યો, ત્યાં જ તેનો ભ્રમ ભાંગી ગયો. મેદાન આખું લીલા ઘાસથી ઢંકાઈ ગયું હતું, ને તેના પર ચરનારાં અસંખ્ય ઢોર શાંતિથી ફરી રહ્યાં હતાં. જે તૃણને તે તુચ્છ માનતો હતો, તે કેટલાય પશુનું તૃપ્તિનું કારણ બનતું હતું.
    યાદ્
    અંજાઈ આંખ એનું વદન જોઈ ના શકી
    એવો બધે ઉજાસ હતો, પણ ગજબ હતો

    સઘળાને એનો ભ્રમ હતો જોતા રહી ગયા
    એ નો’તો જાણે ભાસ હતો, પણ ગજબ હતો

    Reply

  16. ડૉ.મહેશ રાવલ’s avatar

    એક સ્પષ્ટ અને એટલી જ સ્વચ્છ ‘ઉઘાડ’ જેવી ઝળહળિત ગઝલ…વાહ વિવેકભાઇ…બહુજ ગમી ગઝલ.
    જય હો…!

    Reply

  17. yogesh vaidya’s avatar

    Done justice with subject.
    A good GAZAL.
    Keep it up Vivekbhai!!!!

    Reply

  18. Gajendra. Choksi’s avatar

    વિવેક્ભાઈ જે લખે છે તે હ્યદય વલોવી નાંખે તેવું લખે છે.
    શબ્દો નથી કહેવાના. બસ એટલું જ કહી શકાય કે વાહ ભાઈ વાહ !!

    Reply

  19. kishore shah’s avatar

    કદચ આ ગઝલ વન્ચિ ને સમજ સુધર્વ નો પ્રયત્ન કરે એવિ સરસ ગઝલ ચ્હે.

    Reply

  20. Vineshchandra Chhotai’s avatar

    વોન્દેર્ફુલ્લ ;not wonderfull realy wonderfull ;liked it ,plvery nice wording

    Reply

  21. shaila Munshaw’s avatar

    “સીંચીને હૈયાનુ અમૃત
    કર્યું મજબુત ઉપવન
    પડ્યો દુકાળ લાગણીનો ને
    પળમા થયું નષ્ટ ઉપવન

    શીદ બાંધવા ઘર રેતના
    ને શીદ રાખવી આશ
    નિજની જિંદગી જીવવાનો
    સહુને અધિકાર”
    વિવેક ભાઈ કદાચ મારા કાવ્યની આ પંક્તિ તમારી વ્યથા નો જવાબ હોઈ શકે. શીદ બાંધવા રેતના ઘર જે કાયમી સહવાસ ના ભ્રમ ને ભાંગી નાખે.
    કાયમી સહેવાસનો જે ભ્રમ હતો, ભાંગી ગયો,
    સો ટકા વિશ્વાસનો જે ભ્રમ હતો, ભાંગી ગયો.

    Reply

  22. Anil Chavda’s avatar

    વિશ્વાસનો જે ભ્રમ હતો, ભાંગી ગયો.
    શ્વાસનો જે ભ્રમ હતો, ભાંગી ગયો.

    🙂

    Reply

  23. Heena Parekh’s avatar

    ગઝલના તમામ શેર સરસ છે પણ્.
    સાતની વાત જ નથી, બસ, બે જ પગલાંની ભીતર
    હું જ તારી ખાસનો જે ભ્રમ હતો, ભાંગી ગયો….આ શેર વધુ ગમ્યો.

    Reply

  24. Daxesh Contractor’s avatar

    એક જૂની ખીલી ડંખી સાથના ચપ્પલમાં જ્યાં,
    બેયને ઉલ્લાસનો જે ભ્રમ હતો, ભાંગી ગયો.
    વાહ … મજાની ગઝલ …મત્લા, મક્તા બંને સરસ.

    Reply

  25. Rahila Imrankhan’s avatar

    Hello milind ji, tamane 1 var junagadh ma sambhdela, khoob maja aveli… tamaru lakhan khoob sundar ane hriday sparshee chhe, kaymi avu j lakhata rahejo…
    khoob khoob subhechchha..

    Reply

Reply

Your email address will not be published. Required fields are marked *