આમ અધવચ્ચે હું થાકી ના શકું


(સૂર્યોદય…                                    …ભરતપુર, 05-12-2006)

*

છું સૂરજ પણ રાતને ઊગતી તો દાબી ના શકું,
છો રમત મનગમતી હો, કંઈ રોજ ફાવી ના શકું.

ઈચ્છું છું જે કંઈ હું એ સઘળું તો તું દઈ ના શકે,
હું ય જે ઈચ્છું છું એ સઘળું તો માંગી ના શકું.

લાખ ઈચ્છા થાય તો પણ ચાલતા રહેવું પડે,
શ્વાસ છું તો આમ અધવચ્ચે હું થાકી ના શકું.

ફૂલ ને ખુશ્બુની પાસે આટલું શીખું તો બસ-
એ જ મારું છે હું જેને પાસે રાખી ના શકું.

લાખ ગમતો હો છતાં પણ વાતેવાતે રોજેરોજ
હું ગઝલના શેરને સઘળે તો ટાંકી ના શકું.

આ ગઝલ એથી લખી કે શ્વાસ તારા નામના
જો નથી મારા તો મારી પાસે રાખી ના શકું.

-વિવેક મનહર ટેલર

28 thoughts on “આમ અધવચ્ચે હું થાકી ના શકું

  1. સરસ છે ગઝલ મજા આવી એમ કહી ના શકું;
    તારા અવિશ્વાસ ને કેમે કરીને ભૂસી ના શકું

  2. Khub sundar rachna

    ઈચ્છું છું જે કંઈ હું એ સઘળું તો તું દઈ ના શકે,
    હું ય જે ઈચ્છું છું એ સઘળું તો માંગી ના શકું.

    Hiral

  3. ફૂલ ને ખુશ્બુની પાસે આટલું શીખું તો બસ-
    એ જ મારું છે હું જેને પાસે રાખી ના શકું.

    વાહ… ખૂબ જ ઊંડી વાત!!

  4. DipNnrvaN ma darshak ke kahyu.N chhe-
    Prem to bandhi na rakhe, prem to mukta kare.-.Ful ane Khushbu no avo sambadh chhe.”Gamtu maLe to alya gajave na rakhiye , gamata no kariye gulal” — s to SHABD

  5. DipNnrvaN ma darshak ke kahyu.N chhe-
    Prem to bandhi na rakhe, prem to mukta kare.-.Ful ane Khushbu no avo sambadh chhe.”Gamtu maLe to alya gajave na rakhiye , gamata no kariye gulal”
    — sher ma TO shabd vadharano lage chhe( sher no ek,be, traN ,panch ma.Chhela ma barabar chhe.
    Makta kem nmathi ?
    Shjer Bijo,trijo ,chotho, panchamo Superb.

  6. સરસ છે આ ગઝલ એટલુ તો જરુર કહી શકુ
    લખ્યા કરો મહત્તમ એટલુ તો જરુર કહી શકુ

  7. લાખ ઈચ્છા થાય તો પણ ચાલતા રહેવું પડે,
    શ્વાસ છું તો આમ અધવચ્ચે હું થાકી ના શકું.

    સરળ શબ્દો ….સુંદર શબ્દો….

    થાકવાની વાત ના, છે પંથ લાંબો
    એક ડગલું રોજ , પુસ્તક માટે માંડો
    લાખ પ્રશ્નો થાય છે કાં દેર થાતી,
    આમ ચેતન મુજને તો ના પ્યાસો રાખો!

    જય ગુર્જરી,
    ચેતન ફ્રેમવાલા

  8. ભાઈ વિવેક,
    હું કવિ કે કવિતાનો માણસ નથી તે છતાં,
    “તું કે હું? લગ્નજીવનની દસમી વર્ષગાંઠ પર…”
    માં ગુંથાએલા શબ્દો થકી તમે જે આલેખ્યું છે તે
    મારા ૫૨ વર્ષના સહયારા જીવનમાં અને
    ૧૧ વર્ષના ખાલીપા દરમ્યાન મેં અક્ષરક્ષ માણ્યું
    અને અનુભવ્યું છે તેથી આપની આ ગઝલ વાંચતા
    રોમે રોમમાંથી મેં મારા વિશાદનો ભાર હળવો કર્યો છે.
    આભાર સહ:
    રતિલાલ ચંદરયા.
    મુંબઈ, ૨૬ જાન્યુઅારી ૨૦૦૭

  9. ..છું સૂરજ પણ રાતને ઊગતી તો દાબી ના શકું,
    છો રમત મનગમતી હો, કંઈ રોજ ફાવી ના શકું.ઈચ્છું છું જે કંઈ હું એ સઘળું તો તું દઈ ના શકે,હું ય જે ઈચ્છું છું એ સઘળું તો માંગી ના શકું.
    its true…!

  10. Hi Vivek,

    I like all Poems’ and Gazles’ and I wright one poem on sence(Indriyo). I always try to read Poems’ and Gazels’.I apprisiate your work 2wards gujati.Thanks and wish you keep it.
    Jayendra Desai(Gujju).

  11. ફૂલ ને ખુશ્બુની પાસે આટલું શીખું તો બસ-
    એ જ મારું છે હું જેને પાસે રાખી ના શકું.

    saras …….tatvachinatan……..sir exellent work

  12. સુપર,બધાં શેર ગમ્યાં, પહેલો શેર સરસ છે. ‘છું સૂરજ પણ રાતને ઊગતી તો દાબી ના શકું,
    છો રમત મનગમતી હો, કંઈ રોજ ફાવી ના શકું’ (રાત પાસે સુરજ ની શક્તિ નું કઈ ના ચાલે…વાહ,) અહીં, કોઈ શબ્દ વધારા નો તો નથી લાગતો!!!! ‘તો’ થી આખી વાત ને એક ઊઠાવ મળે છે, વજન પડે છે. ગુજરાતી ભાષા જ આવી છે, એક શબ્દ ની હાજરી-ગેરહાજરી થી વાત નો મર્મ ફરી જાય.

  13. આ ગઝલ એથી લખી કે શ્વાસ તારા નામના
    જો નથી મારા તો મારી પાસે રાખી ના શકું.

    Greatness of words….

  14. Ketli sachi chhe aa vat…icchu chu badhuy hu ae tu dai na shake..huy je ichchu chu ae saghadu mangi na shaku…Its really vary true…
    Excelent rachana…saral ane umda..

  15. ઈચ્છું છું જે કંઈ હું એ સઘળું તો તું દઈ ના શકે,
    હું ય જે ઈચ્છું છું એ સઘળું તો માંગી ના શકું.

  16. આ ગઝલ એથી લખી કે શ્વાસ તારા નામના
    જો નથી મારા તો મારી પાસે રાખી ના શકું……..વાહ કવિરાજ્….

  17. મારા તરફ્ થી આ તમારી સુન્દર-જોડી ને નાનકડી ભેટ…
    “ગઝલકાર ની પ્રેરણા નસીબવંતી કે ગઝલકાર
    કે છે તે એકમેક ના પુરક હું કહી નાં શકું”………………….. જય………

  18. ઈચ્છું છું જે કંઈ હું એ સઘળું તો તું દઈ ના શકે,
    હું ય જે ઈચ્છું છું એ સઘળું તો માંગી ના શકું.

    ખુબ સરસ્..

Leave a Reply

Your email address will not be published. Required fields are marked *