શ્વાસોના ટાંકણાથી…


(બ્લૉગવિશ્વમાં ફરી ડોકિયું….               ….કાચિંડો, મે-૨૦૦૭)

શ્વાસોના ટાંકણાથી ભીતર ના ખોતરાયું,
રહી રહીને પાછા ફરવું એથી સિરે લખાયું.

મારું જ મારી સાથે વર્તન છે ઓરમાયું-
આ આટલા વરસમાં ખુદને ન ઓળખાયું ?

તારું સ્મરણ તો ઊંડે, ઊંડે દીધું’તું દાટી,
ગઝલોનું થઈને જંગલ રૂંવે-રૂંવે શું છાયું?

આખું જીવન આ મારું જીવાયું એ રીતે,બસ-
મારે જવું હતું ક્યાં ને ક્યાં જઈ ચડાયું?

આંસુથી ‘દઈ વિદાય જ પાછાં વળો’ એ ન્યાયે,
આંખોના પાદરેથી પાછાં વળી જવાયું.

યાયાવરોને જોવા સરવર લગી ગયા સૌ,
આવી ગયા સમૂળગા, સ-મૂળગું અવાયું?

પાંખો કપાયેલી લઈ સરતા આ શ્વાસ સામે,
હર ક્ષણ ઝઝૂમવાનું, હર કોઈ છે જટાયુ.

-વિવેક મનહર ટેલર

લગભગ બે મહિના લાંબી રજા ભોગવીને આજે ફરી પોતાના ઘરે પાછો ફરી રહ્યો છું. ધાર્યું હતું કે આ અનિશ્ચિત આરામના અવધિમાં મારી જાતને ભીતરથી ખોતરીશ. મારી ગઝલોમાં જે હજી ખૂટે છે એને શોધવાની અને સુધારવાની કોશિશ કરીશ. નવી ગઝલની આબોહવા સમજવાનો અને શ્વસવાનો યત્ન કરીશ. આજે બે મહિનાના અંતે લાગે છે કે આમાનું કદાચ કશું થઈ શક્યું નથી. મારી જાતને ઓળખવાનું કે મારા સરનામે મારાથી પહોંચવાનું- કશું શક્ય બન્યું નથી. એટલે આ શોધ જારી રહેશે અને સમયની પગદંડી પર ક્યારેક મને મારા ઈચ્છેલા પગલાંની છાપ મળી જશે એવી આશામાં કપાયેલી પાંખ લઈને આ સફર પુનઃ આદરી રહ્યો છું ત્યારે આ સમયગાળામાં મારી “ખબર” લેતા રહેલા આપ્તજનોને કહેવા માટે ગળામાં એક લાગણીભર્યા ડૂમા સિવાય બીજું કાંઈ નથી. આ પ્રદીર્ઘગાળામાં પણ આ એક શ્વાસ કદાચ ભીતર કશું ખોતરી શક્યો નથી, એટલે જ એના નસીબમાં સતત પાછા આવતા રહેવાનું લખાયું હશે ને ! તો લો, આ આવ્યો પાછો…. મળતા રહીશું, ફરીથી શબ્દના રસ્તે… (હવેથી માત્ર દર શનિવારે, નવી અથવા જૂની કાવ્યકૃતિ સાથે!)

34 comments

  1. S.V.’s avatar

    Welcome back my friend. To me your ghazals remind me of Robert Chapman’s quotation: “A quotation, like a pun, should come unsought, and then be welcomed only for some propriety of felicity justifying the intrusion.”


    s. vaidya (SV)

  2. Jayshree’s avatar

    વ્હાલા મિત્ર,
    ભલે પધાર્યા…. 🙂

    સરસ ગઝલ લઇને આવ્યા છો, ( as usual ).

    મને આ બે શેર સૌથી વધુ ગમ્યા…

    મારું જ મારી સાથે વર્તન છે ઓરમાયું-
    આ આટલા વરસમાં ખુદને ન ઓળખાયું ?

    આખું જીવન આ મારું જીવાયું એ રીતે,બસ-
    મારે જવું હતું ક્યાં ને ક્યાં જઈ ચડાયું?

    પણ મને આ શેર જરા ઉપ્પરથી ગયો, હોં 😀

    યાયાવરોને જોવા સરવર લગી ગયા સૌ,
    આવી ગયા સમૂળગા, સ-મૂળગું અવાયું?

  3. Radhika’s avatar

    welcome back Dost,! ! ! 😀

    Good starting,

    i like this one mooooooooooooost
    & yes also your new Face in this photograph (બ્લૉગવિશ્વમાં ફરી ડોકિયું) 😀

    Very nice shoot,

  4. મીના છેડા’s avatar

    મારા મિત્ર વિવેક,

    અહીં તારી ગેરહાજરીના દિવસોમાં પણ તું હાજર હતો..

    તું આવ્યો છે ફરી અધૂરી ઊડાન સાથે.. તને તારી શોધમાં સફળતા મળે એવી ઈચ્છા ….

