યારો! અલગ અલગ અહીંતો સૌની શામ છે.
(એક મનભાવન શામ, તીથલ: જાન્યુઆરી-૨૦૦૪)ચારેતરફ ફરીથી હવે કત્લેઆમ છે,
આંખોમાં સૌની આજ આ કોનો પયામ છે?
વિશ્વાસ સાથે ખત્મ થયાં પ્રાણ તો, હવે
લાશોના ફક્ત થઈ રહ્યાં શ્વાસો તમામ છે.
વસ્તુ ભલે ને એક હો, અહેસાસ પોતીકો,
યારો! અલગ અલગ અહીંતો સૌની શામ છે.
રેવાળ ચાલ સાથીની ઈચ્છો તો ઢીલ દો,
બેકાબૂ બનશે જો જરી ખેંચી લગામ છે.
જીવન સફર છે એક, મુસાફર છે આદમી,
મારા જ ઘરમાં બે ઘડી મારો મુકામ છે.
ડૉ.વિવેક મનહર ટેલર
2 Comments:
વસ્તુ ભલે ને એક હો, અહેસાસ પોતીકો,
યારો! અલગ અલગ અહીંતો સૌની શામ છે.
---------
આ બે પંક્તિઓ આખી ગઝલમાં મને સૌથી વધારે ગમી. આપણા અભિગમ - attitude- ઉપર કેટલો બધો આધાર હોય છે? આની ઉપરથી મને રજની પાલનપુરીની નીચેની પંક્તિઓ યાદ આવી ગઇ
'બની આઝાદ જ્યારે માનવી નીજ ખ્યાલ બદલે છે.
સમય જેવો સમય આધીન થઇને ચાલ બદલે છે.'
જીવન સફર છે એક, મુસાફર છે આદમી,
મારા જ ઘરમાં બે ઘડી મારો મુકામ છે.
Khub saras khayu che, Vivek!
Post a Comment
<< Home