તસ્બી ગઝલ (તર્કની દુનિયા વસાવી લીધી છે)


(નવો સંપર્ક….                             …પેઇન્ટેડ સ્ટૉર્કસ, ખીજડિયા, ફેબ્રુ, 12)

*

સ્વર્ગમાં તેં નર્કની દુનિયા વસાવી લીધી છે,
મેંય મારી તર્કની દુનિયા વસાવી લીધી છે.

જૂના સરનામે નહીં પણ જૂનાં સ્મરણોને પૂછો –
મેં નવા સંપર્કની દુનિયા વસાવી લીધી છે.

હું હવે બરબાદીની ત્સુનામીથી ડરતો નથી,
લાખ બેડા ગર્કની દુનિયા વસાવી લીધી છે.

ભૂલી જઈને કર્મબોધ આ દુનિયાએ રગરગ મહીં,
અર્ક નામે કર્કની દુનિયા વસાવી લીધી છે.

અંતની ચિંતા શી ? એક ભાષાએ જ્યાં બીજાની સંગ
આપ-લેના અર્કની દુનિયા વસાવી લીધી છે.

શૂળી, ગોળી, ઝેર કંઈપણ આપ તું, પણ મેં હવે
નહિ પડે કંઈ ફર્કની દુનિયા વસાવી લીધી છે.

નહિ પડે કંઈ ફર્કની દુનિયા વસાવી લીધી છે
સ્વર્ગમાં મેં નર્કની દુનિયા વસાવી લીધી છે.

-વિવેક મનહર ટેલર
(૦૪-૦૪-૨૦૧૨)

*


(ઊડાન……..                              ….સિગલ, જામનગર, ફેબ્રુ,12)

22 comments

  1. Rina’s avatar

    શૂળી, ગોળી, ઝેર કંઈપણ આપ તું, પણ મેં હવે
    નહિ પડે કંઈ ફર્કની દુનિયા વસાવી લીધી છે.

    નહિ પડે કંઈ ફર્કની દુનિયા વસાવી લીધી છે
    સ્વર્ગમાં મેં નર્કની દુનિયા વસાવી લીધી છે….વાહ….

  2. Rekha shukla(Chicago)’s avatar

    શૂળી, ગોળી, ઝેર કંઈપણ આપ તું, પણ મેં હવે
    નહિ પડે કંઈ ફર્કની દુનિયા વસાવી લીધી છે…

    આવી નવી દુનિયા નર્કની સ્વર્ગમાં ડોક્ટર સાહેબે કેમ વસાવી લીધી છે? મરીજો નો ઈલાજ કોણ કરશે?

  3. Kirtikant Purohit’s avatar

    નવીન કાફિયા સાથે સરસ ગઝલ.

  4. pragnaju’s avatar

    મસ્ત ગઝલ
    જૂના સરનામે નહીં પણ જૂનાં સ્મરણોને પૂછો –
    મેં નવા સંપર્કની દુનિયા વસાવી લીધી છે.
    ત્યારે શું ?
    પ્રેમ નહીં ફરેબ હતો એ, દિલમાં એના જગ્યા જ નહોતી,
    દુનિયા વસાવી લીધી એણે, તારી જરૂરત એને નહોતી !

    અંતની ચિંતા શી ? એક ભાષાએ જ્યાં બીજાની સંગ
    આપ-લેના અર્કની દુનિયા વસાવી લીધી છે.
    ખૂબ સ રસ વાહ્

    તમને પૂછવાનો સમય પણ ના રહ્યો અને
    તમારી દોસ્તીમાં અમે દુનિયા વસાવી લીધી…

    સ્વર્ગમાં તેં નર્કની દુનિયા વસાવી લીધી છે,
    મેંય મારી તર્કની દુનિયા વસાવી લીધી છે.
    અમૃતા પ્રીતમની કવિતામાં
    પ્રેમને માટે નવી દુનિયા વસાવવાની વાત વારંવાર આવે છે.
    પછી વર્ષોના મોહ ને-
    એક ઝેરની જેમ પીને
    એણે કંપતા હાથે મારો હાથ પકડ્યો
    ચાલ ! ક્ષણોના માથા પર એક છત બાંધીએ

  5. p. p. mankad’s avatar

    Very touchy gazal, indeed.

  6. અનિલ ભટ્ટ’s avatar

    અતિ સુંદર રચના .

  7. અમિત પટેલ’s avatar

    વાહ!
    અંતની ચિંતા શી ? એક ભાષાએ જ્યાં બીજાની સંગ
    આપ-લેના અર્કની દુનિયા વસાવી લીધી છે.

  8. bhavesh doshi’s avatar

    વાહ્……અતિ સુન્દર રચના

  9. Jyoti’s avatar

    ખુબજ સરસ ગજલ દિલ મા ઉતરી ગઇ.

  10. Pancham Shukla’s avatar

    ગઝલમાં મઝા આવી. ફોટોગ્રાફ જોઈને રાજીનો રેડ.

  11. Dr Niraj Mehta’s avatar

    વાહ તસ્બી
    વાહ કાફિયા

  12. sujata’s avatar

    ભૂલી જઈને કર્મબોધ આ દુનિયાએ રગરગ મહીં,
    અર્ક નામે કર્કની દુનિયા વસાવી લીધી છે………….speechless…

  13. mukundrai Joshi’s avatar

    સરસ રચના

  14. Vineshchandra Chhotai’s avatar

    wonderfull;;;;;;;;;;;WITH PREM N OM; ll knitting of words ; u deserve it ; U will get ;

  15. pami66’s avatar

    બહુ સરસ ગઝલ લખી છે.

    જે ભાળ્યું તેનું શબ્દસહ વર્ણન્.

    જે અનુભવ્યું તેનું આલેખન્

    જે હકિકત છે તેનું ચિત્રણ્

    visit

    http://www.pravinash.wordpress.com

  16. sagar mehta’s avatar

    મજા પડી ગઇ

  17. gaurang jani’s avatar

    સુન્દર બહુ મજા આવિ

  18. Chandresh Desai’s avatar

    વિવેક

    સુંદર ગઝલ, ખાસ કરીને
    … જૂના સરનામે નહીં પણ જૂનાં સ્મરણોને પૂછો –
    મેં નવા સંપર્કની દુનિયા વસાવી લીધી છે. …

    નીચે ની કડી માં “કર્ક” ખબર ના પડી …
    … ભૂલી જઈને કર્મબોધ આ દુનિયાએ રગરગ મહીં,
    અર્ક નામે કર્કની દુનિયા વસાવી લીધી છે…

  19. Anil Chavda’s avatar

    વાહ મજાની ગઝલ…

  20. Heena Parekh’s avatar

    બધા શેર ગમ્યા. સરસ ગઝલ.

  21. Sudhir Patel’s avatar

    અઘરા કફિયાને સમરસ કરતી સુંદર ગઝલ!
    સુધીર પટેલ.

  22. indushah’s avatar

    બધા જ શેર સુંદર છે .

Comments are now closed.