મુક્તક
(રસ્તો...દિલ સુધી જવાનો...! ચિત્રાંકન: ડૉ.કલ્પન પટેલ, સુરત)
હૈયું ભરાઈ આવ્યું, છલકી ઊઠ્યાં છે આ નેણ,
હું શું કહું? અધરથી પાછાં વળ્યાં છે સૌ વેણ;
તારો આ પ્રેમ સાંધે, સંબંધ એ રીતે કે
ટુકડો જડ્યો જડે ન, ક્યાંયે જડે ન કો’ રેણ.
ડૉ.વિવેક મનહર ટેલર
શબ્દો છે શ્વાસ મારા
મારૂં કાવ્યજગત - ગુજરાતી ભાષાનો સર્વપ્રથમ સ્વરચિત કાવ્યોનો બ્લોગ.
Shabdo Chhe Shwaas Maara : The World Of My Gujarati Poetry
Friday, June 02, 2006
મારો ક્ષરદેહ...
નામ: ડૉ.વિવેક મનહર ટેલર
સંપર્ક: dr_vivektailor@yahoo.com
મારો જન્મ સુરતમાં, અભ્યાસ અને હવે કાર્યક્ષેત્ર પણ સુરત જ. વ્યવસાયે તબીબ. તોયે પુસ્તક એ મારો પ્રથમ પ્રેમ. કવિતા મારી અહર્નિશ પ્રેયસી. પાંચમા ધોરણથી શબ્દોને શ્વાસમાં કંડારવાની શરૂઆત કરી એ પછી આજ દિન લગી વારંવારના અલ્પવિરામ છતાંય આ શ્વાસ અટક્યા નથી. લખવા અને વાંચવાને લોહીવટો આપું તો ફક્ત ખોળિયું રહે. આ સિવાય જૂનાં હિન્દી ગીતો અને ગઝલો સાંભળવા, ફોટોગ્રાફી, પ્રવાસ કરવો, મિત્રો બનાવવા અને ખાસ તો જાળવવા મને પ્રિય.
મારો અ-ક્ષરદેહ...
શબ્દો એ મારું સાચું અસ્તિત્વ. જાણે મારા શ્વાસ. મારા શબ્દો અને એ રીતે મારા શ્વાસ લઈને નિયમિત રીતે મિત્રોને મળતા રહેવાની ખ્વાહિશ સાથે આ બ્લોગની શરૂઆત કરી રહ્યો છું. મિત્રોના પ્રતિભાવોની, પછી એ તમારા સપનાંને પંપાળે એવા સુંવાળા હોય યા અસ્તિત્વને ઝંઝોળી નાંખે એવા આકરા હોય, સદૈવ પ્રતીક્ષા રહેશે. એની કિંમત આંકવાની ગુસ્તાખી નહીં કરું.
8 Comments:
Likhaavat pan kamaal!
Chitraankan pan kamaal! Surat na badha doctors artists bani gaya ke shu?
Nice one! .... Harish Dave
Really Really ....Versatile...
Since last half an hour i am reading these few lines again and again.I feel that these few lines have deep meaning in within....
Ya..Harish uncle saying true..
Lage che ke Surat na Batha doctors Kamal na kalakar che.
Vivekbhai tamara batha words bahu sparshi jay che!! Tamari pase kamal ni kala che.. tame atali sahajata thi kevi rite lakhi sako choo ? Another nice creation...
saras.......=bahu j saras
વિવેક ભાઈ!
ગુજરાતી બ્લોગ્સ ની દુનીયા માં પા પા પગલી ભરતાં મારાં બ્લોગ ની નોંધ લેવા બદલ આભાર.આપના જેવા નીવડેલા કવિ નો અભિપ્રાય મારે માટે ઉત્સાહ વર્ધક છે. આપના સલાહ સૂચનો મળતા રહે અને મારે માટે માનસીક તેમજ બૌદ્ધિક વિકાસ નો રસ્તો કંડારાતો રહે એવી લાલસા..
ધર્મેશ ..
thanks vivek for selecting my painting for your poem
kalpan
thanks neha andnav sudarshak for appreciating my painting
kalpan
દુહો :
ઘોડો ભાંગ્યો ઠેકતાં,મન ભાંગ્યું કવેણ ;
મોતી ભાંગ્યું વીંધતાં,નહીંસાંધો નહીં રેણ aojurq
Post a Comment
<< Home