    વાત આ ગઝલની કરું તો… ના.. કોઈ એક કે બે શેરને અલગ નથી કરી શકી. પરંતુ જીવનના મર્મમાં કેટલું ઊંડાણ છે એ માપ માટે મમળાવવા જેવી ગઝલ લાગી.

    અભિનંદન સાથે સ્નેહસાભાર

  5. sagarika’s avatar

    very nice gazal, good start after alpviram.

  6. bimal’s avatar

    wel come back…………….sir

    sundar gazal……

  7. જાગૃતિ વાલાણી’s avatar

    સુંદર ગઝલ વિવેકભાઈ.. આવી જ સુંદર ગઝલો લખતાં રહો

  8. sujata’s avatar

    tamari sodh kyare poori thaase nathi janta tamara aagman thi amari sodh poori thai……..welcome back…….Vivekbhai

  9. પંચમ શુક્લ’s avatar

    પાંખો કપાયેલી લઈ સરતા આ શ્વાસ સામે,
    હર ક્ષણ ઝઝૂમવાનું, હર કોઈ છે જટાયુ.

    વિવેકભાઇ

    શ્વાસથી જાત ખોતરતાં જટાયુનું બ્લૉગવિશ્વમાં પુનહઃ આગમન પચરંગી બ્લૉગ જગતનાં ભેળસેળિયા રંગો વચ્ચે એક નવો અને ચોખ્ખો રંગ સમજવામાં ચોક્કસ મદદરરૂપ થશે.

    ૦૭/૦૭/૦૭ નું આગમન ભાવકોને તરબતર કરનારું નીવડો.

  10. સુનીલ શાહ’s avatar

    શ્વાસોના ટાંકણાથી ભીતર ના ખોતરાયું,
    રહી રહીને પાછા ફરવું એથી સિરે લખાયું.

    ભાઈ, શબ્દો તમારા શ્વાસ છે, જે અમારા જેવા વાચકો–ચાહકોને અનહદ આનંદ આપે છે..જીવનનું સત્ય સમજાવે છે..તેનાથી ભીતરને તે કદી ખોતરાય?તે તો પ્રાણ છે, જે હ્દયને ભીતરથી ઝંઝોળે છે, શુધ્ધ કરે છે.એવો અફસોસ શા માટે કે, જવું હતું ક્યાં ને જઈ ક્યાં ચડાયું…?
    સુંદર રચના સાથૈ પાછા ફર્યા ..સ્વાગત છે.પણ એક સુધારો કરજો..‘દર શનિવારે માત્ર નવી રચના સાથે’

  11. dhaval’s avatar

    આખું જીવન આ મારું જીવાયું એ રીતે,બસ-
    મારે જવું હતું ક્યાં ને ક્યાં જઈ ચડાયું?

    – સરસ !

  12. paresh’s avatar

    wow sir
    second innging start so nice pls cond…..

  13. hemantpunekar’s avatar

    Dear vivekbhai,

    welcome!
    sundar gazal gazal laine aavyaa.

    paN aa sher ni to vaat j kai or chhe.

    પાંખો કપાયેલી લઈ સરતા આ શ્વાસ સામે,
    હર ક્ષણ ઝઝૂમવાનું, હર કોઈ છે જટાયુ.

    aa j rite rasapaan karaavataa rahejo.

  14. Chetan Framewala’s avatar

    વિવેકભાઈ,
    વેલકમ બેક,

    તારું સ્મરણ તો ઊંડે, ઊંડે દીધું’તું દાટી,
    ગઝલોનું થઈને જંગલ રૂંવે-રૂંવે શું છાયું?

    શ્વાસોના ટાંકણાથી ભીતર ના ખોતરાયું,
    રહી રહીને પાછા ફરવું એથી સિરે લખાયું.

    પાંખો કપાયેલી લઈ સરતા આ શ્વાસ સામે,
    હર ક્ષણ ઝઝૂમવાનું, હર કોઈ છે જટાયુ.

    ખુબ સુંદર ….

    જય ગુર્જરી,
    ચેતન ફ્રેમવાલા

  15. ઊર્મિ’s avatar

    પ્રિય મિત્ર વિવેક…

    Welcome back…!!

    તમારું પુનરાગમન ગમ્યું… અને ઘણું જ ગમ્યું!!
    તમારું વેકેશન જલ્દી ખતમ કરવા બદલ આભાર હોં…!! 🙂

    તમને તમારી પાંખો ભલે કપાયેલી લાગે પરંતુ અમને પાંખો વિનાના માટે તો એ ય અમૂલ્ય જ છે હોં…!!

    શ્વાસોના ટાંકણાથી ભીતર ના ખોતરાયું,
    રહી રહીને પાછા ફરવું એથી સિરે લખાયું.

    તારું સ્મરણ તો ઊંડે, ઊંડે દીધું’તું દાટી,
    ગઝલોનું થઈને જંગલ રૂંવે-રૂંવે શું છાયું?

    પાંખો કપાયેલી લઈ સરતા આ શ્વાસ સામે,
    હર ક્ષણ ઝઝૂમવાનું, હર કોઈ છે જટાયુ.

