ઝાકળ


(…સાંભળ્યું છે ક્યારનો બંધાય છે રસ્તો…   સરખેજરોજા, અમદાવાદ)

રાત રડતી અને સરે ઝાકળ,
પુષ્પની આંખથી વહે ઝાકળ.

ઘાસને પાપ લાગે નૃસ્પર્શે,
રોજ એ ધોઈને હરે ઝાકળ.

તો ઉષા બળતી હોત ભડકે પણ,
ઠારવા સૂર્યને બળે ઝાકળ.

દર્દ હો કે ખુશી જીવનની હો,
બેયમાં આંખમાં તરે ઝાકળ.

એક સ્થળે ભેજ જો ભીતરનો ઠરે,
એ હવા ! તો જ એ બને ઝાકળ.

બાથમાં આખું નભ સમાવે, ને
પુષ્પના પાંદમાં રહે ઝાકળ.

હું તો શું ? કાવ્ય પણ ભીંજાયા છે,
મન-વિચારોને જો અડે ઝાકળ.

-વિવેક મનહર ટેલર

૦૯-૧૨-૧૯૮૮ના રોજ લખાયેલી આ ગઝલ મારી પંદર વર્ષની શીતનિદ્રા પૂર્વેનો દસ્તાવેજ હોવા ઉપરાંત છંદની ગલીઓમાં ભટકવાના કુછંદે ચડ્યો એ શરૂઆતના ફાકા-મસ્તીના દિવસોની ભીની યાદ પણ સંગોપીને બેઠી હોવાથી મને ઘણી ગમે છે. આ બ્લૉગ પર આપ અગાઉ એને માણી ચૂક્યા છો. એ વખતે રહી ગયેલા કાફિયા-દોષને ક્ષમતાનુસાર નિવાર્યા છે. એક શેર પણ નવો ઉમેર્યો છે અને ટાઈપીંગની ભૂલને લીધે ખોટો છપાયેલો અને ધ્યાન-બહાર રહી ગયેલો શેર (પુષ્પના પાંદમાં રહે ઝાકળ) પણ ફરીથી મઠાર્યો છે.

22 thoughts on “ઝાકળ

  1. ઘાસને પાપ લાગે નૃસ્પર્શે,
    રોજ એ ધોઈને હરે ઝાકળ.

    તો ઉષા બળતી હોત ભડકે પણ,
    ઠારવા સૂર્યને બળે ઝાકળ.

    વિવેક્ભાઈ,
    બહોત અચ્છે…

    બેવફાનાં દર્દ તો હરદમ છે, ઝાકળ!
    ફૂલ કેરા ઘાવ પર મરહમ છે ઝાકળ.
    પ્રેમ પ્યાસો; ને કશે વાદળ ના વરશે,
    પ્રેમી દિલનાં અશ્રુઓમાં નમ છે ઝાકળ.

    જય ગુર્જરી.

    ચેતન ફ્રેમવાલા.

  2. આમ તો આ આખી ગઝલ જ ખુબ જ સુદર છે પણ
    સૌથી સરસ છે એની શરુઆત

    રાત રડતી અને સરે ઝાકળ,
    પુષ્પની આંખથી વહે ઝાકળ.

    ખુબ સરસ

  3. એક સ્થળે ભેજ જો ભીતરનો ઠરે,
    એ હવા ! તો જ એ બને ઝાકળ.

    બાથમાં આખું નભ સમાવે, ને
    પુષ્પના પાંદમાં રહે ઝાકળ.

    હું તો શું ? કાવ્ય પણ ભીંજાયા છે,
    મન-વિચારોને જો અડે ઝાકળ.

    Sundar Gazal ! I love it.

  4. Vivekbhai,
    Hu ek engineer chu etle mara be shabdo kahish.

    Aava ketlay Zakal ne Suraj no Rasto,
    Pachi man bhari ne varse Vadal

    (Maru manvu che ke Suraj ne raste aa Zakal , Vadla ne jai ne male che 🙂

  5. દર્દ હો કે ખુશી જીવનની હો,
    બેયમાં આંખમાં તરે ઝાકળ.

    Very good…!

  6. very nice poem & and very good this one બાથમાં આખું નભ સમાવે, ને
    પુષ્પના પાંદમાં રહે ઝાકળ.

  7. Waah!!!!
    Bahut achee..
    I enjoy it thoroughly….JANE SHANT PANI MA KANKRI NAKHI
    KEVI HALCHAL MACHAVI DIDHI. GHANA VAKHAT BAAD AA TARANGO JAGYA

    NAHI TO AHI NI MASHIN JEVI JINGI MA KYA CHE JANKAL AHI TO CHE BADHU SANKAL J SANKAL.

    MEENA

  8. Respected Sir,
    Really Nice Gazal….
    રાત રડતી અને સરે ઝાકળ,
    પુષ્પની આંખથી વહે ઝાકળ.

    Vivek Ni
    Kalam Fare Ne Jane
    Shanda Rupi Haiyu Rade…

    Good One Sir…Keep it up….

    Ajay “Dhadkan”

  9. shu saras lakhyu che tame..

    હું તો શું ? કાવ્ય પણ ભીંજાયા છે,
    મન-વિચારોને જો અડે ઝાકળ.

    really after reading this one.. kavya pan bhijay etlu zakal che…

    excellent, keep it up sir.

    Kinjal

  10. ઘાસને પાપ લાગે નૃસ્પર્શે,
    રોજ એ ધોઈને હરે ઝાકળ.

    વાહ વાહ મજા આવી ગઇ,
    આવું સરસ લખતા રહો, તમને વાંચવાથી અમે આનંદ અનુભવીએ છીએ…

    ઝાકળ

  11. રાત રડતી અને સરે ઝાકળ,
    પુષ્પની આંખથી વહે ઝાકળ.

    ઘાસને પાપ લાગે નૃસ્પર્શે,
    રોજ એ ધોઈને હરે ઝાકળ.

    ખુબ સુન્દર આ ઝાકળ નું વર્ણન ને સરખામણી..!!

  12. બાથમાં આખું નભ સમાવે, ને
    પુષ્પના પાંદમાં રહે ઝાકળ.
    -વિવેક મનહર ટેલર- waah sir..

Leave a Reply

Your email address will not be published. Required fields are marked *