    આમ તો આખી ગઝલ જ સરસ છે, પણ આ શેરો જરા વધુ ગમી ગયાં!

  16. DILIPKUMAR K.BHATT’s avatar

    Mane a samjatu nathi k tame jungaloma atwaya chho k gazaloma ? Kharekhar to gazalona jungalo tamarama ugya kare chhe j vakhtovakhat vanchava male chhe.khub khub abhar.Thanks.

  17. Harnish Jani’s avatar

    I was not getting your and UrmiSagar’s blogs–And I thought I have a compiter problem–Good Gazal-keep it up

  18. KAVI’s avatar

    Dear Vivek
    nice to read u. i always enjoy reading the difference within u
    keep it up

  19. Vishwadeep’s avatar

    મારું જ મારી સાથે વર્તન છે ઓરમાયું-
    આ આટલા વરસમાં ખુદને ન ઓળખાયું ?

    વાહ! મને આ ગઝલનો આ શે’ર બહુજ રમણિય લાગ્યો!
    આખી ગઝલ સું દર છે.

  20. સુરેશ જાની’s avatar

    મારું જ મારી સાથે વર્તન છે ઓરમાયું-
    આ આટલા વરસમાં ખુદને ન ઓળખાયું ?

    બહુ જ સરસ અને સાવ સાચી વાત. પોતાને જ આપણે ઓળખતા નથી તો અન્યને તો ક્યાંથી ઓળખીએ? મને બહુ જ ગમતો વિષય. એ માટે પહેલાં બધું શીખેલું ભૂલી જવું પડે. અને એ જ સૌથી અઘરી વાત છે. વાંચો –
    http://antarnivani.wordpress.com/2007/06/01/abhan_thavanu/

  21. Hetal’s avatar

    Dear Vivekbhai.

    very good peom. This poem is also tells mine story

  22. vatsal’s avatar

    can i have your personal e-mail id?

  23. nilamhdoshi’s avatar

    હર ક્ષણ ઝઝૂમવાનું, હર કોઇ છે જટાયુ..
    ખૂબ સુંદર.

    ખૂબ સરસ.

    ફરી એકવાર આ યાત્રા ચાલુ કરવા બદલ અભિનન્દન્

  24. Rajiv’s avatar

    Welcome back… Dr. Vivek
    The Gazal is good as always…!

  25. Narendra Chauahan’s avatar

    Dear Vivekbhai,
    kem chho?
    …ghanaa diwaso pachhee ghazalo no aaswaad karaavyo! as usual the ghazal is up to the mark which makes us to read again and understand what you try to say!it will take time!

    i like the quotation (from someone), “”your absence should be long enough so that somebody misses you…. but it should not be long that someone learns to live without you…”. truly well said, who ever has said!!

    silsilO chaalu rakhjO1
    …aavjO!
    ..sasneh,
    ..Narendra

  26. Anita Navadiya’s avatar

    Nice……………….words are close to heart

  27. Harish Dave’s avatar

    No one can be away … You will continue your journey that never ends. Your pen will never stop. …. Harish Dave Ahmedabad

  28. Mukesh’s avatar

    શ્વાસોના ટાંકણાથી ભીતર ના ખોતરાયું,
    રહી રહીને પાછા ફરવું એથી સિરે લખાયું.

    મારું જ મારી સાથે વર્તન છે ઓરમાયું-
    આ આટલા વરસમાં ખુદને ન ઓળખાયું ?

    Very Nice…….

  29. Hozefa Dahod’s avatar

    A wonderful & as well a shocking experince, wonderful becoz, we cant describe the beauty of this gazal in wrds, i just got stood & fell into depth of the poem, Shocking Becoz of the writer name , the Person whom i used to meet in a different manner ( I As Medical Rep & He As a Doctor), have one another part of his life , on one hand helping in saving life of a person, on other hand such an immense writer, who plays with word very well ,
    Excellent Sir…….!
    Keep continue wid more ……………!

  30. Madhubhai Kapadia’s avatar

    You might not have heard such a Negative comment but it contains deep positivenes.
    “BHAYANKAR SUNDAR GAZAL’

  31. ANITA’s avatar

    બસ આમ જ ચાલતા રહો..

  32. rahul’s avatar

    hi i am rahul

  33. dhaval Navaneet’s avatar

    Vivekbhai,
    apnu agman amaro swash chhe .have nahi lo vidai tevo vishwash chhe.
    apani rachana o no ashwad chhe atale baki jindgi ni zanzavat no kya koi avkash chhe.

    khub khub abhar

  34. Rina’s avatar

    આખું જીવન આ મારું જીવાયું એ રીતે,બસ-
    મારે જવું હતું ક્યાં ને ક્યાં જઈ ચડાયું?

    પાંખો કપાયેલી લઈ સરતા આ શ્વાસ સામે,
    હર ક્ષણ ઝઝૂમવાનું, હર કોઈ છે જટાયુ.
    Awesome

Comments are now closed.